Kutuhuka 24:4 - MUKANDA USANDU WA ZAMBI 1975

⁴ Mose yasoneka maliji eswe a Yehova, yalimeneka chimenemene mbwi, yatunga ku kulwa mulundu chilumbilo ni kumi lia manguji ni manguji aali nikulita ni mavungu a A-Izalele kumi ni aali.

Mukanda Wa Zambi 1970

⁴ Mose yasoneka Shimbi jeswe ja Mwene Zambi. Yalimeneka chichamene cheswe, yatunga chilumbilo mushi lia mulundu, yalumbika mawe kumi ni aali ngwe chingina nikulita ni mavungu kumi ni aali ja Aisraele.

Kutuhuka 24:4 Iomraidhean Croise

Ubutukilo 12:7

Mba Yehova yasoloka kuli Apalama, yamba ngwenyi, Chifuchi chino munguchihana ku munyachi we. Mba kuli Yehova yoze yasoloka kuli iye yamutungilako chilumbilo.

Ubutukilo 28:18

Yakomba yalimeneka, yanda liwe lize halitenga mushachilo, yalimika lipwe liwe lia kumika yazuza maji ha songo lialio.

Ubutukilo 28:22

Ni liwe lino hinalimika likapwe liwe lia kumika mulipwa zuwo lia Zambi. Ya yize yeswe mungwaha munguhilwisa chihanda chimuwika cha hakachi ka yihanda kumi.

Ubutukilo 31:45

Mba Yakomba yanda luliwe, yalusa ngwe luliwe lwa kumika.

1 Yitanga Ya Mianangana 11:30

Ahija yakwata uzalo wenyi waha yaupula mu kumi lia yihanda ni yihanda yiali.

1 Yitanga Ya Mianangana 18:31

Eliya yanda kumi lia mawe ni mawe aali nikulita ni kwalula cha ana ja Yakomba yoze watambwile liji kuli Yehova ngwo, Jina lie yena Izalele.

Ezra 6:17

Yalambula ha kutumbikila ku usandu cha zuwo lino lia Zambi kulakaji lia kuji a ngombe, ni kulakaji aali a kuji a mapanga, ni kulakaji awana a ana-mapanga. Mulambu ha shili hali A-Izalele eswe, ashihile kumi lia kuji a pembe, ni kuji a pembe aali nikulita ni kwalula cha minyachi ya Izalele.

Nehemia 10:1

Majina ja waze asele yijikilo yo: Nehemia mwe mukwa kuyula, mwana Hakalia, ni Zedekia,

Kutuhuka 17:14

Yehova yamba kuli Mose ngwenyi, Soneka chino mu mukanda hanga chikapwe Chiwulwiso, uchitange kuli Yoshua, mumu kumungukajimuna jimu A-Amaleke; kechi kwaewuluka nawa hashi.

Kutuhuka 17:15

Mose wafungile chilumbilo, yachiluka jina ngwenyi, Yehova-Nissi.

Kutuhuka 21:1

Yiyulo yino mukayisela ku meso jo.

Kutuhuka 24:7

Iye yanda we mukanda wa usendo, yautanga hanga atu akevwe. O yamba ngwo, Ye yeswe hahanjika Yehova yetu kumutukayilinga. Kumutukononoka.

Kutuhuka 28:21

E mawe akalite ni majina ja ana a Izalele, kumi lia mawe ni mawe aali nikulita ni majina jo, ngwe kwola cha ha kazeya, vungu ni vungu nikulita ni jina lialio. Akapwe a mavungu kumi ni aali.

Kutuhuka 34:27

Yehova yamba kuli Mose ngwenyi, Soneka maliji ano mumu nikulita ni maliji ano hingunakolesa usendo ni yena ni A-Izalele.

Izaya 19:19

Ha tangwa lize hakachi ka chifuchi cha Engitu kumukukapwa chilumbilo kuli Yehova, ni nguji limwe kuli Yehova he ha njiza.

Alevi 24:5

Chikwo nawa munwanda wunga wafufunuka nukalinge nawo kumi lia mbolo ni mbolo jiali. Mbolo yeswe muyipwa ya yihanda yiali ya ku kumi lia yihanda ya njongo ya efa.

Kwalula 17:2

Hanjika ni A-Izalele, utambule milumbu kuli ayo, mulumbu kuli munyachi wa kalamba, mulumbu kuli munyachi wa kalamba, kuli miata jo eswe nikulita ni minyachi ya tulamba two, kumi lia milumbu ni milumbu yiali. Usoneke jina lia mutu mweswe ha mulumbu wenyi.

Luka 22:30

Hanga nukalile, nukanwine ku mesa yami mu wanangana wami. Kumunukatwama ha ngunja nikupatwila kumi lia mavungu ni mavungu aali a Izalele.

Galashia 2:9

muze anyingikine vumbi lize anguhele, Tiangu ni Sefwa ni Yoano, waze apwile manguji mu chikungulwila, ahanyine kuli yami ni Mbarnavwe moko ja chindume a kulikunda, hanga yetu tukaye kuli akwa mavungu, o akaye kuli akwa ungalami.

Shimbi 31:9

Mose yasoneka shimbi yino, yayihana kuli asasendote, A-Levi, waze ambachile mushete wa usendo wa Yehova, ni kuli makulwana eswe a Izalele.

Yoshua 4:20

Mawe aze kumi ni aali achijile mu Yordau Yoshua yaatambika ku Ngilingali.

Yoshua 4:5

Yoshua yamba kuli ayo ngwenyi, Palikenu kulutwe lia mushete wa Yehova Zambi yenu, ndo mukachi ka Yordau. Mba mutu mweswe hakachi kenu mambata liwe ha chipaya chenyi nikulita ni kwalula cha minyachi ya A-Izalele,

Usolwelo 21:14

Ni chipanga cha limbo chapwile ni kumi lia fundamentu ni fundamentu jiali, ni kumi lia majina ni majina aali a kusonekaho, majina ja kumi lia apostolo ni apostolo aali a mwe Mwana-panga.