Kutuhuka 4:11 - MUKANDA USANDU WA ZAMBI 1975

¹¹ Yehova yamba kuli iye ngwenyi, Watangile kanwa lia mutu iya? Iya mapwisa mutu kamama? Hanji kafwa-matwi, hanji mukwa kulaula meso, hanji kapuputa? Hi yami ko Yehova nyi!

Mukanda Wa Zambi 1970

¹¹ Mwene Zambi ngwenyi: “Iya wahele mutu kanwa? Iya wakupwisa mutu kafwa matwi hanji kanaye? Iya wakupwisa meso ja mutu, hanji kumupwisa kapuputa? Hi yami Mwene Zambi ko, nyi?

Kutuhuka 4:11 Iomraidhean Croise

Ubutukilo 11:7

Tuhulumukenu tukalumbangenye malimi jo hanga kechi kalivwa kuhanjika cha umwe ni mukwo.

Ubutukilo 18:14

Chuma chimwe muchipwa chikomokeso kuli Yehova nyi? Ha kangonde wa kutesa kumungwiza nawa kuli yena muze mwaka hiwaheta mba Sara makasema mwana.

Miaso (Masamu) 146:8

Yehova kakulawisa meso ja tupuputa. Yehova kakuhetula akwa kufumbama. Yehova kakuzanga akwa ululi.

Miaso (Masamu) 51:15

Mwene, pakula kama mivumbo yami, mba kanwa liami mulikambulula uhaliso we.

Miaso (Masamu) 94:9

Yoze wasele twitwi keshi kwivwa nyi? Yoze walulikile liso keshi kumona nyi?

Yishima 20:12

Ni twitwi lia kupanjika ni liso lia kumona, yeswe yiali Yehova wayitangile.

Izaya 42:7

ni kulawisa meso ja tupuputa; kuchiza funge ku zuwo lia ususu, ni waze anatwama funge mu milima kwachizamo.

Izaya 6:7

Yalisa ku kanwa liami ngwenyi, Chino hichakwata ku mivumbo ye, mba uhie we hakuchizawo, ni shili ye hakukonekenayo.

Jeremia 1:6

Ami yingwamba ngwami, Mwene Yehova, Chanyingikine kuhanjika mumu nguchili mukweze.

Jeremia 1:9

Mba Yehova yazoza kwoko lienyi yalisa ku kanwa liami; Yehova yamba kuli yami ngwenyi, Tala, hinasa maliji jami mu kanwa lie.

Ezekiel 33:22

Achi kwoko lia Yehova te linakangupwila ha chingoloshi shimbu te mwe mukwa kuchina kanda achiheta. Alioze hanangupakwila kanwa liami muze mwe mutu manguheta ha chimene. Chocho kanwa liami linapakuka; chapwile nawa kamama.

Amose 3:6

Atu kechi kwivwa woma nyi hasunga chitavwi mu chihunda? Chuma chikalu muchiwana chihunda nyi Yehova kachitumine?

Mateu 11:5

Tupuputa kanalaula ku meso, ni yilema kanende, akwa mbumba kanapeme, ni afwa matwi kanevu, ni afu kanahinduka; kuli yiswale kakwambujola sango lipema.

Luka 1:20

Mba tala, kumuhola kulungunga, kuchi kuhasa kuhanjika ndo tangwa lize yino yuma muyipwa, mumu kwafulielele maliji jami, eno kumakamanunuka ha mwaka wo.

Luka 1:64

Ni kanwa lienyi liapakukile haze hene ni limi lienyi liatusukile, neye wahanjikile nikufumanyisa Zambi.

Yoano 10:21

Akwo ambile ngwo, Maliji ano hi a kuli mukwa ndemoniu ko. Ndemoniu mahasa kulawisa meso ja kapuputa, nyi?