Kutuhuka 3:11 - MUKANDA USANDU WA ZAMBI 1975

¹¹ Mose yamba kuli Zambi ngwenyi, Yami iya? Te munguhasa kuya kuli Falau nyi? Ami hinguchiza A-Izalele ku Engitu nyi?

Mukanda Wa Zambi 1970

¹¹ Mose yakumbulula Zambi ngwenyi: “Yami iya, mba nguye maha mwanangana ni kutuhwisa Aisraele mu Egiptu?”

Kutuhuka 3:11 Iomraidhean Croise

2 Samuel 7:18

Mba mwanangana David yanjila, yatwama kumeso ja Yehova. Yamba ngwenyi, Mwene Yehova kuchi napwa yami, hanji munyachi wami kuchi wapwa wanguneha ndo kuno?

1 Yitanga Ya Mianangana 3:7

Haliapwila, Yehova Zambi yami, hiwangupwisa yami kavumbi ke mwanangana kusalakana tata David, Ami napwa ngwe mwana-kemba; Chanyingikine chipwe kutuhuka chipwe kunjila.

1 Yitanga Ya Mianangana 3:9

Hana kuli yami kavumbi ke mbunge ya yinyingi hanga ngukayule atu je, ngukahase kupatula hakachi ka chipema ni chipi. Mumu iya mahasa kuyula vungu lino lilemu lia yena?

1 Sango Ja Mianangana 29:14

Alioze yami kuchi napwa, ni atu jami kuchi apwa hiwatuhashisa kuhana ni mbunge milambu yipwahaha? Mumu yuma yeswe kuli yena yinakatuka, kashika upite wa yena mwene hitwakuhilwisa.

Kutuhuka 6:12

Mose yahanjika kumeso ja Yehova ngwenyi, Mwane, A-Izalele kahalakanyine kuli yami, ka, ngwe kuchi Falau mangwivwa, yami nguli mukwa chilimi?

Jeremia 1:6

Ami yingwamba ngwami, Mwene Yehova, Chanyingikine kuhanjika mumu nguchili mukweze.

2 Korintu 2:16

kuli amwe vumba lia kufwa ndo ku kufwa; alioze kuli akwo vumba lia mwono ndo ku mwono. Yino yuma iya mayihasa?

2 Korintu 3:5

Kuchapwile ngwe yetwene mutuhasa kwamba ngwetu, Chimwe chuma muchipwa cha kuli yetwene. Kuhasa chetu chapwa cha kuli Zambi.

Akwa Kuyula 6:15

Iye yamba ngwenyi, Mwane, kuchi munguhasa kupulula A-Izalele? Usoko wami e alelu muli A-Manase, mba yami nguli mwe mukepe mu munyachi wa yetu.

1 Samuel 18:18

David yamba kuli Saulu ngwenyi, Ami kuchi napwa, hanji mwono wami ni munyachi wa tata mu Izalele kuchi wapwa ngukapwe tato-weno ya mwanangana?