Kutuhuka 3:13 - MUKANDA USANDU WA ZAMBI 1975

¹³ Mose yamba kuli Zambi ngwenyi, Mwane, muze mungukaheta kuli A-Izalele, ngukambe kuli ayo ngwami, Zambi ya tulamba twenu hangutuma kuli yenu. Makamba kuli yami ngwo, Jina lienyi iya? Ngwambe kuchi kuli ayo?

Mukanda Wa Zambi 1970

¹³ Alioze Mose ngwenyi: “Mwene, muze mungukaya ni kulweza Aisraele ngwami: ‘Zambi ya akakenu kangutuma kuno kuli yenu,’ nyi anguhula ngwo: ‘Mwe Zambi yoze jina lienyi iya?’ Mba yami kuchi mungukakumbulula?”

Kutuhuka 3:13 Iomraidhean Croise

Ubutukilo 32:29

Mba Yakomba yamuhula ngwenyi, Ngulweze kama jina lie. Iye yakumbulula ngwenyi, Kuchi te unahula jina liami? Kwe kuze yamuwahisa.

Kutuhuka 15:3

Yehova iye Kajita. Jina lienyi, iye Yehova.

Kutuhuka 3:12

Zambi yamba ngwenyi, Chamwenemwene kumungukapwa ni yena. Chino chinyingi muchipwa kuli yena cha kukulweza te yami ngunakutumu ngwami, Muze mukachiza e atu ku Engitu, munukavumbika Zambi ha mulundu uno.

Kutuhuka 3:14

Zambi yamba kuli Mose ngwenyi, nguli chize nguli. Mba ngwenyi, Chocho ukambe kuli A-Izalele ngwe, yami nguli hangutuma kuli yenu.

Kutuhuka 3:15

Chikwo ambile Zambi kuli Mose ngwenyi, Chocho ukambe kuli A-Izalele ngwe, Yehova, Zambi ya tulamba twenu, Zambi ya Apalahama, Zambi ya Izake, Zambi ya Yakomba hangutuma kuli yenu ngwenyi, Jina liami lino, ndo ku miaka ya mutolo. Chiwulwiso chami chino ndusu yisemuko yeswe.

Kutuhuka 7:16

Amba kuli iye ngwe, Yehova, mwe Zambi ya A-Hepreu, hangutuma kuli yena ngwenyi, Echa atu jami aye, akangulingile mu puya. Kumanyi ndo haliapwila kwahalakanyine.

Yishima 30:4

Iya hanazezuka mwilu akahulumuke nawa? Iya hanakungika fuji mu moko jenyi? Iya hanakashila e meya mu mazalo jenyi? Iya hanakolesa masongo eswe a hashi? Jina lienyi iya? Jina lia mwanenyi iya, nyi unamunyingika?

Izaya 52:6

Kashika atu jami manyingika jina liami. Kashika ha tangwa lize manyingika, yami ngunahanjika—kuno kunguli.

Izaya 7:14

Kashika Mwene iye mwene makwaha chilayi. Nyingika, umwe *virgem maseseka, masema mwana wa lunga, mamuluka jina—Emanuele.

Izaya 9:6

Mumu kuli yetu hikwasemuka umwe kemba, kuli yetu hahana umwe mwana wa lunga. Chiyulo kumuchikapwa ha chipaya chenyi, ni jina lienyi mamuluka ngwo, Longeshi wa mana mukwa kukomwesa, Zambi ya Ndundo, Tata ya Miakulwila, Mwanangana wa Sambukila.

Jeremia 23:6

Ha matangwa jenyi malamwina Yunda, ni Izalele matwama ni sambukila. Jina lize mamwaha ngwo, Yehova ululi wetu.

Mateu 1:21

Kumakasema mwana-lunga, ukamuluke jina ngwe, Yesu; mumu iye kumakalamwina atu jenyi ku milonga yo.

Mateu 1:23

Talenu, *virgem kumakapwa ni ufumba, makasema mwana-lunga, no kumakamuluka jina ngwo, Emanuele; lienalio Unalumbunuka ngwo, Zambi hamwe ni yetu.

Yilinga 3:13

Zambi ya Apalahama, ya Izake, ya Yakomba, Zambi ya akaka, hahana uhenya kuli Kavumbi kenyi Yesu; yoze yenu nwamukunjikile, nwalikalileye kumeso ja Pilatu, muze iye ambile kumutusula.

Akwa Kuyula 13:17

Manoa yamba kuli mungelo wa Yehova ngwenyi, Jina lie iya? Mba muze maliji je makamanunuka tukakulemese.

Akwa Kuyula 13:6

Mwe pwo yeza, yalweza mukwo-lunga ngwenyi, Umwe mutu wa Zambi kezanga kuli yami. Ku meso jenyi kwapwanga ngwe meso ja mungelo wa Zambi—kole ni woma. Chamuhulile kuze akatuka, neye kangulwezele jina lienyi.