Kutuhuka 3:1 - MUKANDA USANDU WA ZAMBI 1975

¹ Mose wafungile mapanga ja tatoweno Yetoru, mwe sasendote wa A-Mindiane. Yatwala mapanga mu sali lia puya. Yaheta ku Horepe, mulundu wa Zambi.

Mukanda Wa Zambi 1970

¹ Mose te kakufunga yimuna ya Ukwe wenyi Jetro, hako wa ku chifuchi cha Midiane. Yatwala yimuna mu puya, yaheta ku Sinai ku mulundu wa Zambi.

Kutuhuka 3:1 Iomraidhean Croise

1 Yitanga Ya Mianangana 19:19

Chocho yakatukako, yawana Elisha mwana Sefate kanalimi ni sharua ni kumi lia kanga ja ngombe ni kanga jiali kulutwe lienyi. Kumi ni yamuchiali te niyenyi. Eliya yaheta kuli iye yasa hina lienyi hali iye.

1 Yitanga Ya Mianangana 19:8

Yakatuka; yalia; yanwa; yenda mu tachi ja kulia chize makumi awana a matangwa ni makumi awana a ufuku ku Horepe we mulundu wa Zambi.

Miaso (Masamu) 106:19

Atangile mwana-ngombe mu Horepe, nikuwayila kaponya wa kuzuzulula.

Kutuhuka 17:6

Yami mungumana kumeso je, ha liwe lize lili ku Horepe. Lamba lie liwe mba meya mapukukamo, hanga atu akanwe. Chocho alingile Mose kumeso ja makulwana A-Izalele.

Kutuhuka 18:12

Mba Yetoru, tato-weno ya Mose walambwile mulambu wa kulumba kuli Zambi hamwe ni yitapo. Arone yeza ni makulwana eswe a A-Izalele hamwe ni mwe tato-weno ya Mose mukulia mbolo kumeso ja Zambi.

Kutuhuka 19:11

Akalilulike tangwa liamuchitatu mumu ha tangwa liamuchitatu Yehova makahulumuka ndo ha mulundu wa Sinai kumeso ja atu eswe.

Kutuhuka 19:2

Muze te hakatuka ku Refwindimi haheta ku puya ya Sinai, yajika mbalaka jo ku puya. Kwe kuze kulutwe lia mulundu A-Izalele yatunga chilombo.

Kutuhuka 19:3

Mose wakandukile kuli Zambi mba Yehova watambikile kuli iye ni liji lia kutuhuka ku mulundu ngwenyi, Chocho ukambe kuli A-Yakomba, nikwambulwila A-Izalele ngwe,

Kutuhuka 2:16

Sasendote ya A-Mindiane wapwile ni anenyi a mapwo shimbiali. O yeza mukutaha meya. Yazalisa nawa yingolongolo akanwise yimuna ja tato.

Kutuhuka 2:18

Muze ahetele kuli tato Reuele, iye yamba ngwenyi, Kuchi nweza washi musono?

Kutuhuka 2:21

Mba chawahilile Mose kutwama ni mutu yoze. Yahana kuli Mose mwanenyi wa pwo Zepora.

Kutuhuka 24:13

Mose yakatuka hamwe ni Yoshua, kavumbi kenyi, mba Mose yakanduka ha mulundu wa Zambi.

Kutuhuka 3:12

Zambi yamba ngwenyi, Chamwenemwene kumungukapwa ni yena. Chino chinyingi muchipwa kuli yena cha kukulweza te yami ngunakutumu ngwami, Muze mukachiza e atu ku Engitu, munukavumbika Zambi ha mulundu uno.

Kutuhuka 3:5

Yehova yamba ngwenyi, Kanda ukundama kuno, zula haku je ku molu je, mumu homa unamana, ha mavu asandu.

Kutuhuka 33:6

A-Izalele alichijile yuma yo ya uhenya katuke ku mulundu wa Horepe ni kulutwe.

Kutuhuka 4:18

Mose yahiluka kuli tato-weno Yetoru Yamba kuli iye ngwenyi, Ungutayize kama ngukahiluke kuli akwetu mu Engitu, ngukatale shina achili ni mwono nyi ka. Yetoru yamba kuli Mose ngwenyi, Uye kanawa

Kutuhuka 4:27

Mba Yehova yamba kuli Arone ngwenyi, Yako mu puya ukatakane ni Mose. Yaya, yatakana nenyi ku mulundu wa Zambi, yamumbeja.

Amose 1:1

Maliji ja Amose, aye wapwile hakachi ka tufunga twa mapanga a ku Tekoa; maliji aze amwene ha kutwala kuli Izalele ha matangwa a Uzia mwanangana wa Yunda, ni matangwa a Jeroboame mwana Njoashe mwanangana wa Izalele miaka yiali shimbu munyiko kanda wiza.

Malaki 4:4

Iwulukenu shimbi ja kavumbi kami Mose; maliji ni yiyulo yize namutumine ku Horepe hali A-Izalele eswe.

Kwalula 10:29

Mose yamba kuli Hobabe, mwana wa Reuele, Ka-Mindiane, tato-weno ya Mose ngwenyi, Mu wenyi tuli, tukaye ku chifuchi chize Yehova ambile ngwenyi, Mungunwahacho. Tweyenu hamwe ni yetu, mutunulinga kapema; mumu Yehova hanahanjika yipema ha kutwala kuli A-Izalele.

Kwalula 10:33

O yakatuka ku mulundu wa Yehova, yaya wenyi wa matangwa atatu. Mushete wa usendo wa Yehova waatetekelele ha wenyi wa matangwa atatu, mukwafupila haze mahwimina.

Luka 2:8

Kwapwile tufunga mu chifuchi chize kanafungu mapanga jo haze ha ufuku.

Yilinga 7:30

Muze makumi awana a miaka amanunukine, mungelo wa Mwene wasolokele kuli iye mu puya ya mulundu wa Sinai, mu mulengi wa kahia mu chiputa.

Shimbi 1:2

Katuke ku Horepe, kuchapwa wenyi wa kumi lia matangwa ni tangwa limuwika ku jila ya mulundu wa Sere kuheta ku Kandeshe-Mbania.

Shimbi 1:6

Yehova Zambi yetu wambile kuli yetu ku Horepe ngwenyi, Nwashimbula ku mulundu uno, miaka hiyacha.

Shimbi 4:10

Nwalweze tangwa nwamanyine kumeso ja Yehova Zambi yenu mu Horepe muze ambile Yehova kuli yami ngwenyi, Ngukungulwile atu, mungwavwisa maliji jami, akalilongese kunguvwila woma matangwa eswe matwama hashi, akalongese ana jo.

Akwa Kuyula 4:11

Hepere Ka-Kene iye te halihandununa ni A-Kene aze asemukine kuli Hobabe tatoweno wa Mose. Hajika mbalaka yenyi kusuku kwe ku mutondo wa carvalho ku Zananime hakamwihi ni Kendeshe.

1 Samuel 16:11

Samuel yamba kuli Yese ngwenyi, Ana je eswe, waene nyi? Iye yamba ngwenyi, Kwasala mwe kasulasongo, kanafungu mapanga. Samuel yamba kuli Yese ngwenyi, Tuma amusake, mumu kutuchi kutwama ndo heza.