Kutuhuka 3:12 - MUKANDA USANDU WA ZAMBI 1975

¹² Zambi yamba ngwenyi, Chamwenemwene kumungukapwa ni yena. Chino chinyingi muchipwa kuli yena cha kukulweza te yami ngunakutumu ngwami, Muze mukachiza e atu ku Engitu, munukavumbika Zambi ha mulundu uno.

Mukanda Wa Zambi 1970

¹² Zambi ngwenyi: “Mungukabwa hamwe ni yena. Chinyingi chize muchikalweza ngwo, yami nakutuma, chili chino. Muze muukatuhwisa atu wano mu Egiptu, munukeza ni kunguwayila ha mulundu uno.”

Kutuhuka 3:12 Iomraidhean Croise

Ubutukilo 15:1

Kulutwe lia yino yuma liji lia Yehova yiliza kuli Apalama mu usolwelo ngwo, Apalama, kanda wivwa woma, yami nguli lukepwe we, kanda nguli kwononona che chahiana.

Ubutukilo 15:8

Iye yakumbulula ngwenyi, Mwene Yehova ngwe kuchi mungunyingika ngwami, Munguchihinga?

Ubutukilo 26:3

Twama njize mu chifuchi chino mba mungupwa hamwe ni yena, mungukuwahisa. Mumu munguhana yifuchi yino yeswe kuli yena ni munyachi we. Mungukolesa shingo lize nalishingile nalio kuli tatenu Apalahama.

Ubutukilo 31:3

Yehova yamba kuli Yakomba ngwenyi, Hiluka ku chifuchi cha atatenu ni usoko wenu, mba mungupwa hamwe ni yena.

1 MIANANGANA 19:29

Chino muchipwa chilayi kuli yena. Mwakono munulia chize chalisokela; ha mwaka wamuchiali munulia chize chinasoko ku mbuto yacho; mba ha mwaka wamuchitatu munulima, munucha, munutumba minda ya uva ni kulia mihuko yayo.

1 Sango Ja Mianangana 9:20

Finehase mwana Eleazare Waayulile kushi; Yehova wapwile hamwe nenyi.

Miaso (Masamu) 86:17

Ngulweze kama chilayi cha upeme, hanga waze akunguvwila kole achimone akevwe sonyi, se yena Yehova hiwangukwasa, hiwangulembejeka.

Kutuhuka 18:5

Yetoru, tato-weno ya Mose wayile Kuli Mose hamwe ni ana jenyi a malunga ni pwo lienyi, ndo ku puya kuze apwile mu chilombo, ku mulundu wa Zambi.

Kutuhuka 3:1

Mose wafungile mapanga ja tatoweno Yetoru, mwe sasendote wa A-Mindiane. Yatwala mapanga mu sali lia puya. Yaheta ku Horepe, mulundu wa Zambi.

Kutuhuka 3:13

Mose yamba kuli Zambi ngwenyi, Mwane, muze mungukaheta kuli A-Izalele, ngukambe kuli ayo ngwami, Zambi ya tulamba twenu hangutuma kuli yenu. Makamba kuli yami ngwo, Jina lienyi iya? Ngwambe kuchi kuli ayo?

Kutuhuka 33:14

Yehova yamba ngwenyi, Yami mwene mungukapwa hamwe ni yena. Kumungukakuhwimisa.

Kutuhuka 4:12

Kashika haliapwila yako; mungukapwa ni kanwa lie; mungukakulongesa chize muhanjika.

Kutuhuka 4:15

Hanjika nenyi yena ukase maliji mu kanwa lienyi. Yami mu ngukapwa hamwe ni kanwa lie ni hamwe n kanwa lienyi. Mungukakulongesa chize yena, mukalinga.

Kutuhuka 8:27

Etu mutuya mu puya, wenyi wa matangwa atatu, tukalambule kuli Yehova Zambi yetu yitapo chizechene ngwe iye matwamba.

Izaya 37:30

Chino muchipwa chilayi kuli yena. Mwakono munulia chize chalisokela; ha mwaka wamuchiali munulia chize chinasoko ku mbuto yacho; mba ha mwaka wamuchitatu munulima, munucha, munutumba minda ya uva ni kulia mihuko yayo.

Izaya 41:10

ngwami, Kanda wivwa woma, nguli hamwe ni yena, kanda ulishimwoka, nguli Zambi ye. Kumungukutakamisa, kumungukukwasa, kumungukuzundula ni kwoko liami lia chindume lia ululi.

