Kutuhuka 4:5 - MUKANDA USANDU WA ZAMBI 1975

⁵ Hanga akafuliele ngwo, Yehova, Zambi ya tulamba twetu, Zambi ya Apalahama, Zambi ya Izake, Zambi ya Yakomba hanasoloka kuli yena.

Mukanda Wa Zambi 1970

⁵ Mwene Zambi ngwenyi: “Ukalinge Chenacho hanga Aisraele akafuliele ngwo, Mwene Zambi, Zambi ya akakenu, Zambi ya Abrahama, ni Isake, ni Yakoba, hinakusolokela.”

Kutuhuka 4:5 Iomraidhean Croise

Ubutukilo 12:7

Mba Yehova yasoloka kuli Apalama, yamba ngwenyi, Chifuchi chino munguchihana ku munyachi we. Mba kuli Yehova yoze yasoloka kuli iye yamutungilako chilumbilo.

Ubutukilo 17:1

Muze te Apalama kali ni makumi livwa a miaka ni miaka livwa Yehova yasoloka kuli Apalama nikwamba kuli iye ngwenyi, Yami nguli Zambi Mukwa-Ndundo-Jeswe, enda kumeso jami upwe mungunu.

Ubutukilo 18:1

Yehova yasoloka kuli iye ku mitondo ya Mamare, te kanatwama ku chikolo cha mbalaka yenyi ha chivukuminya cha tangwa.

Ubutukilo 26:2

Yehova yasoloka kuli iye ngwenyi, Kanda upalumuka ku Engitu, twama mu chifuchi ngunakulweze.

Ubutukilo 28:13

Chikwo nawa Yehova kanamana helu liayo, yamba ngwenyi, Yami Yehova, Zambi ya tatenu Apalahama, Zambi ya Izake, chifuchi chino unapombo mungukwahacho, ni kuli akwa munyachi we.

Ubutukilo 48:15

Yawahisa José ngwenyi, Zambi akaawahise. Mwe Zambi atata Apalahama ni Izake endele kumeso jenyi, Mwe Zambi hanangulisa mwono wami weswe ndo musono.

Ubutukilo 48:3

Yakomba yamba kuli José ngwenyi, Zambi Mukwa-Ndundo-Jeswe wasolokele kuli yami ku Luze mu chifuchi cha Kanana, yanguwahisa.

1 Yitanga Ya Mianangana 18:36

Mba ha ola ya kulambula mulambu wa ngoloshi profeta Eliya yakundama, yamba ngwenyi, Yehova Zambi ya Apalahama, ni ya Izake, ni ya Izalele, akanyingike musono yena uli Zambi mu Izalele ni yami nguli kavumbi ke hinalinga yino yuma yeswe mumu yena wanguhele liji.

2 Sango Ja Mianangana 20:20

Yahinduka chimenemene, yaya ku puya ya Tekoa, mba shimbu machituhuka Yehosofate yamana, yamba ngwenyi, Enu A-Yunda ni yenu A-Yerusaleme ngwivwenu. Jikijilenu hali Yehova Zambi yenu, chocho munukola; fulielenu aprofeta jenyi, chocho yuma yenu muyiwaha.

Kutuhuka 19:9

Yehova yamba kuli Mose ngwenyi, Mungwiza kuli yena mu lelwa lilá hanga e atu evwe muze munguhanjika ni yena, akakufuliele nawa ndo ku miaka ya mutolo. Mose yambulwila Yehova maliji a e atu.

Kutuhuka 3:15

Chikwo ambile Zambi kuli Mose ngwenyi, Chocho ukambe kuli A-Izalele ngwe, Yehova, Zambi ya tulamba twenu, Zambi ya Apalahama, Zambi ya Izake, Zambi ya Yakomba hangutuma kuli yenu ngwenyi, Jina liami lino, ndo ku miaka ya mutolo. Chiwulwiso chami chino ndusu yisemuko yeswe.

