Kutuhuka 3:7 - MUKANDA USANDU WA ZAMBI 1975

⁷ Yehova yamba ngwenyi, Chamwenemwene hinamona luyinda wa atu jami ali mu Engitu. Hinevwa muteto wo mumu ha mukunda wa tupatashi two; ngunanyingika yinyengo yo.

Mukanda Wa Zambi 1970

⁷ Mwene Zambi ngwenyi: “Hinamona chize atu jami anamono lamba mu chifuchi cha Egiptu. Hinevwa chize analili ku moko ja akwa lutwe jo, akwa Egiptu waze akwaaha milimo. Ngunanyingika lamba lio lieswe.

Kutuhuka 3:7 Iomraidhean Croise

Ubutukilo 16:11

Mungelo wa Yehova yamba kuli iye nawa ngwenyi, Tala ufumba uli nawo. Kumukasema mwana wa lunga, ukamuluke jina lienyi, Ishemali, mumu Yehova hapanjika ku luyinda we.

Ubutukilo 18:21

munguhulumuka haliapwila ngukamone nyi pundu analingi nikulita ni lufuma wacho yoze wanguheta. Nyi ka, mungunyingika.

Ubutukilo 21:17

Zambi yevwa liji lia mwana mba mungelo wa Zambi mwilu yasanyika Hekare ngwenyi, Kuchi unevu yena Hekare? Kanda wivwa woma, mumu Zambi hevwa liji lia mwana kuze ali.

Ubutukilo 29:32

Liya yaka ufumba, yasema mwana wa lunga, yamuluka jina lienyi Rupene se yamba ngwenyi, Mumu Yehova hamona kuyindama chami, haliapwila lunga liami manguzanga.

Ubutukilo 31:12

Iye yamba ngwenyi, Hetula meso je haliapwila utale. Kuji eswe waze ananyina ha yimuna kapwa akwa yihesayihesa, ni akwa yipekayipeka ni apundumuka mumu hinamona yize yeswe Lapane kanakulingi.

Ubutukilo 31:42

Nyi kachi Zambi ya tata, Zambi ya Apalahama, woma wa Izake, kachi kapwile ni yami, pundu kachi wanguhumine mokomoko. Zambi hanamono lamba liami ni kuhondangana cha moko jami mba kakuhisanga musono.

2 Samuel 22:28

Mumu kumulamwina akwa luyinda, alioze meso je kakutala akwa kulizelula, wakwahombwesa.

1 MIANANGANA 13:4

Alioze Jehoahaze yalemba kuli Yehova mba Yehova yapanjika kuli iye mumu ha kumona luyinda wa A-Izalele chize mwanangana wa Seria waayindamishine.

1 MIANANGANA 20:5

Hiluka nawa ukambe kuli Hezekia mukwa kuyula atu jami ngwe, Yehova kanambe, mwe Zambi ya kalamba ke David ngwenyi, Hinevwa kulemba che, hinamona masoji je, mungukuwuka. Ha tangwa liamuchitatu kumuoya ku zuwo iia Yehova.

Nehemia 9:9

Wamwene luyinda wa tulamba twetu mu Engitu; wevwile muteto wo ku Kalunga-lwiji Muchila.

Miaso (Masamu) 106:44

Hindu wanyongene luyinda wo muze evwile muteto wo.

Miaso (Masamu) 12:6

Maliji a Yehova maliji apema. Ngwe prata yize ya kweseka mu lutengo wa mavu, ya kupemesa yisuho shimbiali.

Miaso (Masamu) 142:3

Muze spiritu yami yalezumukine muchima, yena wanyingikine jila yami. Mu jila yize ngunende hanguswekela kambwila.

Miaso (Masamu) 145:19

Kumakayukisa usona wa waze akumuvwila woma. Kumakevwa muteto wo nawa, kumakaalamwina.

Miaso (Masamu) 22:24

Mumu iye kalelesele lamba lia akwa luyinda, chipwe kalivwilile kupiha. Kamuswekele meso jenyi, alioze muze atetele wamuvwile.

Miaso (Masamu) 34:4

Nafupile Yehova, iye wangukumbulwile, mba wangupulwile ku woma wami weswe.

Miaso (Masamu) 34:6

Chiswale yono yateta, Yehova yamwivwa, yamupulula ku lamba lienyi lieswe.

Miaso (Masamu) 35:22

Yena Yehova hi wamona; kanda uhola. Mwene, kanda upwa kusuku ni yami.

Miaso (Masamu) 9:14

Hanga ngukambujole lufuma we mweswe mu yikolo ya mwana wa pwo Zaione. Kumunguwahilila mu ulamwino we.

Kutuhuka 1:11

Kashika asele tupatashi mukwapinjisa ni yiteli. O yatungila Falau membo, Pitome ni Ramese, mukutulikilamo upite.

Kutuhuka 1:8

Aswanyishine mwanangana weka wa Engitu, umwe kanyingikine José.

Kutuhuka 22:23

Kachi munwayindamisa chimwe mba o mateta kuli yami kachi chamwenemwene kumungwivwa muteto wo.

Kutuhuka 33:13

Haliapwila kashika, ngunakulembe, kachi hinawana vumbi kumeso je, ngulweze kama majila je, ngukunyingike hanga nguwane vumbi kumeso je, uchinyonge kama, ngwami, vungu lino kuliapwa atu je.

Kutuhuka 5:10

Mba e tupatashi twa atu atuhukile hamwe ni tupita two. Yahanjika ni atu ngwo, Chocho anambe Falau ngwenyi, Chichi kunwaha mwambu.

Kutuhuka 5:6

Tangwa lize liene Falau watuminyine tupatashi twa atu hamwe ni tupita two ngwenyi,

Izaya 63:9

Mu huli lio lieswe iye wamwene huli, mba mungelo wa kumeso jenyi waalamwinyine. Ni zango lienyi ni keke yenyi waakulile; waazundwile, waambachile matangwa eswe a shakulu.

Kwalula 20:16

Muze twatetele kuli Yehova, iye yevwa liji lietu, yatuma mungelo, yatuchiza ku Engitu; kumanyi ku Kandeshe tuli, ku limbo liatwama ku songo lia njiza je.

Yilinga 7:34

Yami chamwenemwene hingunamono yihungumiona yize akumona atu jami, waze ali mu Engitu, hingunevu mikuma yo, hingunahulumuka mukwapulula. Haliapwila tweya, mungukutuma ku Engitu.

Hebreu 4:15

Mumu sasendote mukwa lutwe kutushi nenyi yoze keshi kuhasa kwivwa keke ha kukokoloka chetu; aiioze yoze hanamweseka ha yuma yeswe chizechene ngwe yetu, hindu shili, ka.

1 Samuel 9:16

Hamene, ha ola yino, mungukutuma umwe lunga wa ku chifuchi cha Mbenjamine, ukamuwayise akapwe kasongo ka atu jami A-Izalele. Iye makalamwina atu jami ku moko ja A-Filistea, mumu hinatala atu jami se muteto wo hiwanguheta.