Kutuhuka 39:6 - MUKANDA USANDU WA ZAMBI 1975

⁶ Yatota mawe a sardonica a kunjisa mu maselo ja oru a kwola ngwe kwola cha ha kazeya nikulita ni majina ja ana a Izalele.

Mukanda Wa Zambi 1970

⁶ Yaasonga mawe achila a uhenya a kunjisa mu yituwa ya oru, yoola ho majina kumi ni aali ja ana ja Israele a malunga.

Kutuhuka 39:6 Iomraidhean Croise

Jobe 28:16

Oru ya Ofiri kuyaafwikile; chipwe sardonica ja ndando yilemu hanji safwira.

Kutuhuka 25:7

ni mawe a sardonica, ni mawe akaalamike ha efode ni ha chipwiko.

Kutuhuka 28:11

Ukole e mawe aali ni milimo ya mukwa kwola ha mawe, ngwe mola ha kazeya nikulita ni majina ja ana a Izalele. Ukaanjise mu maselo ja oru.

Kutuhuka 28:12

Ukanangike e mawe aali ha yipaya ya ye efode, akapwe mawe a Chiwulwiso hali A-Izalele. Arone akambate majina jo kumeso ja Yehova ha yipaya yenyi yiali, akapwe Chiwulwiso.

Kutuhuka 28:9

Ukande nawa mawe aali a sardonica, ukoleho majina ja ana a Izalele.

Kutuhuka 35:9

ni mawe a sardonica, ni mawe akaalamike ha efode ni ha chipwiko.

Kutuhuka 39:5

We muya wa ponda wa ulangaji, uze wapwileho wa kuyijichika, wapwile te wa hina limuwika, wa milimo yimuwika te wa oru wa mahina alauluka, ni a ufungo, ni a ngengu, ni apema atoma, chizechene ngwe Yehova ambile kuli Mose.

Ezekiel 28:13

Wapwile mu Endene, munda wa Zambi; mawe eswe a ndando yilemu apwile chifuko che, sartiu, ni topajiu, ni diamante, ni turkeza, ni sardonica, ni jasepe, ni safwira, ni carbunkulu, ni esmeralda, ni oru. Utotombo wa tumikupiela twe ni ndembo je wapwile muli yena; ha tangwa lize akutangile ayilulikile.