Kutuhuka 26:1 - MUKANDA USANDU WA ZAMBI 1975

¹ Chikwo nawa, ukatunge tabernakulu ni kumi lia mahina, mahina apema atoma, ni alauluka, ni a ufungo, ni a ngengu. Ukaole ni akerupimi, chitanga cha chilangaji.

Mukanda Wa Zambi 1970

¹ “Ukangutungila zuwo lia chijila lia kuwayila. Ukatunga mahina kumi atoma alefuna, akunuka ni Wanda ulauluka, ni wa ufungo, ni uchila. Mahina wano chatamba kwoola ni yizulie ya akwa mwono a mwilu.

Kutuhuka 26:1 Iomraidhean Croise

2 Samuel 7:2

mwanangana yamba kuli profeta Natane ngwenyi. Tala yami natwama mu zuwo lia sedru alioze mushete wa Zambi watwama mu mbalaka.

1 Yitanga Ya Mianangana 6:29

Yola ha yishimi yeswe ni ha yipatulo ya zuwo yeseko ya akerupimi, ni mingaji ni yitemo yawashi, ni muchima ni haze.

1 Sango Ja Mianangana 17:1

Muze David hatwama mu zuwo lienyi, David yamba kuli profeta Natane ngwenyi, Tala yami natwama mu zuwo lia sedru alioze mushete wa usendo wa Yehova watwama mu mbalaka.

1 Sango Ja Mianangana 21:29

Mumu tabernakulu ya Yehova yize Mose watungile mu puya, ni chilumbilo cha milambu ya kulumba, ha miaka yize yichili ha nangamo ku Ngibeone.

Kutuhuka 25:18

Ukafule nawa akerupimi aali a oru. Ukaafule ku oru ya kutatula, ku masongo aali a chitwamo cha keke.

Kutuhuka 25:4

ni mahina alauluka, ni a ufungo, ni a ngengu, ni apema atoma, ni uzangi wa pembe;

Kutuhuka 25:8

Akangutungile zuwo lisandu hanga ngukatwame hakachi ko.

Kutuhuka 26:2

Usuhe wa hina ni hina ukapwe makumi aali a mbandu ni mbandu nake. Utohe wa hina ni hina ukapwe mbandu jiwana. Mahina eswe akapwe a cheseko chimuwika.

Kutuhuka 26:31

Ukatonge nawa chikalakala cha hina lilauluka, ni lia ufungo, ni lia ngengu, ni lipema litoma, lia kwola ni akerupimi, chitanga cha chilangaji.

Kutuhuka 26:36

Ukatonge hina lia kufuka ku chikolo cha mbalaka, lilauluka, ni lia ufungo, ni lia ngengu, ni lipema litoma, lia milimo ya kwola.

Kutuhuka 31:7

Ngwami, Mbalaka ya chikungulwila, ni mushete wa Shindakenyo, ni chitwamo cha keke chiliho, ni yikashi yeswe ya mu mbalaka,

Kutuhuka 35:11

Ye tabernakulu, ni mbalaka yayo, ni chifuko chayo, ni sepe jayo, ni matabua jayo, ni njalo jayo, ni manguji jayo, ni yimanyino yayo;

Kutuhuka 35:35

Hanazalisa wano ni mana mukulinga ulangaji weka ni weka ni wa mukwa kwola ha mawe, ni wa chilangaji, ni wa mukwa kwola ha mahina alauluka, ni a ufungo, ni a ngengu, ni apema atoma, ni wa mukwa kuseleka, ni wa a kutomba milimo ya ulangaji.

Kutuhuka 35:6

ni mahina alauluka, ni a ufungo, ni a ngengu, ni apema atoma, ni uzangi wa pembe;

Kutuhuka 36:35

Yatonga chikalakala cha hina lilauluka ni Ha ufungo, ni Ha ngengu, ni lipema litoma, cha kwola ni akerupimi, chitanga cha mwe chilangaji.

Kutuhuka 39:3

Yatatula ye oru yikapwe chipenya chilelu, hikuyiteta sambu akayisepekenye ku mahina alauluka, ni a ufungo, ni a ngengu, ni apema atoma. Chitanga cha chilangaji.

Kutuhuka 40:2

Ha tangwa litangu lia kakweji mutangu Ukamike ye tabernakulu ya mbalaka ya chikungulwila.

Kwalula 3:25

A-Ngeshone makalayila mu mbalaka ya chikungulwila yuma yino: ni tabernakulu ni mbalaka ni chifuko chayo, ni hina lia kufuka ku chikolo cha mbalaka ya chikungulwila,

Kwalula 4:25

o akambate mahina a ku tabernakulu ni a ku mbalaka ya chikungulwila, ni chifuko chayo, ni chifuko cha malambu a yipanyundu chize chatwamaho helu, ni hina lia kufuka ku chikolo cha mbalaka ya chikungulwila;

Yoano 1:14

Mba Liji walipwishile musunya, Watwamine hakachi ketu wa tò ni vumbi ni umwenemwene (twatalile uhenya wenyi, uhenya ngwe wa mwe Mwana wa wika wa kuli Tata).

Yoano 2:21

Alioze iye wahanjikile ha kutwala ku tembele ya mujimba wenyi.

Hebreu 8:2

kavumbi ka muma musandu, ni ka mbalaka yamwenemwene yize Mwene watungile, hi atu ko.

Hebreu 9:2

Mumu alulikile mbalaka, yitangu, muze mwapwile ni chikwachilo cha ndeya, ni mesa, ni mbolo ja, kutumbieka; muze anavulukamo ngwo, Muma musandu.

Hebreu 9:9

Chenacho chishima ha mwakono haliapwila; nikulita nacho kakulambula ni yawana ni yitapo, yize kuyahashile kupwisa mungunu mukwa kuwayila ha kutwala ku mbunge.

Usolwelo 19:8

Mba amuhelecho azale linyu lia kutemuka, lipema; mumu hina lia linyu lipema, ye yitanga ya ululi ya asandu.

Usolwelo 21:3

Nevwile liji linene lia kukatuka mwilu ngwo, Talenu, zuwo lia Zambi lili hamwe ni atu, iye kumakatwama hamwe no, o makapwa atu jenyi, ni Zambi mwene makapwa hamwe no, Zambi yo.