Kutuhuka 23:2 - MUKANDA USANDU WA ZAMBI 1975

² Kanda ukakaula mbunga mukulinga chipi. Chipwe ha kusopa mutonga kanda ukashindakenya nikukaula mbunga mukuhengesa upatwilo.

Mukanda Wa Zambi 1970

² Kanda ukaula mbunga ha kulinga yibi, waze maashindakenya mahuza ha kuhengesa ubatwilo.

Kutuhuka 23:2 Iomraidhean Croise

Ubutukilo 19:4

Alioze shimbu kanda achipomba malunga a mu chihunda cha Sondome yaseleka zuwo, ni twanuke ni makulwana, atu eswe a ku sali ni sali.

Ubutukilo 6:12

Zambi wamwene hashi kumanyi hapihile mumu akwa mwono eswe hanapihisa majila jo hashi.

Ubutukilo 7:1

Mba Yehova yamba kuli Noe ngwenyi, Njila mu ulungu ni yena ni akwa zuwo lie eswe, mumu nakumona yena mukwa ululi kumeso jami mu chisemuko chino.

1 Yitanga Ya Mianangana 19:10

Aye ngwenyi, Nguli ni mbunge ya kuzanga wika Yehova Zambi-ya-Tujita. Alioze A-Izalele hehuka usendo we, hanunguna yilumbilo ye, hashiha aprofeta je ni katana. Yami wika ukawami nasala. Mba kanafupu kungutambula mwono wami.

Jobe 31:34

mumu ha kwivwa woma wunji wa e atu; kachi kupopolola cha minyachi changukolesa woma kashika nahola, chatuhukile haze—

Miaso (Masamu) 72:2

Iye kumakapatwila atu je ni ululi; kumakapatwila yiswale je ni umwenemwene.

Yishima 1:15

Mwanami kanda ukendela jila yimuwika no, kanda ukasa kulu lie mu majila jo,

Yishima 18:5

Kupwa ni katonde kuli chingulungulu kuchapemene; chipwe kuhisa mukwa ululi ha upatwilo.

Yishima 4:14

Kanda unjila mu jila ya yingulungulu; kanda uliata mu jila ya atu api.

Jeremia 37:15

Alemu yatenuka chinji ni Jeremia. Yamulamba ni kumuyikila mu zuwo lia mukwa kusonyeka Jonatas, mumu te halialumuna zuwo lia ususu.

Jeremia 37:21

Kashika mwanangana Zedekia yatuma, mba yatwala Jeremia ku yize ya tulayi. Yamwaha nawa mbolo yimuwika tangwa ha tangwa ya ku tapalo lia akwa mbolo, ndo mbolo yeswe ya mu chihunda hiyahwa. Chocho Jeremia yatwama ku yize ya tulayi.

Jeremia 38:9

Mwene wami mwanangana, wano malunga halinga chipi mu yino yeswe halinga kuli Jeremia ha kumumbila mu wina. Kumafwilamo ni zala mumu mbolo kuyishimo mu chihunda.

Ezekiel 9:9

Aye yamba kuli yami ngwenyi, Uhie wa munyachi wa Izalele ni wa Yunda unene Wahiana. Chifuchi chazala ni manyinga ni chihunda chazala ni uhenge, mumu kakwamba ngwo, Yehova hanakatuka mu chifuchi; Yehova kamweneko.

Alevi 19:15

Kanda nupatula ni uhenge hanji ni katonde kuli chiswale, hanji ni ulemeso kuli mulemu. Alioze munukapatwila mukwenu ni ululi.

Hagai 1:4

Kumanyi matangwa hanahete a kutwama mu mazuwo jenu a kululika kanawa ni mitondo shimbu zuwo lino Unatwama lia kupuzula?

Marku 15:15

Mba Pilatu se wapalile kuhutula mbunga, waatuswilile Mbarapa, wakunjikile Yesu, muze te hamulamba ni shikote, hanga akamuhachile ha kulusu.

Luka 23:51

(Yono katayijile ku upatwilo wo ni chitanga cho), wa ku Arimatea, limbo lia mu Yunda; mwenawo wapwile nikutatatata wanangana wa Zambi:

Yilinga 24:27

Alioze muze miaka yiali yamanunukine, Porshiu Fesetu wasalakanyine Fwelishia; ni Fwelishia nikuzanga kuwahisa A-Yunda, wahichikile Paulu wa kukasa.

Yilinga 25:9

Alioze Fesetu, nikuzanga kuwahisa A-Yunda, wakumbulwile kuli Paulu ngwenyi, Mukakanduka ku Yerusaleme akakupatwileko kumeso jami ha yino yuma, nyi?

A-ROMA 1:32

wano, nikunyingika upatwilo wa ululi wa Zambi, ngwe waze akulinga yuma ngwe yino kanatela kufwa, hindu hi kuyilinga wika ko, alioze kakuwaha hamwe ni waze akuyilinga.

Shimbi 1:17

Kanda nupwa ni katonde ha kupatula. Nupanjike akepe ni anene chizechene. Kanda nupwa ni woma wa meso ja mutu, mumu upatwilo wa mbala wa Zambi. Chikuma chikalu naye hali yenu nungunehenecho. Munguchipanjika.

Shimbi 16:19

Kanda nuhengesa upatwilo; kanda nupwa ni katonde; chipwe kanda nutambula chindo, mumu chindo kuchapupuchisa meso ja mukwa mana, kuchahengesa chikuma cha mukwa ululi.

Shimbi 24:17

Kanda nuhengesa upatwilo wa chilambala, chipwe wa shiwa, chipwe kanda nuchiza mazalo a twamishi kupwa chifungo,

Yoshua 24:15

Nyi kunushi ni mbunge ya kulingila Yehova, hitongolenu musono waze munwalingila, shina mazambi aze tulamba twenu alingilile mu chifuchi cha mu sali lia Lwiji, nyi shina mazambi a A-Amore akwa chifuchi chino nwatwama. Alioze lia kutwala kuli yami ni akwa zuwo liami etu mutulingila Yehova.

1 Samuel 15:24

Saulu yamba kuli Samuel ngwenyi, Hingunavulumuna, mumu hinatangula shimbi ja Yehova ni maliji jenu nawa, mumu nevwilile woma e atu nikupanjika ku liji lio.

1 Samuel 15:9

Saulu ni e atu kashihile Agage ni yimuna apema hakachi ka mapanga, ni ngombe, ni yimbembe a maji, ni ana-mapanga, ni yuma yeswe yipema; kasolo kwanongesa. Alioze api eswe, amokomoko o aanongesene liakulu.