Kutuhuka 3:8 - MUKANDA USANDU WA ZAMBI 1975

⁸ Hinahulumuka mukwapulula ku moko ja A-Engitu, mukwachiza ku chifuchi chize, mukwatwala ku chifuchi chipema, chinene, ndo ku chifuchi kuze kunokela yamwa ni wuchi, ndo ku chihela cha A-Kanana, ni cha A-Hete, ni cha A-Amore, ni cha A-Perize, ni cha A-Hevwe, ni cha A-Yepushe.

Mukanda Wa Zambi 1970

⁸ Hinahulumuka hanga ngwapulule ku moko ja akwa Egiptu, ni kwatwala mu chifuchi chinene, chibema, ni cha chinuno. Akanana, ni Ahite, ni Aamore, ni Aperize, ni Ahive, ni Ajebuse, enoo atwama mu chifuchi chize haliabwila.

Kutuhuka 3:8 Iomraidhean Croise

Ubutukilo 11:5

Alioze Yehova yahulumuka akamone limbo ni kaposhi yoze ana ja atu machitunga.

Ubutukilo 11:7

Tuhulumukenu tukalumbangenye malimi jo hanga kechi kalivwa kuhanjika cha umwe ni mukwo.

Ubutukilo 15:13

Mba yamba kuli Apalama ngwenyi, Nyingika pundu akwa munyachi we makapwa njize mu chifuchi hi nicho ko, makapwa ndungo, makaapinjisa makulakaji awana a miaka.

Ubutukilo 15:14

Mba mungukalamba atu aze aapita. Kulutwe makatukako ni upite wunji.

Ubutukilo 18:21

munguhulumuka haliapwila ngukamone nyi pundu analingi nikulita ni lufuma wacho yoze wanguheta. Nyi ka, mungunyingika.

Ubutukilo 43:11

Mba tato Izalele yamba kuli ayo ngwenyi, Nyi chocho chapwa lingenu chino; mbatenu mihuko yimwe yipema ya chifuchi mu yikwachilo yenu nuyitwale kuli mwe lunga mulambu, yimwe yitumbo ya ulilila, ni kamwe kawuchi, ni especiaria, ni mira, ni katapi, ni amendoa.

Ubutukilo 46:4

Munguya hamwe ni yena ku Engitu, mba mungukakuchizako nawa. José makasa moko jenyi ha meso je.

Ubutukilo 50:24

Mba José yamba kuli ayayo ngwenyi, Mungufwa alioze Zambi pundu makeza kuli yenu, manuchiza ku chifuchi chino akanutwale ku chifuchi chize achilakenyene ni shingo kuli Apalahama, ni kuli Izake, ni kuli Yakomba.

1 Sango Ja Mianangana 1:15

ni A-Hevwe, ni A-Aki, ni A-Sini,

Nehemia 9:8

Wawanyine mbunge yenyi yingunu kumeso je; wakolesele nenyi usendo ukamwehe chifuchi cha A-Kanana, ni A-Hete, ni A-Amore, ni A-Perize, ni A-Yepushe, ni A-Ngikashe, ukachihane kuli akwa munyachi wenyi. Hiwalinga nikulita ni maliji je mumu uli mukwa ululi.

Miaso (Masamu) 12:5

Yehova kanambe ngwenyi, Mumu ha lamba lia mukwa luyinda, ha mikuma ya chiswale mungukatuka haliapwila. Mungumusela homa hawape haze iye akufupa nikuhwimashana.

Miaso (Masamu) 12:6

Maliji a Yehova maliji apema. Ngwe prata yize ya kweseka mu lutengo wa mavu, ya kupemesa yisuho shimbiali.

Miaso (Masamu) 34:8

Panjikenu nukambe ngwenu, Yehova iye mupema; kawaha mweswe maswama muli iye.

Miaso (Masamu) 91:15

Kumakangusanyika mba mungumukumbulula. Mungupwa hamwe nenyi mu lamba; mungumupulula; mungumukolesa.

Kutuhuka 12:41

Mba ha kuhwa makulakaji awana a miaka ni makumi atatu a miaka, ha tangwa lize liene yizavu yeswe ya Yehova yakatuka ku chifuchi cha Engitu.

Kutuhuka 12:51

Mba ha tangwa lize liene Yehova yachiza A-Izalele ku chifuchi cha Engitu nikulita ni yizavu yo.

Kutuhuka 13:5

Chikapwe muze Yehova makanuhetesa ku chifuchi cha A-Kanana, ni cha A-Hete, ni cha A-Amore, ni cha A-Hevwe, ni cha A-Yepushe, che chize alishingile kuli tulamba twenu mukunwaha, chifuchi kuze kunokela yamwa ni wuchi, ngwami, Ha kakweji yono mwene nukalinge uvumbiko uno.

Kutuhuka 3:17

Hinamba ngwami, Mungukanuchiza ku luyinda wa Engitu, mungukanutwala ku chifuchi cha A-Kanana, ni A-Hete, ni A-Amore, ni A-Perize, ni A-Hevwe, ni A-Yepushe, ku chifuchi kuze kunokela yamwa ni wuchi.

Kutuhuka 34:11

Ononoka ku chize ngunakwambe musono. Munguhuma mu chifuchi kumeso je A-Amore, ni A-Kanana, ni A-Hete, ni A-Perize, ni A-Hevwe, ni A-Yepushe.

Kutuhuka 5:23

Mumu hanga nahetele kuli Falau mukuhanjika mu jina lie iye hanalingi yipi kuli wano atu. Chipwe kupulula atu je kwaapulwile nichimwe.

