Kutuhuka 22:2 - MUKANDA USANDU WA ZAMBI 1975

² Nyi makwata mwiji kanalokola zuwo, mamulamba chocho mafwa, kukuchi kapwa uhiso wa manyinga mumu hali iye.

Mukanda Wa Zambi 1970

^2-4 Chamutamba kwafweta lume. Nyi keshi nichimwe chakufweta, chatamba kumulanjisa ngwe ndungo ha kufweta Chuma chize anakeya. Chimuna chize anakeya, ngombe hanji chimbulu hanji panga, nyi amuwana ni mwono mu moko jenyi, mamufweta yisuho yaali. “Nyi ngwe akwata mwiji unabubu zuwo ha ufuku hanga akeye, mba nyi amushiha, yoze wamushiha keshi kwenyi ni mulonga. Alioze nyi wamushiha ha mwalwa, kali ni mulonga.

Kutuhuka 22:2 Iomraidhean Croise

Jobe 24:14

Chingalwe kakuhinduka ni milima, akashihe yiswale ni akwa kuhona. Ha ufuku kapwa ngwe mwiji.

Jobe 24:16

Ha ufuku kakulokola mazuwo; ha mwalwa kakuliajila, kanyingikine mwalwa.

Jobe 30:5

Kakwahuma hakachi ka atu; nikwahanga ni milolo ngwe mwiji.

Jeremia 2:34

Chikwo nawa ha mahina je hwali manyinga a mwono wa yiswale keshi chitela, kwaawanyine hanji kulokola zuwo. Hindu, chipwe ni yino yuma yeswe

Hosea 7:1

Muze munguhilwisa kuwaha cha atu jami, muze munguwuka Izalele, uhenge wa Eframe unasoloka ni yitanga ya ungulungulu ya Samaria; mumu kakulinga ni mahuza; eji kakulokola mazuwo, ni yingumba kakupupa mu majila.

Joele 2:9

Kakutumbuka ha chihunda; kakulundumukina ha yipanga, kakunyinanyina ku mazuwo nikunjila ku njanela ngwe eji.

Kwalula 35:27

kachi mukwa kukala manyinga mamuwana mu sali lia njiza ja limbo lienyi lia uchinyino, mba mukwa kukala manyinga mamushiha, kechi kupwa ni mulonga wa manyinga.

Mateu 24:43

Alioze nyingikenu chino, kachi mwenya zuwo wanyingikine ha ola yize mwiji meza kachi walayile, kachi kamutayijile kulokola zuwo lienyi.

1 Tesalonika 5:2

Mumu yenwene nunanyingika pundu, tangwa lia Mwene chocho muliza ngwe mwiji ha ufuku.

1 Petulu 4:15

Alioze niumwe wa kuli yenu, kanda akamona lamba ha mulonga wa ungalwe, hanji mwiji, hanji mukwa kulinga yipi, hanji mukwa kusunga ku yuma ya mbala.