Kutuhuka 27:9 - MUKANDA USANDU WA ZAMBI 1975

⁹ Ukatunge yize ya tabernakulu. Ku lumbu lia ku Sule kukapwe ku yize mahina apema atoma a kuzezeleka. Ku lumbu limuwika usuhe wako ukapwe wa kulakaji lia mbandu.

Mukanda Wa Zambi 1970

⁹ “Ukatunga chipanga cha yikalakala ya zuwo lia kuwayila ni mahina atoma alefuna. Usuhwe wa chipanga ku sali lia sude ukabwa metro 44.

Kutuhuka 27:9 Iomraidhean Croise

1 Yitanga Ya Mianangana 6:36

Yatunga yize ya muchima ni mikala yitatu ya mawe a kusonga ni mukala umuwika wa mikambo ya sedru.

1 Yitanga Ya Mianangana 8:64

Tangwa lioliene mwanangana yasela ku usandu chihanda cha hakachi cha yize kumeso ja zuwo lia Yehova. Mumu kwenako yalambula mulambu wa kulumba, ni mulambu wa wunga, ni maji a milambu ya sambukila mumu chilumbilo cha unengu kumeso ja Yehova chakehele naye kutambula mulambu wa kulumba, ni mulambu wa wunga, ni maj i a milambu ya sambukila.

2 Sango Ja Mianangana 33:5

Yatunga yilumbilo ya mbunga yeswe ya mwilu mwe mu maze aali a zuwo lia Yehova.

2 Sango Ja Mianangana 4:9

Chikwo nawa yalinga yize ya asasendote, ni yize yinene, ni mapito a yize, yalamika unengu ha mapito.

Miaso (Masamu) 100:4

Njilenu mu yikolo yenyi nikusakwila. Njilenu mu yize yenyi ni uhaliso. Musakwililenu; fumanyisenu jina lienyi.

Miaso (Masamu) 116:19

Mu yize ya zuwo lia Yehova, mwe muchima lia yena Yerusaleme. Halisenu Yehova!

Miaso (Masamu) 84:10

Mumu tangwa limuwika lia mu yize ye liahiana kanunu. Kuli yami Shinaho kupwa mukwa kufunga pito mu zuwo lia Zambi; kutwama mu mbalaka ja ungulungulu ka.

Miaso (Masamu) 92:13

Waze haatumba mu zuwo lia Yehova kumakatatuka mu yize ya Zambi.

Kutuhuka 27:10

Manguji jayo akapwe makumi aali. Yimanyino yo ya unengu makumi aali. Je ngo ja ku manguji ni mikambo yajo yikapwe ya prata.

Kutuhuka 35:17

ni mahina a kuzezeleka a yize ni manguji jo, ni yimanyino yo, ni hina lia kufuka ku chikolo cha ku yize;

Kutuhuka 36:17

Yatongela ha ukundwilo wa hina Hatwama ku unungino makumi atano a maswi. Mba makumi atano a maswi yatongela ha ukundwilo wa hina Hatwama ku unungino wamuchiali.

Kutuhuka 39:40

ni mahina a kuzezeleka a ku yize, ni manguji jayo, ni yimanyino yayo, ni hina lia kufuka chikolo cha ku yize, ni mihipu yalio, ni mbambo jalio, ni yikashi yeswe ya ha milimo ya ku tabernakulu ya ku mbalaka ya chikungulwila;

Kutuhuka 40:33

Yamika yize ya kujingilika tabernakulu ni che chilumbilo. Yazezeleka hina lia kufuka chikolo cha ku yize. Chocho Mose wamanunwine milimo yeswe.

Kutuhuka 40:8

Ukajike yize ya kujingilika kweswe. Ukazezeleke hina lia kufuka chikolo cha ku yize.

Ezekiel 40:14

Yeseka nawa senge, makumi asambano a mbandu; mba kwa kujingilika unjililo kwapwile ye yize.

Ezekiel 40:17

Yanguneha ku yize ya haze, kumanyi kwapwile yipatulo, ni hashi te hakwala mawe kwa kujingilika yize; makumi atatu a mazuwo anatalikisa ku mawe a kwala.

Ezekiel 40:20

Yangutwala ku Norte, kumanyi kwapwile chikolo cha kutalikisa ku Norte, cha mu yize ya haze. Yeseka usuhe wacho ni utohe wacho.

Ezekiel 40:23

Hatalanganyi ni chikolo cha ku Norte kwapwile chikolo cha kuya ku yize ya muchima chimuwika ni sali lia ku Chivumbuko. Yeseka chize ku chikolo ndo ku chikolo, kulakaji lia mbandu.

Ezekiel 40:28

Yanguneha ku yize ya muchima ku chikolo cha ku Sule; yeseka chikolo cha ku Sule, necho chimuwika ni yikwo.

Ezekiel 40:32

Yanguneha ku yize ya muchima ha sali lia Chivumbuko; yeseka chikolo chako, chimuwika ni yikwo.

Ezekiel 40:44

Yanguchiza haze, yangutwala mu yize ya muchima. Kumanyi mwapwile yipatulo yiali mu yize ya muchima; chimwe sali Ka chikolo cha ku Norte chinatalikisa ku Sule; chikwo sali lia chikolo cha ku Sule chinatalikisa ku Norte.

Ezekiel 42:3

Kwapwile veranda kulihata ni veranda ha ngango jitatu kulutwe lia makumi aali a mbandu jize jatwalile ku yize ya muchima, ja kutalikisa ku mawe a kwala a yize ya haze.

Kwalula 3:26

ni mahina a kuzezeleka a ku yize, ni hina lia kufuka ku chikolo cha yize yajingilika tabernakulu ni chilumbilo, ni mihipu yayo ya ha milimo yayo yeswe.

Kwalula 4:26

ni mahina a kuzezeleka a ku yize, ni hina lia kufuka ku unjililo wa chikolo cha yize ya kujingilika tabernakulu ni chilumbilo, ni mihipu yo, ni yikashi yeswe ya uvumbiko wayo. Cheswacho malinga nayo, o akachilinge.

Kwalula 4:32

ni manguji a ku yize ya kujingilika, ni yimanyino yo, ni mbambo jo, ni mihipu yo, ni yikashi yo yeswe hamwe ni uvumbiko wo weswe. Ye yikashi ya ulayilo wa yiteli yo, uyialule, chimwe ha chimwe, nikulita ni majina.