Izaya 36:17

ndo mungwiza kunutwala ku chifuchi chimwe chalifwa ni chifuchi chenu—chifuchi cha mbuto ni vinyu, chifuchi cha mbolo ni minda ya uva.

Izaya 64:1

Nyi kachi mupula malilu ukahulumuke, hanga milundu yikachikime ha kuheta che—

Jeremia 11:5

hanga ngukamanune shingo lize nalishingile ni tulamba twenu, ngukaahe chifuchi cha kupukukila yamwa ni wuchi, ngwe ha tangwa lino lia musono. Ami nakumbulwile ngwami, Chochene, Yehova.

Jeremia 2:7

Nanunehene ndo mu chifuchi cha kulumbama cheswe hanga nukayuke ni mihuko yamo ni yuma yamo yipema. Alioze muze nwanjilile nwachishile chifuchi chami, ni kupwisa chihinga chami chuma cha lwaji.

Jeremia 32:22

Waahele chifuchi chino te hiwalishinga ni tulamba two kwaahacho; chifuchi kuze kunokela yamwa ni wuchi.

Ezekiel 20:6

Ha tangwa lize nalishingile kuli ayo kwachiza mu chifuchi cha Engitu nikwaneha ku chifuchi hinaafupila; chifuchi chinokela yamwa ni wuchi, che chifuchi chahiana yifuchi yeswe ni uhenya.

Alevi 20:24

Alioze hingunambe kuli yenu ngwami, Munuhinga chifuchi cho, mungunwahacho nukachizuke, chifuchi kuze kunokela yamwa ni wuchi. Yami Yehova Zambi yenu yoze wanuhandunwine ku mavungu.

Amose 2:10

Chikwo nawa nanuchijile mu chifuchi cha Engitu nikungongwela mu puya makumi awana a miaka hanga nukatunge chifuchi cha A-Amore.

Kwalula 13:18

Nutale chifuchi chize chipwa, ni atu atwamamo, kwatala shina yitakame, nyi shina alelu; shina o akehe, nyi shina anji.

Kwalula 13:19

Ni chize chipwa chifuchi, shina chipema nyi shina chipi. Ni membo muze atwama ayo, shina mu yilombo, nyi shina mu yihunda ya kukolesa.

Kwalula 13:27

Yaambulwila ngwo, Twahetele ku chifuchi kuze nwatutumine, kuze kunokela yamwa ni wuchi, mba ye mihuko yamo yino.

Yoano 3:13

Mba niumwe wazezukile mwilu shina yoze wahulumukine mwilu, mwe Mwana Mutu, mwenawo mwilu mwali.

Yoano 6:38

Mumu hingunahulumuka mwilu, hi mukulinga upale wa yami mwene ko, alioze upale wa yoze wangutumine.

Shimbi 1:25

Yambata ha moko jo mihuko yimwe ya ku chifuchi, yapalumuka nayo kuli yetu, yatunehena liji ngwo, Che chifuchi Yehova Zambi yetu anatwehecho kuchawaha.

Shimbi 1:7

Tewulukenu, nuye mu wenyi wenu, nuye ku chifuchi cha A-Amore ku milundu, ndo kuma kweswe kwasulangana nacho mu Arapa, ni mu chifuchi cha milundu, ni mu yana, ni ku Negeve, ni ku ngenge ya Kalunga-lwiji, chifuchi cha A-Kanana, ni cha Lebano, ndo ku lwiji munene, mwe lwiji Ufrateze.

Shimbi 27:3

Nukasonekeho maliji eswe a shimbi yino, te ha kuzauka, ni kunjila mu chifuchi Yehova Zambi yenu ananwehecho, chifuchi kuze kunokela yamwa ni wuchi, ngwe Yehova Zambi ya tulamba twenu anulakenyene.

Shimbi 28:11

Yehova makanuwahisa ni yikumba, ni ana a mijimba yenu, ni ana a yimuna jenu, ni mbuto ya mavu jenu, mu chifuchi chize Yehova walishingile kuli tulamba twenu kunwahacho.

Shimbi 6:3

Enu A-Izalele, ivwenu kashika, nukanyame kuyilinga, hanga nutwame kawape, hanga nwoke chinji, ngwe anulakenyene Yehova Zambi ya tulamba twenu, mu chifuchi munokela yamwa ni wuchi.

Shimbi 7:1

Muze Yehova Zambi yenu manuhetesa mu chifuchi nunayi kuchizuka, ha kahuma mavungu anji kumeso jenu, A-Hete, ni A-Ngikashe, ni A-Amore, ni A-Kanana, ni A-Perize, ni A-Hevwe, ni A-Yepushe, mavungu shimbiali ananuhiana ni unene, ni ndundo,

Yoshua 5:6

Mumu A-Izalele endele makumi awana a miaka mu puya ndo lie vungu lieswe, e matanga eswe a jita afwile, waze akatukile ku Engitu, mumu kapanjikile ku liji lia Yehova. Kuli ayo Yehova walishingile ngwenyi, Kunuchi kumona chifuchi chize Yehova walishingile kuli tulamba twenu kuhana kuli yenu, chifuchi kuze kunokela yamwa ni wuchi.

Yoshua 9:1

Mba mianangana aze eswe atwama mu sali lia Yordau mu milundu ni mu yana yeswe ya ku mbaka ya Kalunga-lwiji Munene, kwa kuya ku Lebano, ni A-Hete, ni A-Amore, ni A-Kanana, ni A-Perize, ni A-Hevwe, ni A-Yepushe; o muze evwile chuma chino

Yoshua 9:7

Alioze malunga a Izalele yamba kuli A-Hevwe ngwo, Hanji nwatunga he hakachi ketu, nyi chocho kuchi mutukolesa usendo ni yenu?