Kutuhuka 27:2 - MUKANDA USANDU WA ZAMBI 1975

² Mbinga jacho nawa ukajisongele ku mbango jiwana jacho. Mbinga jacho ja kusonga ku mutondo umuwika ni che chilumbilo. Ukalamikeho unengu.

Mukanda Wa Zambi 1970

² Ukasonga mbinga yimuwika ha mbango ni mbango ya mutondo umuwika ni chilumbilo. Mba chilumbilo cheswe ukachishila unengu.

Kutuhuka 27:2 Iomraidhean Croise

1 Yitanga Ya Mianangana 1:50

Adonija yevwa woma wa Solomone. Yakatuka, yaya yakwata ku mbinga ja chilumbilo.

1 Yitanga Ya Mianangana 2:28

Lusango yono wahetele kuli Joabe mumu Joabe te wakawile Adonija chipwe kakawile Absalome. Kashika Joabe yachinyina ku mbalaka ya Yehova, yakwata ku mbinga ja chilumbilo.

1 Yitanga Ya Mianangana 8:64

Tangwa lioliene mwanangana yasela ku usandu chihanda cha hakachi cha yize kumeso ja zuwo lia Yehova. Mumu kwenako yalambula mulambu wa kulumba, ni mulambu wa wunga, ni maji a milambu ya sambukila mumu chilumbilo cha unengu kumeso ja Yehova chakehele naye kutambula mulambu wa kulumba, ni mulambu wa wunga, ni maj i a milambu ya sambukila.

1 MIANANGANA 16:14

Chikwo nawa chilumbilo cha unengu chize chapwile kumeso ja Yehova yachichiza kwe kulutwe lia zuwo hakachi ka chilumbilo chenyi ni zuwo lia Yehova, yachisa ha sali lia chilumbilo chenyi ku Norte.

2 Sango Ja Mianangana 4:1

Yalinga nawa chilumbilo cha unengu; ha kusuha makumi aali a mbandu, ha kutoha makumi aali a mbandu, ni chizunda mo kumi lia mbandu.

Miaso (Masamu) 118:27

Yehova iye Zambi, hanatwehe pangu. Kasa chitapo ni mihipu chipwe ku mbinga ja chilumbilo.

Kutuhuka 27:3

Ukafule ndeho jacho ja kuchiza najo uto wacho, ni mapá jacho, ni mbasia jacho, ni nguto ja misako jacho, ni yikombelo yacho. Yikashi yo yeswe ukayifule ni unengu.

Kutuhuka 29:12

Ukachize ku manyinga a mwe kuji ya ngombe ukakomone ha mbinga ja chilumbilo ni munwe we. Ukazujile manyinga eswe ku shina lia chilumbilo.

Kutuhuka 38:30

Yafula nawo ye yimanyino ya ku chikolo cha mbalaka ya chikungulwila, ni chilumbilo cha unengu, ni sambu jacho ja unengu, ni yikashi yeswe ya ku chilumbilo;

Ezekiel 43:15

Lie jiko lia chilumbilo, mbandu jiwana, mba chize ku jiko lia chilumbilo kutalikisa kwilu mbinga jiwana.

Alevi 16:18

Mba matuhukila ku chilumbilo chili kumeso ja Yehova akachifukile shili. Akande nawa amwe manyinga a mwe chimbembe ni amwe a mwe pembe akaakomone ha mbinga ja chilumbilo ha kujingilika.

Alevi 4:18

Akakomone amwe manyinga ha mbinga ja chilumbilo chili kumeso ja Yehova mu mbalaka ya chikungulwila. Manyinga eswe asala akaazujile ku shina lia chilumbilo cha milambu ya kulumba chili ku chikolo cha mbalaka ya chikungulwila.

Alevi 4:25

Sasendote makanda amwe manyinga a mulambu ha shili ha munwe wenyi, akaakomone ha mbinga ja chilumbilo cha milambu ya kulumba, mba manyinga asala akaazujile ku shina lia chilumbilo cha milambu ya kulumba.

Alevi 4:7

Sasendote akakomone amwe manyinga ha mbinga ja chilumbilo cha insensu ya lupembo mupema kumeso ja Yehova, chili mu mbalaka ya chikungulwila. Mba manyinga eswe asala a mwe kuji makaazujila ku shina lia chilumbilo cha milambu ya kulumba chili ku chikolo cha mbalaka ya chikungulwila.

Alevi 8:15

Mose yamushiha, yanda manyinga ha munwe wenyi, yaakomona ha mbinga ja chilumbilo ha kujingilika, nikupemesa chilumbilo. Yazujila manyinga ku shina lia chilumbilo nikuchisela ku usandu, kuchifukila shili.

Zakaria 9:15

Yehova-wa-Tujita maafunga; makashiha ni kuliata akwa kukonga mawe. Makanwa manyinga jo ngwe vinyu. Makazala ngwe misenge, ngwe mbango ja chilumbilo ja pwocha ni manyinga.

Kwalula 3:31

Yuma o makalayila yino: ni mushete, ni mesa, ni chikwachilo cha ndeya, ni yilumbilo, ni yikashi ya muma musandu ya kuvumbikila, ni hina lia kufuka nalio, hamwe ni uvumbiko wamo weswe.

Hebreu 6:18

Hanga ku yuma yiali kuyishi kuhasa kwalumuka, mu yino Zambi kechi kuhasa kuhanjika mahuza, tukapwe ni kulembejeka cha ngolo, yetu hitunachinyina kukwata ku kutalatala chize chili kulutwe lietu.