Kutuhuka 22:3 - MUKANDA USANDU WA ZAMBI 1975

³ Kachi tangwa mulimuvumbukila, kumukukapwa uhiso wa manyinga mumu hali iye. Akahilwise yeswe. Nyi mokomoko ali, akamulanjise mumu ha wiji wenyi.

Kutuhuka 22:3 Iomraidhean Croise

Ubutukilo 44:10

Iye ngwenyi, Chikapwe chocho ngwe hinwamba. Mweswawo mutumuwana nawo mapwa kapinji kami; akwo eswe masamba.

Kutuhuka 21:2

Kachi mulanda ndungo Ka-Hepreu, akavumbike miaka yisambano. Ha mwaka wamuchishimbiali akatusuke chawana.

Kutuhuka 21:34

mukwa wumbu akafwete. Akahane mbongo kuli kako. Kashitu yoze wafwa akapwe niwenyi.

Kutuhuka 22:2

Nyi makwata mwiji kanalokola zuwo, mamulamba chocho mafwa, kukuchi kapwa uhiso wa manyinga mumu hali iye.

Izaya 40:2

Hanjika ku mbunge ya Yerusaleme, kololoka kuli iye, kukilikita chenyi hichahwa, uhenge wenyi hanaukonekena, hanatambula ku kwoko lia Yehova yisuho yiali ha milonga yenyi yeswe.

Izaya 50:1

Yehova kanambe ngwenyi, Mukanda wa noko, wa kumulakula ulihiwo, uze namulakwile nawo? Nanuhanyine tombo kuli iya hakachi ka akwa mikuli yami? Nwalanjiwile mumu ha uhenge wenu; ha Utanguko wenu ahumine noko.

Mateu 18:25

Alioze mumu te kapwile nacho nichimwe cha kufweta, mwene wenyi wambile akamulanjise ni mukwo-pwo, ni ana jenyi, ni yuma yize yeswe apwile nayo, akalifwete.

Akwa Kuyula 10:7

Kashika utenu wa Yehova wakasumukine hali A-Izalele. Yaakunjika ku moko ja A-Filistea ni ku moko ja A-Amone.

Akwa Kuyula 2:14

Kashika utenu wa Yehova wakasumukine hali A-Izalele; waakunjikile kuli akwa kupupa, akaapupe. Yaalanjisa ku tachi ja akwa kole jo ha kwajingilika, chocho kahashile kulimika nawa ni akwa kole jo.