Kutuhuka 3:16

Yako ukakungulule hamuwika makulwana a A-Izalele. Amba kuli ayo ngwe, Yehova, Zambi ya tulamba twenu, Zambi ya Apalahama, ni ya Izake, ni ya Yakomba, hanasoloka kuli yami ngwenyi, Pundu hinanutala, hinamona chize ananulingi mu Engitu.

Kutuhuka 3:18

O kumakapanjika ku liji lie, mba ni yena ni makulwana ja A-Izalele munukaheta kuli mwanangana wa Engitu, nukamwambulwile, ngwenu, Yehova Zambi ya A-Hepreu, heza kuli yetu, kashika utweche haliapwila tuye kama wenyi wa matangwa atatu mu puya, hanga tukalambule yitapo kuli Yehova Zambi yetu.

Kutuhuka 3:4

Yehova yamona ngwe iye hajingako mukutala, mba Zambi yamutambika ni liji lia kutuhuka ku mungonga ngwenyi, Mose, Mose. Iye yatá ngwenyi, Yami uno.

Kutuhuka 3:6

Chikwo nawa ngwenyi, Yami Zambi ya tatenu—Zambi ya Apalahama, Zambi ya Izake, Zambi ya Yakomba. Mose walifukile ku meso jenyi mumu te woma anevu mukutala hali Zambi.

Kutuhuka 4:1

Mose yakumbulula ngwenyi, Alioze mwane, o kechi kungufuliela chipwe kupanjika ku liji liami, ka, mumu mamba ngwo, Yehova kasolokele kuli yena.

Kutuhuka 4:31

E atu afulielele mba muze evwile ngwo, Yehova te hanangisa A-Izalele, hamona luyinda wo, hohene yahetamisa mitwe yo nikuwayila.

Kutuhuka 4:4

Yehova yaimba kuli Mose ngwenyi, Zoza kwoko lie umukwate ku muchila. Yazoza kwoko lienyi, yamukwata, yalumuka mulumbu mu kwoko lienyi.

Izaya 7:9

Ni mutwe wa Eframe Samaria, ni mutwe wa Samaria mwe mwana Remalia. Nyi kunuchi kufuliela, pundu kunuchi kukola.

Jeremia 31:3

Yehova wasolokele kuli ayo nikukatuka kusuku. Hinanuzanga ni zango lia mutolo, kashika hinakukoka ni utu wa zango.

Yoano 11:15

Mba hali yenu ngunawahilila te chapwileko, hanga nukafuliele; alioze tatuyenu kuli iye.

Yoano 11:42

Ngunanyingika wakungwivwavwa matangwa eswe: alioze mumu ha mbunga yize akungujingilika nachamba, hanga afuliele ngwe wangutumine.

Yoano 20:27

Kulutwe lia chize yamba kuli Tomase ngwenyi, Neha munwe we, utale moko jami, neha kwoko lie, ulise mu lumbu liami: kanda upwa kushi Ufulielo, alioze pwako mukwa kufuliela.

Yoano 20:31

Alioze yino yinasonewa, hanga nukafuliele Yesu iye mwe Kristu, mwe Mwana Zambi; hanga ha kufuliela, nukapwe ni mwono mu jina lienyi.

Yoano 5:36

Alioze Shindakenyo yize nguli nayo yinahiana yize ya Yoano; mumu yitanga yize anguhele Tata, hanga ngukayimanunune, yitanga yiyene nakulinga, kuyakushindakenya hali yami ngwo, Tata hanangutumu.

Yilinga 7:2

Eshetevau wambile ngwenyi, Mandumbu ni atata, ivwenu ngwami, Zambi ya uhenya wasolokele kuli kulwetu Apalahama, muze apwile mu Mesopotamia, shimbu kanda atwama mu Ha-rane,

Hebreu 11:16

aiioze haliapwila kakuzanga chifuchi chimwe chahiana, te chize cha mwilu: kashika Zambi keshi kwavwila sonyi, akamuvuluke ngwo, Zambi yetu; mumu hanaalulikila limbo.