Kutuhuka 3:16 - MUKANDA USANDU WA ZAMBI 1975

¹⁶ Yako ukakungulule hamuwika makulwana a A-Izalele. Amba kuli ayo ngwe, Yehova, Zambi ya tulamba twenu, Zambi ya Apalahama, ni ya Izake, ni ya Yakomba, hanasoloka kuli yami ngwenyi, Pundu hinanutala, hinamona chize ananulingi mu Engitu.

Mukanda Wa Zambi 1970

¹⁶ Yako ukakungulule miata ja Aisraele, ukaalweze ngwe: ‘Yami Mwene Zambi, Zambi ya akakenu, Zambi ya Abrahama, ni Isake, ni Yakoba hangusolokela. Hangulweza ha kunwambulwila ngwenyi: Hineza, hinamona chize akwa Egiptu akunulinga.

Kutuhuka 3:16 Iomraidhean Croise

Ubutukilo 1:7

Zambi yatanga kuzazuluka, yahandununa meya a kushi lia kuzazuluka ni meya a helu lia kuzazuluka, yichipwa chocho.

Ubutukilo 21:1

Yehova yanangisa Sara ngwe ambile. Yehova yalinga ni Sara ngwe ahanjikile.

Ubutukilo 28:13

Chikwo nawa Yehova kanamana helu liayo, yamba ngwenyi, Yami Yehova, Zambi ya tatenu Apalahama, Zambi ya Izake, chifuchi chino unapombo mungukwahacho, ni kuli akwa munyachi we.

Ubutukilo 48:15

Yawahisa José ngwenyi, Zambi akaawahise. Mwe Zambi atata Apalahama ni Izake endele kumeso jenyi, Mwe Zambi hanangulisa mwono wami weswe ndo musono.

Ubutukilo 50:24

Mba José yamba kuli ayayo ngwenyi, Mungufwa alioze Zambi pundu makeza kuli yenu, manuchiza ku chifuchi chino akanutwale ku chifuchi chize achilakenyene ni shingo kuli Apalahama, ni kuli Izake, ni kuli Yakomba.

Miaso (Masamu) 102:21

Hanga atu akambujole jina lia Yehova mu Zaione; uhaliso wenyi akawambujole mu Yerusaleme,

Miaso (Masamu) 33:18

Liso lia Yehova kuliakutala kuli waze akumuvwila woma, ni waze akutwaminyina utu wa zango lienyi;

Miaso (Masamu) 8:4

Mutu kuchi apwa ukamunyongene yena? Hanji mwana mutu, kuchi apwa ukamunangise?

Kutuhuka 1:8

Aswanyishine mwanangana weka wa Engitu, umwe kanyingikine José.

Kutuhuka 13:19

Mose yatwala hamwe nenyi yifwaha ya José mumu José te ashingishile A-Izalele ni shingo ngwenyi, Pundu, Zambi kumeza kunutala, nukambateko yifwaha yami hamwe ni yenu.

Kutuhuka 15:14

Mavungu hachivwa, hanachikima. Yikola hiyakwata waze akutwama ku Filistea.

Kutuhuka 17:5

Yehova yamba kuli Mose ngwenyi, Palika yena kulutwe lia atu, utwale makulwana amwe A-Izalele hamwe ni yena, ukwate nawa mu kwoko lie mulumbu we walambile nawo lwiji, ukaye.

Kutuhuka 18:12

Mba Yetoru, tato-weno ya Mose walambwile mulambu wa kulumba kuli Zambi hamwe ni yitapo. Arone yeza ni makulwana eswe a A-Izalele hamwe ni mwe tato-weno ya Mose mukulia mbolo kumeso ja Zambi.

Kutuhuka 2:25

Zambi wamwene A-Izalele. Zambi yasa chinyingi.

Kutuhuka 24:11

Yilolo ja A-Izalele kaalingile chipi, yamona Zambi, yalia, yanwa.

Kutuhuka 3:2

Mungelo wa Yehova yasoloka kuli iye mu mulengi wa kahia, mukachi ka mungonga. Iye yatalako, kumanyi mungonga unayili ni kahia hindu we mungonga kuwakotongokele.

Kutuhuka 3:6

Chikwo nawa ngwenyi, Yami Zambi ya tatenu—Zambi ya Apalahama, Zambi ya Izake, Zambi ya Yakomba. Mose walifukile ku meso jenyi mumu te woma anevu mukutala hali Zambi.

Kutuhuka 4:1

Mose yakumbulula ngwenyi, Alioze mwane, o kechi kungufuliela chipwe kupanjika ku liji liami, ka, mumu mamba ngwo, Yehova kasolokele kuli yena.

Kutuhuka 4:29

Mose ni Arone yaya, yakungulula hamuwika makulwana eswe a A-Izalele.

Kutuhuka 4:31

E atu afulielele mba muze evwile ngwo, Yehova te hanangisa A-Izalele, hamona luyinda wo, hohene yahetamisa mitwe yo nikuwayila.

Kutuhuka 4:5

Hanga akafuliele ngwo, Yehova, Zambi ya tulamba twetu, Zambi ya Apalahama, Zambi ya Izake, Zambi ya Yakomba hanasoloka kuli yena.

Mateu 26:3

Hohene asasendote akwa lutwe, ni makulwana ja atu, akungulukile ku yize ya sasendote mukwa lutwe, yoze ngwo, Kayafwa.

Luka 1:68

Mwene Zambi ya Izalele afumane; mumu hanatale hali atu jenyi, hanaalingila ukule.

Luka 19:44

Kumakakupuzula hashi, ni ana je muli yena, kechi kahichika muli yena liwe limuwika ha liwe likwo; mumu te kwanyingikine mwaka we upema.

Yilinga 11:30

chize nawa achilingile, nikuyitumisa kuli makulwana ku moko ja Mbarnavwe ni Saulu.

Yilinga 15:14

Semone hanambulula ngwe Zambi hatangu watalile hali akwa mavungu mukuchiza mukachi ko munyachi ha jina lienyi.

Yilinga 20:17

Ku Miletu watumine ku Efwesu, watambikile makulwana a chikungulwila eze kuli iye.

1 Petulu 2:12

Pwenu ni kwenda chenu ngwe chinate hakachi ka akwa mavungu: hanga chipwe manuhanjika ngwe akwa kulinga yipi, ku yitanga yenu yipema yize akumona, akachichimieke Zambi ha tangwa lia kukala ni lia kwononona.

1 Petulu 5:1

Makulwana hakachi kenu, ngunaashinjila, yami nguli mukulwana-ni-mukwo, ni chela cha lamba lia Kristu, yami nawa nguli mukwa kulianyina ha uhenya uze himuusoloka:

Rute 1:6

Mba yakatuka ni atembwa-anenyi ahiluke ku chifuchi cha Moape mumu te hevwa mu chifuchi cha Moape ngwo, Yehova hanangisa atu jenyi, haaha kulia.