Kutuhuka 4:1 - MUKANDA USANDU WA ZAMBI 1975

¹ Mose yakumbulula ngwenyi, Alioze mwane, o kechi kungufuliela chipwe kupanjika ku liji liami, ka, mumu mamba ngwo, Yehova kasolokele kuli yena.

Mukanda Wa Zambi 1970

¹ Mose yakumbulula Mwene Zambi ngwenyi: “Alioze Aisraele keechi kangufunda, chibwe kungubanjika. Mumu maakamba ngwo: ‘Mwene Zambi kakusolokelele.’ ”

Kutuhuka 4:1 Iomraidhean Croise

1 Yitanga Ya Mianangana 13:3

Yahana nawa tangwa lize chilayi ngwenyi, Chilayi cha kushindakenya liji lino Yehova hahanjika ngwami, Chilumbilo muchipulika ni uto uze uliho muumwangana.

Kutuhuka 2:14

Iye yamba ngwenyi, Iya wakupwisa mukwa kutuyula hanji mukwa kutupatwila milonga? Unambe kungushiha ngwe unakashiha Ka-Engitu nyi? Mose yevwa woma, ngwenyi, Chamwenemwene chuma chino hichasangiwa.

Kutuhuka 3:15

Chikwo ambile Zambi kuli Mose ngwenyi, Chocho ukambe kuli A-Izalele ngwe, Yehova, Zambi ya tulamba twenu, Zambi ya Apalahama, Zambi ya Izake, Zambi ya Yakomba hangutuma kuli yenu ngwenyi, Jina liami lino, ndo ku miaka ya mutolo. Chiwulwiso chami chino ndusu yisemuko yeswe.

Kutuhuka 3:16

Yako ukakungulule hamuwika makulwana a A-Izalele. Amba kuli ayo ngwe, Yehova, Zambi ya tulamba twenu, Zambi ya Apalahama, ni ya Izake, ni ya Yakomba, hanasoloka kuli yami ngwenyi, Pundu hinanutala, hinamona chize ananulingi mu Engitu.

Kutuhuka 3:18

O kumakapanjika ku liji lie, mba ni yena ni makulwana ja A-Izalele munukaheta kuli mwanangana wa Engitu, nukamwambulwile, ngwenu, Yehova Zambi ya A-Hepreu, heza kuli yetu, kashika utweche haliapwila tuye kama wenyi wa matangwa atatu mu puya, hanga tukalambule yitapo kuli Yehova Zambi yetu.

Kutuhuka 4:10

Mose yamba kuli Yehova ngwenyi, Mwene, ami chishi kuhasa kuhanjika ni kushilinginya chipwe matangwa a kunyima, chipwe a haliapwila, ka, chipwe katuke ku tangwa lize wahanjikile ni yami kavumbi ke, nguli mutu wa kuhanjika makoke, limi liami lilemu.

Kutuhuka 4:30

Arone walumbunwine maliji eswe Yehova te hanambe kuli Mose. Yalinga ye yilayi kumeso ja atu.

Kutuhuka 4:31

E atu afulielele mba muze evwile ngwo, Yehova te hanangisa A-Izalele, hamona luyinda wo, hohene yahetamisa mitwe yo nikuwayila.

Kutuhuka 6:12

Mose yahanjika kumeso ja Yehova ngwenyi, Mwane, A-Izalele kahalakanyine kuli yami, ka, ngwe kuchi Falau mangwivwa, yami nguli mukwa chilimi?

Kutuhuka 6:30

Kumeso ja Yehova, Mose yamba ngwenyi, Mwane, yami nguli mukwa chilimi. Ngwe kuchi Falau mahalakana kuli yami?

Jeremia 1:6

Ami yingwamba ngwami, Mwene Yehova, Chanyingikine kuhanjika mumu nguchili mukweze.

Ezekiel 3:14

Spiritu yanguzundula, yangumbata; yinguya ni kusasa ni kusasaminya cha spiritu yami mumu kwoko lia Yehova te lili hali yami ni tachi.

Yilinga 7:25

Iye washinginyekene ngwe usoko wenyi manyingika ngwo, Zambi maalamwina ku kwoko Henyi; alioze kachinyingikine.

Akwa Kuyula 6:17

Iye yamukumbulula ngwenyi, Nyi hinawana vumbi kumeso je mba ungulweze chilayi cha kulumbunuka ngwami, Yena mwene unahanjika ni yami.