Izaya 43:2

Ha kupalika mu meya mungukapwa hamwe ni yena, ndusu mu njiji, kujichi kakukumba. Ha kwenda mu kahia kuchi kawema; mulengi wako kuuchi kakulalisa.

Izaya 7:14

Kashika Mwene iye mwene makwaha chilayi. Nyingika, umwe *virgem maseseka, masema mwana wa lunga, mamuluka jina—Emanuele.

Jeremia 1:8

Kanda wavwila woma mumu kunguli hamwe ni yena kukupulula. Chocho kanambe Yehova.

Kwalula 16:28

Mose yamba ngwenyi, Ku chino mununyingika ngwami, Yehova hanangutumu mukulinga yitanga yino yeswe; mumu chayitakile ku mbunge ya yami mwene.

Kwalula 23:21

Kamwene uhenge muli Yakomba, chipwe kumona uhuka mu Izalele, kaumweneko. Yehova Zambi yenyi hamuwika nenyi ali. Mutambi wa mwanangana uli hakachi ko.

Mateu 28:20

nikwalongesa kufunga yuma yize yeswe nanuhele shimbi: nyingikenu, yami kunguli hamuwika ni yenu matangwa eswe ndo kumanunuka cha mwaka. Amene.

Marku 16:20

O yatuhuka, yambujola kweswe, ni Mwene walingile hamwe no, nikukolesa liji ni yilayi yize yakawile. Amene.

Yilinga 11:21

Kwoko lia Mwene liapwile hamwe no: anji afulielele, atewulukilile kuli Mwehe.

Yilinga 7:7

Ni vungu lize kuli ayo makapwa mu undungo, mungukaapatwila, chocho ambile Zambi ngwenyi, Mba kulutwe lia chize kumakatuhuka akangulingile muma muno.

A-ROMA 8:31

Kuchi mutwamba ku yino yuma? Ngwetu, Kachi Zambi mapwa hamwe ni yetu, iya malimika ni yetu?

Shimbi 31:23

Yehova yahana kuli Yoshua, mwana wa Nune, chiyulo ngwenyi, Takama, uhamuke, mumu kumukahetesa A-Izalele mu chifuchi nalishingile kuhana kuli ayo. Mungukapwa hamwe ni yena.

Hebreu 13:5

Ndako jenu jikapwe kujishi kufwila cha mbongo; pwenu akwa kuyuka ni yuma yize nuli nayo; mumu iye mwene hanambe ngwenyi, Chichi kukuhichika nichimwe, chipwe chichi kakwehuka nichimwe.

Yoshua 1:5

Niumwe mahasa kulimika ni yena matangwa eswe a mwono we. Chizechene ngwe napwile ni Mose chocho mungupwa ni yena. Chichi kukuhichika hanji kukwehuka.

Akwa Kuyula 6:12

Mungelo wa Yehova yasoloka, yamba kuli iye ngwenyi, Yehova kwali hamwe ni yena, Uli lunga wa tachi ni hamu.

Akwa Kuyula 6:16

Yehova yamba kuli iye ngwenyi, Alioze yami mungukapwa hamwe ni yena mba mukalamba A-Mindiane ngwe mutu umuwika.

Akwa Kuyula 6:17

Iye yamukumbulula ngwenyi, Nyi hinawana vumbi kumeso je mba ungulweze chilayi cha kulumbunuka ngwami, Yena mwene unahanjika ni yami.

Akwa Kuyula 6:21

Mba mungelo wa Yehova yazoza mulumbu uze apwile nawo mu kwoko lienyi, yasa songo liawo ha yifwo ni tumbolo kutushi futunwiso. Hi ku liwe kwatuhukile kahia nikulalisa ye yifwo ni tumbolo kutushi futunwiso. Hoho mwe mungelo wa Yehova yajimuka kumeso jenyi.

Akwa Kuyula 7:11

muwivwa yize mamba, mba moko je matakama kupupa chilombo. Chocho yaya ni Pura mukweze wenyi ndo kuli tulayi a tujita ha kujingilika chilombo.

1 Samuel 14:10

Alioze nyi mamba ngwo, Tweyenu kuli yetu, mba mutuya, mumu Yehova hanaakunjika mu moko jetu. Achi muchipwa chilayi kuli yetu.