Kutuhuka 32:9 - MUKANDA USANDU WA ZAMBI 1975

⁹ Yehova yamba kuli Mose ngwenyi, Hinamona wano atu, kumanyi e atu te akwa pami.

Mukanda Wa Zambi 1970

⁹ Mwene Zambi yambila nawa Mose ngwenyi: “Atu wano ngunaanyingika, haabwa ni mbunge jikalu.

Kutuhuka 32:9 Iomraidhean Croise

1 MIANANGANA 17:14

Hindu kasolo kwivwa. Akwachile pami ngwe tulamba two alingile, waze kafulielele Yehova Zambi yo.

2 Sango Ja Mianangana 30:8

Kanda nukwata pami haliapwila ngwe tulamba twenu; liechenu kuli Yehova. Njilenu mu zuwo lienyi lisandu lize hasela ku usandu wa mutolo, nukalingile Yehova Zambi yenu, hanga utenu wenyi usasu unukatuke.

Nehemia 9:16

Alioze o tulamba twetu alengumukine; akwachile pami; kapanjikile ku shimbi je.

Nehemia 9:17

Kazangile kwononoka; kasolo kwiwuluka yikomokeso yize walingile hakachi ko. Akwachile pami ni ha kukukatukila atongwele umwe kasongo akahiluke ku undungo wo. Alioze yena uli Zambi mukwa kukonekena, mukwa vumbi, wa tò ni keke, kushi kutenuka washi, mukwa kulumbamisa utu wa zango, kashika kwaehukile.

Miaso (Masamu) 78:8

Kuchina mapwa ngwe akako, chisemuko cha pami ni uhulia; chisemuko cha waze kasele mbunge jo kanawa; Spiritu jo kujajikijilile kuli Zambi.

Kutuhuka 33:3

ndo ku chifuchi kuze kunokela yamwa ni wuchi; mumu yami mwene chichi kukanduka mukachi kenu mumu yenu nuli akwa pami, kuchina mungukanwonwona mu jila.

Kutuhuka 33:5

Yehova yamba kuli Mose ngwenyi, Ambulwila A-Izalele ngwe, Nuli akwa pami, kachi mungukanduka hakachi kenu ha shimbu likepe kachi mungukanwonwona lume. Kashika haliapwila Chizenu yuma yenu ya uhenya hanga ngunyingike chize mungulinga ni yenu.

Kutuhuka 34:9

Ngwenyi, Mwene kachi haliapwila hinawana vumbi kumeso je, ngunakulembe, Mwene ukaye hakachi ketu, mumu o kapwa akwa pami. Utukonekene uhenge ni shili yetu. Utuzuke kama tukapwe chihinga che.

Yishima 29:1

Yoze makwata pami ha kumukanjisa kanjikanji, mamwonwona susumuku ni ulamwino wakuhi.

Izaya 48:4

Se ngunanyingika nuli akwa pami, kota jenu japwa ngwe mujipwa wa utale, ni mahuma jenu ngwe unengu,

Jeremia 13:27

Hinamona yizelwokeso yenu, ni utanji wenu, ni kulikumbukila chenu ni ukoi wenu wa usolo, ha milundu mu yambu. Lamba lie, Yerusaleme! Miaka yingahi ndo makupemesa?

Hosea 6:10

Mu munyachi wa Izalele hinamona chuma cha lwaji. Ukoi wa Eframe ulimo. Izalele halipihisa.

Kwalula 14:11

Yehova yamba kuli Mose ngwenyi, Ndo mwiji muka wano atu mapwa nikungunyehuna? Ndo mwiji muka keshi kungufuliela, chipwe o hanamono yilayi yeswe nalingile hakachi ko?

Yilinga 7:51

Yenu nwakukala ni pami, nuli yilima ku mbunge ni ku matwi, yenu matangwa eswe nwakulinjika ni Spiritu Musandu; chizechene ngwe tulamba twenu, chocho ni yenu nawa nwakulinga.

Shimbi 10:16

Nulipwise ngalami, nuchize ulima wa mbunge jenu, kanda nupwa akwa kupangula nawa.

Shimbi 31:27

Mumu ngunanyingika kukolema chenu ni pami jenu. Kumanyi, shimbu nguchili ni mwono hamwe ni yenu musono kunwakolema Yehova, mba kulutwe lia kufwa chami muchihiana.

Shimbi 9:13

Chikwo nawa, Yehova yamba kuli yami ngwenyi, Hinamona atu ano, kutala, kapwa akwa kupangula.

Shimbi 9:6

Kashika, nyingikenu Yehova Zambi yenu kanuhele chifuchi chino chipema nuchizuke mumu ha ululi wenu; mumu kunwapwa akwa kupangula.