Kutuhuka 3:10 - MUKANDA USANDU WA ZAMBI 1975

¹⁰ Haliapwila tweya, mungukutuma kuli Falau hanga ukachize atu jami A-Izalele ku Engitu.

Mukanda Wa Zambi 1970

¹⁰ Haliabwila ngunakutumu kuli mwanangana wa Egiptu hanga ukatuhwise atu jami, Aisraele, mu chifuchi chenyi.”

Kutuhuka 3:10 Iomraidhean Croise

Ubutukilo 15:13

Mba yamba kuli Apalama ngwenyi, Nyingika pundu akwa munyachi we makapwa njize mu chifuchi hi nicho ko, makapwa ndungo, makaapinjisa makulakaji awana a miaka.

Ubutukilo 15:14

Mba mungukalamba atu aze aapita. Kulutwe makatukako ni upite wunji.

Miaso (Masamu) 105:26

Watumine kavumbi kenyi Mose hamuwika ni Arone yoze amutongwele.

Miaso (Masamu) 77:20

Watwalile atu je ngwe chendo cha yimuna, ku kwoko lia Mose ni Arone.

Kutuhuka 12:40

Miaka yize A-Izalele atwamine ku Engitu yapwile makulakaji awana a miaka ni makumi atatu a miaka.

Kutuhuka 12:41

Mba ha kuhwa makulakaji awana a miaka ni makumi atatu a miaka, ha tangwa lize liene yizavu yeswe ya Yehova yakatuka ku chifuchi cha Engitu.

Kutuhuka 33:12

Mose yamba kuli Yehova ngwenyi, Yena unambe kuli yami ngwe, Kandwisa wano atu, alioze kwangulwezele yoze mutuma ni yami. Hindu hiwamba ngwe, Ngunakunyingika ni jina lie, hiwawana nawa vumbi kumeso jami.

Kutuhuka 33:13

Haliapwila kashika, ngunakulembe, kachi hinawana vumbi kumeso je, ngulweze kama majila je, ngukunyingike hanga nguwane vumbi kumeso je, uchinyonge kama, ngwami, vungu lino kuliapwa atu je.

Kutuhuka 6:26

E a Arone ni Mose kuli wano Yehova yamba ngwenyi, Chizenu A-Izalele ku chifuchi cha Engitu nikulita ni yizavu yo.

Hosea 12:13

Kuli profeta Yehova wachijile A-Izalele ku Engitu, ni kuli profeta waafungile.

Mika 6:4

Nanuchijile ku chifuchi cha Engitu, nikunukula ku zuwo lia upinji. Natumine Mose, ni Arone, ni Miriame kunutetekela.

Yilinga 7:34

Yami chamwenemwene hingunamono yihungumiona yize akumona atu jami, waze ali mu Engitu, hingunevu mikuma yo, hingunahulumuka mukwapulula. Haliapwila tweya, mungukutuma ku Engitu.

Yilinga 7:36

Yono Waachijileko nikulinga yipekesa ni yilayi mu chifuchi cha Engitu, ni mu Kalunga-lwiji Muchila, ni mu puya makumi awana a miaka.

Yilinga 7:6

Zambi wahanjikile Chichino ngwenyi, Munyachi we muukapwa njize mu chifuchi cha mbala, makaapwisa ndungo, makaalinga chipi, kulakaji awana a miaka.

Yilinga 7:7

Ni vungu lize kuli ayo makapwa mu undungo, mungukaapatwila, chocho ambile Zambi ngwenyi, Mba kulutwe lia chize kumakatuhuka akangulingile muma muno.

Akwa Kuyula 6:14

Yehova yatewuluka kuli iye ngwenyi, Yako mu tachi je jino jene, ukapulule A-Izalele ku moko ja A-Mindiane. Ngunakutumu yami.

1 Samuel 12:6

Samuel yamba kuli atu ngwenyi, Mwe Yehova yoze wanuhele Mose ni Arone, yoze wachijile tulamba twenu nawa ku chifuchi cha Engitu.

1 Samuel 12:8

Muze Yakomba wayile ku Engitu ni tulamba twenu atetele kuli Yehova henaho Yehova yatuma Mose ni Arone. O yachiza tulamba twenu ku Engitu, yaatungisa mu chifuchi chino.