Kutuhuka 3:18 - MUKANDA USANDU WA ZAMBI 1975

¹⁸ O kumakapanjika ku liji lie, mba ni yena ni makulwana ja A-Izalele munukaheta kuli mwanangana wa Engitu, nukamwambulwile, ngwenu, Yehova Zambi ya A-Hepreu, heza kuli yetu, kashika utweche haliapwila tuye kama wenyi wa matangwa atatu mu puya, hanga tukalambule yitapo kuli Yehova Zambi yetu.

Mukanda Wa Zambi 1970

¹⁸ “Atu jami kumakakwivwa. Mba yena ni miata ja Aisraele munukaya ni kumwambulwila mwanangana wa Egiptu ngwenu: ‘Mwene Zambi, Zambi ya Ahebreu, hatusolokela. Twalemba, tutayize tuye mu wenyi wa matangwa atatu mu puya, tukalambule Zambi yetu milambu.’

Kutuhuka 3:18 Iomraidhean Croise

Ubutukilo 12:1

Yehova te hamba kuli Apalama ngwenyi, Katuka ku chijima che, ni kuli usoko we, ni kuli akwa zuwo lia tatenu, uye ku chifuchi mungukulwezacho.

Ubutukilo 14:13

Umwe yomboka, yeza, yambulwila Apalama mwe Ka-Hepreu. Iye te kanatwama ku mitondo ya Mamare Ka-Amore, mwanakwo wa Esekole ni wa Anere. Wano te halikunda ni Apalama.

Ubutukilo 15:1

Kulutwe lia yino yuma liji lia Yehova yiliza kuli Apalama mu usolwelo ngwo, Apalama, kanda wivwa woma, yami nguli lukepwe we, kanda nguli kwononona che chahiana.

Ubutukilo 17:1

Muze te Apalama kali ni makumi livwa a miaka ni miaka livwa Yehova yasoloka kuli Apalama nikwamba kuli iye ngwenyi, Yami nguli Zambi Mukwa-Ndundo-Jeswe, enda kumeso jami upwe mungunu.

Ubutukilo 48:3

Yakomba yamba kuli José ngwenyi, Zambi Mukwa-Ndundo-Jeswe wasolokele kuli yami ku Luze mu chifuchi cha Kanana, yanguwahisa.

2 Sango Ja Mianangana 30:12

Ni mu Yunda nawa Zambi yaaha mbunge yimuwika akalinge nikulita ni liji lia mwanangana ni alemu, ku liji lia Yehova.

Miaso (Masamu) 110:3

Atu je malihana mulambu ni upale wo ene ha tangwa lia ngolo je, mu upeme wa usandu, ngwe mume wa ukweze we wa ku kuvumbuka cha tangwa.

Kutuhuka 10:3

Mose ni Arone yaheta kuli Falau, yamba kuli iye ngwo, Chocho anambe Yehova, Zambi ya A-Hepreu, ngwenyi, Ndo mwiji muka kusolo kulilelesa kumeso jami? Echa atu jami aye, akangulingile.

Kutuhuka 17:5

Yehova yamba kuli Mose ngwenyi, Palika yena kulutwe lia atu, utwale makulwana amwe A-Izalele hamwe ni yena, ukwate nawa mu kwoko lie mulumbu we walambile nawo lwiji, ukaye.

Kutuhuka 19:1

Ha kakweji wamuchitatu muze te A-Izalele hatuhuka ku chifuchi cha Engitu, ha tangwa lize liene o yaheta ku puya ya Sinai.

Kutuhuka 25:22

Kokwene mungukatakana ni yena. Mungukalishimwinya ni yena ni liji lia kukatuka helu lia chitwamo cha keke, mukachi ka akerupimi aali atwama ha mushete wa shindakenyo ha kutwala ku yuma yeswe mungukwambayo hali A-Izalele.

Kutuhuka 3:12

Zambi yamba ngwenyi, Chamwenemwene kumungukapwa ni yena. Chino chinyingi muchipwa kuli yena cha kukulweza te yami ngunakutumu ngwami, Muze mukachiza e atu ku Engitu, munukavumbika Zambi ha mulundu uno.

Kutuhuka 3:16

Yako ukakungulule hamuwika makulwana a A-Izalele. Amba kuli ayo ngwe, Yehova, Zambi ya tulamba twenu, Zambi ya Apalahama, ni ya Izake, ni ya Yakomba, hanasoloka kuli yami ngwenyi, Pundu hinanutala, hinamona chize ananulingi mu Engitu.

Kutuhuka 30:36

Ukatwe yimwe yikapwe ya wungawunga ukayitumbike kulutwe lia Shindakenyo mu mbalaka ya chikungulwila kuze mungukatakana ni yena. Yikapwe yisandu yahiana kuli yenu.

