Kutuhuka 27:1 - MUKANDA USANDU WA ZAMBI 1975

¹ Ukalinge chilumbilo cha mutondo wa mukesha. Usuhe wacho wa mbandu jitano. Utohe wacho wa mbandu jitano. Usuhe ni utohe wacho ukalite ndwa lume. Chizundamo cha che chilumbilo chikapwe cha mbandu jitatu.

Mukanda Wa Zambi 1970

¹ “Chilumbilo cha kwochela milambu ukachisonga cha mutondo akasia. Usuhwe ni unene wacho ukabwa ngeseko yimuwika: metro 2 ni sentimetro 20. Chizundamo chacho chikabwa metro 1 ni sentimetro 30.

Kutuhuka 27:1 Iomraidhean Croise

2 Samuel 24:18

Tangwa lioliene Ngate yeza kuli David, yamba kuli iye ngwenyi, Yako ukatungile Yehova chilumbilo ha chizungwilo cha Arauna wa ku Yepushe.

1 MIANANGANA 16:14

Chikwo nawa chilumbilo cha unengu chize chapwile kumeso ja Yehova yachichiza kwe kulutwe lia zuwo hakachi ka chilumbilo chenyi ni zuwo lia Yehova, yachisa ha sali lia chilumbilo chenyi ku Norte.

1 Sango Ja Mianangana 6:49

Alioze Arone ni ana jenyi alambwile ha chilumbilo cha milambu ya kulumba ni ha chilumbilo cha insensu, ha milimo yeswe ya muma musandu mwahiana ni ha kukukila A-Izalele nikulita ni yeswe Mose kavumbi ka Zambi watumine.

2 Sango Ja Mianangana 4:1

Yalinga nawa chilumbilo cha unengu; ha kusuha makumi aali a mbandu, ha kutoha makumi aali a mbandu, ni chizunda mo kumi lia mbandu.

Ezra 3:2

Henaho kwakatukile Yeshua mwana Jozadake ni asasendote ni akwo, ni Zorobabele mwana Salatiele ni usoko wenyi. Yatunga chilumbilo cha Zambi ya Izalele akalambwileho milambu ya kulumba ngwe chinasonewa mu shimbi ja Mose mwe mutu wa Zambi.

Kutuhuka 17:15

Mose wafungile chilumbilo, yachiluka jina ngwenyi, Yehova-Nissi.

Kutuhuka 24:4

Mose yasoneka maliji eswe a Yehova, yalimeneka chimenemene mbwi, yatunga ku kulwa mulundu chilumbilo ni kumi lia manguji ni manguji aali nikulita ni mavungu a A-Izalele kumi ni aali.

Kutuhuka 31:9

ni chilumbilo cha milambu ya kulumba hamwe ni yikashi yacho, ni lumbasia ni nganda yalwo,

Kutuhuka 35:16

ni chilumbilo cha milambu ya kulumba, hamwe ni sambu jacho ja unengu, ni mikambo yacho, ni yikashi yeswe yacho, ni lumbasia lwa kusanyina ni nganda yalwo;

Kutuhuka 39:39

ni chilumbilo cha unengu, ni sambu jacho ja unengu, ni mikambo yacho, ni yikashi yeswe yacho, ni lumbasia lwa kusanyina ni nganda yalwo;

Kutuhuka 40:10

Ukawayise ni maji chilumbilo cha milambu ya kulumba hamwe ni yikashi yacho yeswe. Ukasele ku usandu che chilumbilo. Chilumbilo chikapwe chisandu chahiana.

Kutuhuka 40:29

Ya-tumbikila chilumbilo cha milambu ya kulumba ku chikolo cha ku tabernakulu ya ku mbalaka ya chikungulwila. Yalambwilaho mulambu wa kulumba ni mulambu wa wunga, chizechene ngwe Yehova ambile kuli Mose.

Kutuhuka 40:6

Ukatumbike chilumbilo cha milambu ya kulumba kulutwe lia chikolo cha ku tabernakulu ya mbalaka ya chikungulwila.

Kwalula 3:31

Yuma o makalayila yino: ni mushete, ni mesa, ni chikwachilo cha ndeya, ni yilumbilo, ni yikashi ya muma musandu ya kuvumbikila, ni hina lia kufuka nalio, hamwe ni uvumbiko wamo weswe.

Kwalula 4:13

Akakulule uto wa ku chilumbilo. Akazazulwileho hina lia ufungo.

Kwalula 4:14

Akatumbikileho yikashi yeswe yacho ya kuvumbikilako, ni yikombelo, ni nguto ja misako, ni mapá, ni mbasia, te yikashi yeswe ya ku chilumbilo. Akazazulwileho chifuko cha malambu a yipanyundu. Akanjisemo mikambo yacho.

Hebreu 13:10

Chilumbilo tuli nacho, chize waze akuvumbika mbalaka keshi chiyulo cha kulilaho nichimwe.