Kutuhuka 32:7 - MUKANDA USANDU WA ZAMBI 1975

⁷ Yehova yamba kuli Mose ngwenyi, Yako upalumuke, mumu atu je waze yena waachijile ku chifuchi cha Engitu halichisa.

Mukanda Wa Zambi 1970

⁷ Mwene Zambi yambila Mose ngwenyi: “Palumuka nikawashi, mumu atu je, waze watuhwishile mu chifuchi cha Egiptu, haalinga yibi.

Kutuhuka 32:7 Iomraidhean Croise

Kutuhuka 32:11

Mose yamba kuli Yehova Zambi yenyi ngwenyi, Yehova, kuchi te utenu we unasasaminya hali atu je, waze waachijile ku chifuchi cha Engitu ni tachi jinji, ni kwoko lia ndundo?

Hosea 9:9

Hanalichisa chikolo, ngwe ha matangwa ja Ngibia. Iye kumakewuluka uhenge wo; kumakafwetesa milonga yo.

Shimbi 9:12

Yehova yamba kuli yami ngwenyi, Katuka, upalumukeko washi, mumu atu je waachijile mu Engitu hanalilumbula, hanahambuluka ku jila naambileyo, hanalizuzulwila kaponya.

Akwa Kuyula 2:19

Alioze muze mwe mukwa kuyula hafwa o ahilukile munyima nikulinga chipi kuhiana chize alingile atato. Akawile mazambi akwo, nikwalingila, nikuhetama kuli ayo. Kambilile nijimwe ja ndako jo hanji ja pami jo.

Kutuhuka 19:24

Yehova yamba kuli iye ngwenyi, Yako, upalumuke mba ukakanduke ni yena ni Arone hamwe ni yena. Alioze asasendote ni e atu kanda akazomboka njiza mukukanduka ndo kuli Yehova kuchina iye makapula haze nikwaheta.

Daniel 9:24

Hali atu je ni chihunda che chisandu hanasela shimbi ya makumi shimbiali a semana kumanununa Utanguko, ni kusulisa shili, ni kukukila uhenge, ni kuhetesa ululi wa mutolo, ni kujika ni Chijikilo usolwelo ni uprofeto, ni kuzujila maji muma musandu mwahiana.

Shimbi 32:5

O hamulinga mafwefwe, kapwile nawa ana jenyi mumu ha kupiha cho. Chisemuko cha kupiya ni kuhenga.

Shimbi 4:16

Kuchina munulilumbula nikulisongela kaponya mu kulifwa cha mujimba weswawo, hanji mu kulifwa cha lunga, hanji cha pwo,

Kutuhuka 33:1

Yehova yamba kuli Mose ngwenyi, Yako ukakanduke hamwe ni atu aze waachijile ku chifuchi cha Engitu, ndo ku chifuchi chize nalishingile ni shingo kuli Apalahama ni Izake ni Yakomba ngwami, Mungukachihana ku munyachi we.

Kutuhuka 32:4

Iye wayitambwile ku moko jo, yayisonga ni shizo, yayilinga mwana-ngombe wa kuzuzulula. O yamba ngwo, Enu A-Izalele, Zambi yenu yono, wanuchijile ku chifuchi cha Engitu.

Kutuhuka 32:1

Muze atu amwene ngwo, Mose kapalumukine nikawashi ha mulundu, e atu yakungulula hamuwika kuli Arone, yamba kuli iye ngwo, Katuka, utulingile tuzambi tuze mutututetekela, mumu yono Mose, mwe mutu watuchijile ku Engitu, Kutwanyingikine chize chinamuwane.

Shimbi 9:8

Mu Horepe nawa yinwihia Yehova, Yehova yevwa utenu ni yenu, yamba kunwonwona.

Miaso (Masamu) 78:36

Alioze amupepiekele ni makanwa jo. Ahanjikile mahuza kuli iye ni malimi jo.

Shimbi 31:29

Mumu ngunanyingika ngwami, Kulutwe lia kufwa chami kumunukalilumbula liakulu, munukahambuluka ku jila nanwambileyo, yipi muyiza kunuwana ha matangwa a kusula, mumu munukalinga chipi kumeso ja Yehova, mukumwihia ku yitanga ya moko jenu.

2 Sango Ja Mianangana 27:2

Walingile chipema kumeso ja Yehova nikulita ni chize cheswe tato Uzia walingile; alioze kanjilile mu tembele ya Yehova. E atu alingile uhenge.

Izaya 1:4

Enu vungu lia yivulumunyi, atu alemewa ni uhenge, ana ja akwa kulinga chipi, ana aze akulinga luchisa! Hanehuka Yehova, hanalelesa Musandu wa A-Izalele, hanalihandununa liakulu ni yami.