Kutuhuka 24:3 - MUKANDA USANDU WA ZAMBI 1975

³ Mose yaya, yambulwila atu maliji eswe a Yehova ni chiyulo cheswe. Atu eswe akumbulwile ni liji limuwika ngwo, Maliji ano eswe Yehova hahanjika kumutukaalinga.

Mukanda Wa Zambi 1970

³ Mose yaya ni kwambulwila atu Shimbi jeswe jize ambile Zambi. Atu eswe yaakumbulula hamuwika ngwo: “Mutulinga yeswe yize Mwene Zambi hamba.”

Kutuhuka 24:3 Iomraidhean Croise

2 Sango Ja Mianangana 15:14

Yalishinga kumeso ja Yehova ni liji linene ni kukololoka, ni yitavwi, ni njalamina.

2 Sango Ja Mianangana 15:15

A-Yunda eswe yawahilila ni shingo lino mumu halishinga ni mbunge yeswe; hamufupa ni upale wo weswe, hamuwana. Mba Yehova yaaha kuhwima kweswe kwa kujingilika.

Miaso (Masamu) 50:5

Ngwenyi, Kungululenu asandu jami kuli yami, waze hanakolesa usendo wa chitapo ni yami.

Kutuhuka 19:8

Atu eswe yakumbulula hamuwika ngwo, Yuma yeswe hamba Yehova, kumutukalinga. Mose yambulwila Yehova maliji a e atu.

Kutuhuka 24:2

Mose ukawenyi akakundame kuli Yehova. Alioze o kanda akakundama, chipwe e atu kanda akakanduka hamwe nenyi.

Kutuhuka 24:7

Iye yanda we mukanda wa usendo, yautanga hanga atu akevwe. O yamba ngwo, Ye yeswe hahanjika Yehova yetu kumutukayilinga. Kumutukononoka.

Jeremia 11:4

natumine tulamba twenu muze naachijile mu chifuchi cha Engitu, mwe mu lutengo wa utale ngwami, Panjikenu ku liji liami, lingenu yeswe ngunanutumina. Chocho munukapwa atu jami ni yami mungukapwa Zambi yenu

Jeremia 34:13

Yehova Zambi ya Izalele kanambe ngwenyi, Ha kuchiza tulamba twenu ku chifuchi cha Engitu ku zuwo lia upinji nakolesele no usendo ngwami,

Hagai 2:5

nikulita ni chilakenyo chize nanuhele ha kukatuka ku Engitu. Spiritu yami katwama hakachi kenu; kanda nwivwa woma.

Malaki 2:10

Te eswe hi tata umuwika ko? Katutangile kuli Zambi umuwika? Nyi chocho kuchi te twakulinga ni mafwefwe umwe kuli mukwo ni mukwo nikujilula usendo wa tulamba?

Shimbi 11:1

Kashika, zangenu Yehova Zambi yenu, nufunge ulayilo wenyi, ni yiyulo yenyi, ni upatwilo wenyi, ni maliji jenyi a shimbi matangwa eswe.

Shimbi 4:1

Enu A-Izalele panjikenu ku yiyulo ni ku upatwilo ngunanulongesa, nuyilinge, hanga nupwe ni mwono, nunjile ni kuzuka chifuchi Yehova Zambi ya tulamba twenu ananwehecho.

Shimbi 4:45

Shindakenyo jino, ni yiyulo yino, ni upatwilo uno, ambile Mose kuli A-Izalele ha kukatuka mu Engitu,

Shimbi 4:5

Kutala! Nanulongesele yiyulo ni upatwilo, ngwe Yehova Zambi yami wangwambile, nulinge chizechene mu chifuchi nunayi kuchizuka.

Shimbi 5:1

Mose watambikile kuli A-Izalele eswe ngwenyi, Enu A-Izalele, ivwenu yiyulo ni upatwilo ngunambe mu matwi jenu musono, nulilongeseyo, nukayifunge, nuyilinge.

Shimbi 5:31

Alioze, yena umane kuno kuli yami, mungwamba kuli yena maliji eswe a shimbi, ni yiyulo, ni upatwilo, ukaalongeseyo, hanga ayilinge mu chifuchi chize ngunaahecho kuzuka.

Shimbi 6:1

Achi, liji lino lia shimbi, ni yiyulo yino, ni upatwilo uno, Yehova Zambi yenu wambile ngunulongeseyo hanga nuyilinge mu chifuchi nunazauka kuchizuka.

Yoshua 24:21

Ahoze e atu ambile kuli Yoshua ngwo, Hi chocho ko, etu mutulingila Yehova.

Yoshua 24:22

Henaho Yoshua wambile kuli atu ngwenyi, Nuli yela a kulimika ni yenwene ngwenu, Hitwatongola Yehova tukamulingile. O ngwo, E tuli yela.

Yoshua 24:24

Atu yamba kuli Yoshua ngwo, Yehova Zambi yetu mutumulingila; liji lienyi mutuliononokena.