Kutuhuka 30:6

Ukachitumbikile kulutwe lia chikalakala cha hina chatwama kulutwe lia mushete wa Shindakenyo, kulutwe lia chitwamo cha keke chatwama helu lia Shindakenyo, kuze mungukatakana ni yena.

Kutuhuka 4:1

Mose yakumbulula ngwenyi, Alioze mwane, o kechi kungufuliela chipwe kupanjika ku liji liami, ka, mumu mamba ngwo, Yehova kasolokele kuli yena.

Kutuhuka 4:23

Yami namba kuli yena ngwami, Echa mwanami aye akangulingile. Nyi yena kusolo kumwecha, tala, mungukashiha mwané, mwané mutangu.

Kutuhuka 4:24

Mba mu jila, ku zuwo lia kuzeka ngeji Yehova yatakana ni Mose, yafupa kumushiha.

Kutuhuka 4:31

E atu afulielele mba muze evwile ngwo, Yehova te hanangisa A-Izalele, hamona luyinda wo, hohene yahetamisa mitwe yo nikuwayila.

Kutuhuka 5:1

Kulutwe Mose ni Arone yanjila, yamba kuli Falau ngwo, Chocho anambe Yehova, Zambi ya A-Izalele, ngwenyi, Echa atu jami aye akangulingile chiwanyino mu puya.

Kutuhuka 5:3

O yamba ngwo, Zambi ya A-Hepreu hatakana ni yetu. Tunaliumbu, utweche, tuye wenyi wa matangwa atatu mu puya tukalambule yitapo kuli Yehova Zambi yetu, kuchina hanji iye matulundumukina ni chilungo hanji ni katana.

Kutuhuka 7:16

Amba kuli iye ngwe, Yehova, mwe Zambi ya A-Hepreu, hangutuma kuli yena ngwenyi, Echa atu jami aye, akangulingile mu puya. Kumanyi ndo haliapwila kwahalakanyine.

Kutuhuka 8:1

Mba Yehova yamba kuli Mose ngwenyi, Heta kuli Falau, umwambulwile ngwe, Chocho anambe Yehova ngwenyi, Echa atu jami aye, akangulingile.

Kutuhuka 8:20

Yehova yamba kuli Mose ngwenyi, Ulimeneke ha chimene umane kumeso ja Falau. Iye kumatuhuka akaye ku lwiji, umwambulwile ngwe, Chocho anambe Yehova ngwenyi, Echa atu jami aye, akangulingile.

Kutuhuka 8:23

Hakachi ka atu jami ni atu je, yami mungukahandununa. Chilayi chino muchikapwa hamene.

Kutuhuka 9:1

Hohene Yehova yamba kuli Mose ngwenyi, Njila kuli Falau ukambe kuli iye ngwe, Chocho anambe Yehova, Zambi ya A-Hepreu ngwenyi, Echa atu jami aye, akangulingile.

Kutuhuka 9:13

Yehova yamba kuli Mose ngwenyi, Ulimeneke ha chimene ukamane kumeso ja Falau, umwambulwile ngwe, Chocho anambe Yehova, Zambi ya A-Hepreu, ngwenyi, Echa atu jami aye, akangulingile.

Izaya 64:5

Ena wakutakana ni yoze malinga ululi nikuwahilila, ni waze akwiwuluka ndako je. Ena watenukine, ni yetu twavulumwine; twatwamine shimbu linene mu milonga yetu, mba makatulamwina?

Jeremia 2:2

Yako ukambe mu matwi ja A-Yerusaleme ngwe, Yehova kanambe ngwenyi, Ngunewuluka kulalaminya cha ukweze we ni zango lie lia ndungi, chize wangukawile mu puya mu chifuchi chize kakuwilemo mbuto.

Jeremia 2:6

Kambile ngwo, Yehova kuli ali? Yoze watuchijile ku chifuchi cha Engitu, watusongwelele mu puya, mu chifuchi cha kango ni mena, mu chifuchi cha pwila ni milima pwi, mu chifuchi kuze niumwe mapalikamo, niumwe matwamamo.

Jeremia 26:5

nukapanjike ku maliji a tuvumbi twami aprofeta, aze nakulikoleza kutuma chipwe kunwachinyongene,

Kwalula 17:4

Ukayitulikile mu mbalaka ya chikungulwila, kwe kulutwe lia Shindakenyo muze nakulitakana ni yena.

Yoshua 1:17

Chize twononokene kuli Mose mu yuma yeswe, ni yena chizechene mutukwononokena. Chino wika, Yehova Zambi ye akapwe hamwe ni yena ngwe apwile ni Mose.