Kutuhuka 3:2 - MUKANDA USANDU WA ZAMBI 1975

² Mungelo wa Yehova yasoloka kuli iye mu mulengi wa kahia, mukachi ka mungonga. Iye yatalako, kumanyi mungonga unayili ni kahia hindu we mungonga kuwakotongokele.

Mukanda Wa Zambi 1970

² Kwenako kanganda ka Mwene Zambi amusolokelele mu mulengi wa kahia, mu chibuta. Mose yatala ko. Che chibuta te chinalekwoka ni kahia, alioze kuchawemene ko.

Kutuhuka 3:2 Iomraidhean Croise

Ubutukilo 21:17

Zambi yevwa liji lia mwana mba mungelo wa Zambi mwilu yasanyika Hekare ngwenyi, Kuchi unevu yena Hekare? Kanda wivwa woma, mumu Zambi hevwa liji lia mwana kuze ali.

Ubutukilo 22:11

Alioze mungelo wa Yehova mwilu yamusanyika ngwenyi, Apalahama, Apalahama. Iye yamba ngwenyi, Yami uno.

Ubutukilo 48:16

Mwe mungelo hanangupulula ku yipi yeswe, akawahise wano akweze, Jina liami likapwe muli ayo, ni jina lia atata Apalahama ni Izake. Akoke ndo mapwa chihuji hashi.

Miaso (Masamu) 66:12

Watayijile atu kuliata ha mitwe yetu. Twapalikile mu kahia ni mu meya, alioze watunehene homa ha upite.

Kutuhuka 19:18

Mulundu weswe wa Sinai te unatuhwisa mwishi mumu Yehova te hahulumukinaho mu kahia. Mwishi wawo yiwanduka ngwe mwishi wa ku lutengo. Mulundu weswe yiunyika chikolo.

Kutuhuka 23:20

Mungutuma mungelo kulutwe lie mukukufunga mu jila, mukukuhetesa kuze hingunalulika.

Kutuhuka 24:17

Kusoloka cha uhenya wa Yehova chapwile ngwe kahia ka kulalisa ha mbulwa mulundu kumeso ja A-Izalele.

Kutuhuka 3:16

Yako ukakungulule hamuwika makulwana a A-Izalele. Amba kuli ayo ngwe, Yehova, Zambi ya tulamba twenu, Zambi ya Apalahama, ni ya Izake, ni ya Yakomba, hanasoloka kuli yami ngwenyi, Pundu hinanutala, hinamona chize ananulingi mu Engitu.

Izaya 43:2

Ha kupalika mu meya mungukapwa hamwe ni yena, ndusu mu njiji, kujichi kakukumba. Ha kwenda mu kahia kuchi kawema; mulengi wako kuuchi kakulalisa.

Izaya 63:9

Mu huli lio lieswe iye wamwene huli, mba mungelo wa kumeso jenyi waalamwinyine. Ni zango lienyi ni keke yenyi waakulile; waazundwile, waambachile matangwa eswe a shakulu.

Daniel 3:27

E yilolo, ni tupitau, ni anguvulu, ni tuliamanga ja mwanangana yakunguluka, yamona chize kahia kukapwile ni tachi nijimwe ha mijimba ya malunga wano. Kambu ja ha mitwe yo kujapapiwile; mahina jo kapihile, chipwe vumba lia kahia kuliapwile hali ayo ni he hakehe.

Zakaria 13:7

Yehova-wa-Tujita kanambe ngwenyi, Yena katana, laula kulimika ni kafunga kami, kulimika ni yoze walikunda ni yami. Lamba kafunga, mapanga amwangane; mungutalikisa kwoko liami kulimika ni ana akepe.

Malaki 3:1

Ngunatumu kanganda kami akalulike jila yami kulutwe liami, mba Mwene yoze nunamufupu meza susumuku mu tembele yenyi. Yehova-wa-Tujita kanambe ngwenyi, Kanganda ka usendo yoze nunawahilila nenyi, kumanyi kaneza.

Marku 12:26

Alioze ha kutwala kuli afu ha uhindukilo wo, kunwatangile mu mukanda wa Mose, nyi? Mu chihanda cha kutwala ku chiputa, ngwe chize Zambi ahanjikile kuli iye ngwenyi, Yami nguli Zambi ya Apalahama, ni Zambi ya Izake, ni Zambi ya Yakomba?

Luka 20:37

Alioze se afu mahinduka, chipwe Mose wasolwele mu chihanda cha kutwala ku chiputa, muze kanavuluka Mwene ngwenyi, Zambi ya Apalahama, ni Zambi ya Izake, ni Zambi ya Yakomba.

Yoano 1:14

Mba Liji walipwishile musunya, Watwamine hakachi ketu wa tò ni vumbi ni umwenemwene (twatalile uhenya wenyi, uhenya ngwe wa mwe Mwana wa wika wa kuli Tata).

A-ROMA 8:3

Mumu chize shimbi kuyahashile kulinga se yalelele ku musunya, Zambi nikutuma Mwanenyi mwene mukulifwa cha musunya wa shili, mumu ha shili, wahishile shili mu musunya.

Shimbi 33:16

ni yawana yahiana ya mu mavu ni kulumbama cho, ni uwape wa yoze Watwamine mu mungonga. Yino yeswe yikatwame ha mutwe wa José, ha mbanda-mutwe wa yoze amuhandunwine hakachi ka ayayo.

Shimbi 4:20

Alioze Yehova wanuchijile ku Engitu kwe ku lutengo wa utale, nukapwe atu a kuzuka iye mwene ngwe kuchapwa musono.

2 A-TESALONIKA 1:7

ni kuli yenu, kananupinjisa, munukahwima hamwe ni yetu, ha usolwelo wa Mwene Yesu mwilu hamwe ni angelo ja tachi jenyi,

Akwa Kuyula 13:13

Mungelo wa Yehova yamba kuli Manoa ngwenyi, Yuma yeswe nambile kuli pwo, akayifunge kanawa.