Kutuhuka 4:10 - MUKANDA USANDU WA ZAMBI 1975

¹⁰ Mose yamba kuli Yehova ngwenyi, Mwene, ami chishi kuhasa kuhanjika ni kushilinginya chipwe matangwa a kunyima, chipwe a haliapwila, ka, chipwe katuke ku tangwa lize wahanjikile ni yami kavumbi ke, nguli mutu wa kuhanjika makoke, limi liami lilemu.

Mukanda Wa Zambi 1970

¹⁰ Mose yakumbulula Mwene Zambi ngwenyi: “Nalemba Mwene Zambi, nguli mukwa chilimi. Nilimwe tangwa kanda nguhanjika kama kanawa ku meso ja atu anji, chibwe ku miaka ya kunyima, chibwe chize ku shimbu lize wabutuka kuhanjika ni yami kavumbi ke.”

Kutuhuka 4:10 Iomraidhean Croise

Jobe 12:2

Pundu enu nuli e atu lume, mba muze munufwa yenu, mana kechi kasoloka nawa hashi.

Kutuhuka 3:11

Mose yamba kuli Zambi ngwenyi, Yami iya? Te munguhasa kuya kuli Falau nyi? Ami hinguchiza A-Izalele ku Engitu nyi?

Kutuhuka 4:1

Mose yakumbulula ngwenyi, Alioze mwane, o kechi kungufuliela chipwe kupanjika ku liji liami, ka, mumu mamba ngwo, Yehova kasolokele kuli yena.

Kutuhuka 6:12

Mose yahanjika kumeso ja Yehova ngwenyi, Mwane, A-Izalele kahalakanyine kuli yami, ka, ngwe kuchi Falau mangwivwa, yami nguli mukwa chilimi?

Kutuhuka 6:30

Kumeso ja Yehova, Mose yamba ngwenyi, Mwane, yami nguli mukwa chilimi. Ngwe kuchi Falau mahalakana kuli yami?

Jeremia 1:6

Ami yingwamba ngwami, Mwene Yehova, Chanyingikine kuhanjika mumu nguchili mukweze.

Mika 6:4

Nanuchijile ku chifuchi cha Engitu, nikunukula ku zuwo lia upinji. Natumine Mose, ni Arone, ni Miriame kunutetekela.

Yilinga 7:22

Mose wafumbiwile ni mana eswe a Engitu, wapwile mukwa tachi ha maliji jenyi ni yitanga yenyi.

2 Korintu 10:10

Mumu kanambe ngwo, Mikanda yenyi yilemu, ya tachi; alioze iye mwene mu mujimba mulelu, ni kuhanjika chenyi chamokomoko.

2 Korintu 11:6

Alioze kachi nguli chikukumi ha kuhanjika hindu hi ha yinyingi ko. Alioze mu majila eswe hitunasolola chino kuli yenu ni yuma yeswe.