Kutuhuka 4:23 - MUKANDA USANDU WA ZAMBI 1975

²³ Yami namba kuli yena ngwami, Echa mwanami aye akangulingile. Nyi yena kusolo kumwecha, tala, mungukashiha mwané, mwané mutangu.

Mukanda Wa Zambi 1970

²³ Hinakulweza weche mwanami aye akangulingile, alioze hiwalituna. Haliabwila mungushiha mwane mutangu.’ ”

Kutuhuka 4:23 Iomraidhean Croise

Miaso (Masamu) 105:36

Walambile ana jo atangu kusemuka nawa mu chifuchi cho, we uputukilo wa tachi jo jeswe.

Miaso (Masamu) 135:8

Iye walambile atangu kusemuka a mu Engitu, ni a atu ni a tushitu.

Miaso (Masamu) 136:10

Kuli yoze walambile A-Engitu muli atangu jo kusemuka; mumu utu wa zango lienyi wa mutolo.

Miaso (Masamu) 78:51

Walambile atangu kusemuka a mu Engitu, waze ahiana tachi mu mbalaka ja Hame.

Kutuhuka 10:3

Mose ni Arone yaheta kuli Falau, yamba kuli iye ngwo, Chocho anambe Yehova, Zambi ya A-Hepreu, ngwenyi, Ndo mwiji muka kusolo kulilelesa kumeso jami? Echa atu jami aye, akangulingile.

Kutuhuka 10:4

Nyi ka, nyi kusolo kwecha atu jami kuya, hamene kumungukaneha makumbi mu chifuchi che.

Kutuhuka 11:5

mba tupula-majimo a mu chifuchi cha Engitu kumafwa chize kuli kapula-jimo wa Falau watwama ha ngunja yenyi ndo kuli kapula-jimo wa ngamba wa pwo wakutwatwa wunga; tupula-majimo twa tushitu nawa.

Kutuhuka 12:29

Mba ha muchima ufuku Yehova yalamba tupula-majimo eswe a mu chifuchi cha Engitu, chize kuli kapula-jimo wa Falau watwama ha ngunja yenyi ndo kuli kapula-jimo wa funge uli mu zuwo lia ususu, ni tupula-majimo a yimuna nawa.

Kutuhuka 13:15

Mba muze Falau kasolo kututusula Yehova washihile tupula-majimo eswe a mu chifuchi cha Engitu, ni tupula-majimo a atu, ni tupula-majimo a yimuna. Kashika twakulambula kuli Yehova kuji eswe tupula-majimo, alioze tupula-majimo eswe a ana jetu a malunga twakwakula.

Kutuhuka 18:8

Mose wambulwilile tato-weno yeswe alingile Yehova kuli Falau ni A-Engitu mumu hali A-Izalele, ni lamba lieswe liaawanyine mu jila ni chize Yehova waapulwile.

Kutuhuka 3:18

O kumakapanjika ku liji lie, mba ni yena ni makulwana ja A-Izalele munukaheta kuli mwanangana wa Engitu, nukamwambulwile, ngwenu, Yehova Zambi ya A-Hepreu, heza kuli yetu, kashika utweche haliapwila tuye kama wenyi wa matangwa atatu mu puya, hanga tukalambule yitapo kuli Yehova Zambi yetu.

Kutuhuka 5:1

Kulutwe Mose ni Arone yanjila, yamba kuli Falau ngwo, Chocho anambe Yehova, Zambi ya A-Izalele, ngwenyi, Echa atu jami aye akangulingile chiwanyino mu puya.

Kutuhuka 6:11

Yako uhanjike ni Falau mwanangana wa Engitu, akeche A-Izalele akakatuke ku chifuchi chenyi.

Kutuhuka 7:16

Amba kuli iye ngwe, Yehova, mwe Zambi ya A-Hepreu, hangutuma kuli yena ngwenyi, Echa atu jami aye, akangulingile mu puya. Kumanyi ndo haliapwila kwahalakanyine.

Kutuhuka 8:1

Mba Yehova yamba kuli Mose ngwenyi, Heta kuli Falau, umwambulwile ngwe, Chocho anambe Yehova ngwenyi, Echa atu jami aye, akangulingile.

Kutuhuka 8:16

Yehova yamba kuli Mose ngwenyi, Ambulwila Arone ngwe, Zundula mulumbu we ulambe fufuta ya hashi hanga yialumuke yina ndusu mu chifuchi cheswe cha Engitu.

Kutuhuka 8:17

Chocho alingile, Arone yolola kwoko lienyi ni mulumbu wenyi, yalamba fufuta ya hashi, mba yina apwile hali atu, ni hali tushitu, fufuta yeswe ndusu mu chifuchi cha Engitu yiyialumuka yina.

Kutuhuka 8:20

Yehova yamba kuli Mose ngwenyi, Ulimeneke ha chimene umane kumeso ja Falau. Iye kumatuhuka akaye ku lwiji, umwambulwile ngwe, Chocho anambe Yehova ngwenyi, Echa atu jami aye, akangulingile.

Kutuhuka 9:1

Hohene Yehova yamba kuli Mose ngwenyi, Njila kuli Falau ukambe kuli iye ngwe, Chocho anambe Yehova, Zambi ya A-Hepreu ngwenyi, Echa atu jami aye, akangulingile.

Kutuhuka 9:13

Yehova yamba kuli Mose ngwenyi, Ulimeneke ha chimene ukamane kumeso ja Falau, umwambulwile ngwe, Chocho anambe Yehova, Zambi ya A-Hepreu, ngwenyi, Echa atu jami aye, akangulingile.

Kutuhuka 9:2

Nyi yena mwakwika, kusolo kwaecha kuya,

Hosea 11:1

Muze Izalele wapwile mwana namuzangile. Ku Engitu nasanyikine mwanami wa lunga.