Kutuhuka 32:2 - MUKANDA USANDU WA ZAMBI 1975

² Mba Arone yamba kuli ayo ngwenyi, Zulenu yingelengele ya oru yili ku matwi ja akwenumapwo, ni ku matwi ja ana jenu a malunga, ni ku matwi ja ana jenu a mapwo, nunguneheneyo.

Mukanda Wa Zambi 1970

² Arone ngwenyi: “Chizenu yingeliengelie ya oru ya ku matwi ja mapwo jenu, ni ja ana jenu a malunga ni a mapwo, ngunehenenu yo.”

Kutuhuka 32:2 Iomraidhean Croise

Ubutukilo 24:22

Kwapwile muze te tumelu hamana kunwa, mwe lunga yachiza kazeya ka oru ya pezu ya ha muchima, ni yijingo yiali ya oru ya kusa ha moko jenyi, ya kumi lia pezu.

Ubutukilo 24:47

Namuhula ngwami, Yena uli mwana waya? Aye ngwenyi, Yami mwana wa Mbetule wa Nehore yoze Milika wamusemenene. Chocho namusanga kazeya ha zulu ni yijingo ha moko jenyi.

Kutuhuka 20:23

Kanda ukalinga tuzambi tweka kwapalakenya ni yami, chipwe tuzambi twa prata, chipwe tuzambi twa oru.

Kutuhuka 32:3

Atu eswe azulile yingelengele ya oru yapwile mu matwi jo, yayitwala kuli Arone.

Kutuhuka 35:22

Mba yaya, malunga ni mapwo eswe apwile ni mbunge ja kutá, yatwala mikosa, ni yingelengele, ni tuzeya, ni yijingo, ni upite weswe wa oru. Mukwa kulambula mweswe, walambwile Yehova mulambu wa oru.

Yishima 25:12

Mukwa mana yoze mahana liji lia kukanjisa mu twitwi lia kwononoka kapwa ngwe kazeya ka oru, hanji chuma cha uhenya cha oru yipema.

Izaya 3:19

ni yingelengele, ni makai, ni malesu,

Izaya 30:22

Henaho munukachisa tuponya twenu a kwola ni kufuka ni prata, ni tuponya twenu a kuzuzulula ni kufuka ni oru. Munukaamwanga ngwe chuma cha luchisa, nikwamba ngwenu, Katukenuko!

Ezekiel 16:17

Yiwanda nawa yuma ye ya uhenya upema wa oru yami ni prata yami yize nakuhele, yiulilingila tuponya twa malunga ni kulinga no ukoi.

Hosea 2:8

Kanyingikine, yami namuhele mbuto, ni vinyu, ni maji, nikumwaha prata ni oru ya kulumbama, yize o alingilile nayo Mbale.