Kutuhuka 3:5 - MUKANDA USANDU WA ZAMBI 1975

⁵ Yehova yamba ngwenyi, Kanda ukundama kuno, zula haku je ku molu je, mumu homa unamana, ha mavu asandu.

Mukanda Wa Zambi 1970

⁵ Zambi ngwenyi: “Kanda ukundama kuno. Zula sapato (haku) je, mumu homa hano unamana ha chijila.

Kutuhuka 3:5 Iomraidhean Croise

Kutuhuka 19:12

Ukasele atu njiza ya kujingilika. Amba ngwe, Nukanyame. Kanda nukanduka ha mulundu chipwe kukwata ku njiza yawo, ka. Mweswawo makwata ku mulundu akamushihe lume.

Kutuhuka 19:21

Yehova yamba kuli Mose ngwenyi, Palumuka, uhane koki kuli atu kuchina mazomboka njiza ndo kuli Yehova mukumutala, mba anji a kuli ayo mafwa.

Kutuhuka 4:28

Mose yambulwila Arone maliji eswe Yehova wamutumine no ni yilayi yeswe amwambile.

Longeshi 5:1

Funga kulu lie muze muoya ku zuwo lia Zambi; mumu kukundama ukevwe acho Shinaho; kuhana yitapo ya yihepuke achi kunyima, mumu o kanyingikine chipi chize analingi.

Jeremia 30:21

Mwanangana wo makapwa umwe niwo, mukwa kwayula masolokela hakachi ko. Mungukamukundamisa mba meza kuli yami, mumu iya mahamuka kukundama kuli yami ni poko yenyi mwene? Chocho kanambe Yehova.

Alevi 10:3

Henaho Mose yamba kuli Arone ngwenyi, Chino che chuma Yehova hamba ngwenyi, Mungupwa wajila kuli waze eswe makakundama kuli yami. Kumeso ja e atu eswe mungukalema. Arone yaliholela lume.

Yilinga 7:33

Mwene wambile kuli iye ngwenyi, Zula haku je ku molu je: mumu homa hano unamana hasandu.

Shimbi 23:14

Mumu Yehova Zambi yenu kakwenda mukachi ka chilombo enenu, mukunupulula, mukukunjika kumeso jenu akwa kole jenu. Kashika chilombo chenu chikapwe chisandu, kanda amonamo chuma nichimwe cha sonyi kuchina manumba nyima.

Hebreu 12:20

mumu kahashile kunyongonona ha chize ayulile, nyi kachi kashitu maheta kama ku mulundu akamwase mawe.

Yoshua 5:15

Kapitau ka tujita twa Yehova yamba kuli Yoshua ngwenyi, Chiza haku je ku molu je mumu homaho unamana hasandu. Chocho Yoshua yalinga.

2 Petulu 1:18

Liji lino yetu twevwile, lia kukatuka mwilu, muze twapwile hamwe nenyi ha mulundu usandu.