Kutuhuka 20:3 - MUKANDA USANDU WA ZAMBI 1975

³ Kanda ukapwa ni tuzambi tweka kumeso jami.

Mukanda Wa Zambi 1970

³ “Kanda uwayila zambi mukwo shina yami.

Kutuhuka 20:3 Iomraidhean Croise

1 Yitanga Ya Mianangana 11:4

Mumu muze Solomone hapwa mukulwana mapwo jenyi apiangwilile mbunge yenyi ku mazambi akwo. Mbunge yenyi kuyapwile yingunu liakulu kumeso ja Yehova Zambi yenyi ngwe mbunge ya tato David yapwile.

Miaso (Masamu) 29:2

Hanenu kuli Yehova ulemu uze unalite ni jina lienyi. Wayilenu Yehova mu upeme wa usandu.

Miaso (Masamu) 73:25

Iya nguli nenyi mwilu shina yena wika? Chipwe hashi niumwe keshiho yoze namuzanga shina yena.

Miaso (Masamu) 81:10

Yami nguli Yehova Zambi ye, nakuchijile ku chifuchi cha Engitu. Pakula kanwa lie liakulu mba mungulizalisa.

Miaso (Masamu) 81:9

Kachi niumwe zambi ya tundaka keshiko hakachi kenu. Chipwe kuwayila umwe zambi ya tundaka kachi kunwachilingile.

Kutuhuka 15:11

Yehova—hakachi ka tuzambi walita ni yena iya? Walita ni yena iya? Mulemu ni musandu—yena. Ha kukuhalisa, kole ni woma yena. Kuwakulinga yikomokeso.

Kutuhuka 20:23

Kanda ukalinga tuzambi tweka kwapalakenya ni yami, chipwe tuzambi twa prata, chipwe tuzambi twa oru.

Kutuhuka 22:19

Mweswawo mapomba ni kashitu, akamushihe lume.

Kutuhuka 23:24

Kanda ukafukama kuli tuzambi two chipwe kwalingila, ka, chipwe kanda ukalinga nikulita ni yitanga yo alioze ukaapuzule liakulu. Ukapalwole yipinji tuponya two.

Kutuhuka 32:8

Hahambuluka washiwashi ku jila yize naambile. Halilingila ene mwana-ngombe wa kuzuzulula, hafukama kuli iye, hamulambula milambu, hamba ngwo, Enu A-Izalele, Zambi yenu yono, wanuchijile ku chifuchi cha Engitu.

Kutuhuka 34:14

Kanda ukawayila tuzambi eka, mumu Yehova (jina lienyi iye Ukwa), iye Zambi mukwa ukwa.

Izaya 26:4

Fulielenu Yehova miaka yeswe mumu Yehova, Yehova iye luliwe lwa mutolo.

Izaya 42:8

Yami Yehova, lie jina liami alio; uhenya wami chichi kuhana kuli niumwe mukwo. Chichi kuhana uhaliso wami ku tuponya twa kwola.

Izaya 43:10

Yehova kanambe ngwenyi, Enu nuli yela jami, kavumbi kami wa kutongola, hanga nukangunyingike nuka ngufuliele nukase chinyingi, Yami Nguli. Katangile niumwe zambi wakunguliangila kulutwe, chipwe kunyima yami kechi kapwako,

Izaya 44:8

Kanda nwivwa woma, mwongo kanda unukwata. Te chanulwezele chize ku shakulu nikuchambulula? Ni yenu nuli yela. Kwali umwe Zambi hamwe ni yami? Luliwe lukwo kulushiko; chalunyingikine.

Izaya 46:9

iwulukenu yuma yize hiyapalika kushi; mumu yami Zambi, kukushi mukwo; yami Zambi, kukushi umwe wa kulifwa.

Jeremia 25:6

Kanda nukaula mazambi akwo kwalingila chipwe kwawayila, nukangwihie ni yitanga ya moko jenu, mba chichi kunulinga chipi nichimwe.

Jeremia 35:15

Hinatuma tuvumbi twami aprofeta eswe ni kulitwamina ka, ngwami, Alumukenu yenu eswe nukahichike mutu mweswe ndako jenyi jipi. Pemesenu yitanga yenu; kanda nukaula mazambi akwo nukaalingile, hanga nukatwame mu chifuchi chino nahanyine kuli yenu ni kuli tulamba twenu. Alioze kunwatelele matwi jenu, chipwe kungwivwa.

Jeremia 7:9

Te nunazange kwiya, ni kushiha, ni kulinga utanji, ni kulishinga ni mahuza, nikwochela Mbale insensu, ni kukaula mazambi eka kunwaanyingikine,

Daniel 3:18

Alioze nyi ka, nyingikenu mwanangana, hindu kutuchi kulingila mazambi jenu, chipwe kuwayila kaponya ka oru yono hinwamika.

Hosea 13:4

Yami nguli Yehova Zambi yenu chize ku chifuchi cha Engitu. Kunwanyingikine Zambi niumwe shina yami, kukushi niumwe chilamwina shina yami wika.

Mateu 4:10

Hohene Yesu yamba kuli iye ngwenyi, Sosolokako Satana: mumu chinasonewa ngwo, Ukawayile Mwene Zambi ye, iye wika ukamulingile.

1 Korintu 8:4

Kashika ha kutwala ku kulia cha yuma yize hanayitambula yitapo ku mahamba, tunanyingika hamba hi chimwe ko hano hashi, ni Zambi mukwo wakuhi niumwe, shina umuwika.

1 Korintu 8:6

Hindu kuli yetu, kwali Zambi umuwika, mwe Tata, yuma yeswe yinakatuka kuli iye, ni yetu tuli hali iye; ni Mwene umuwika, Yesu Kristu, kuli iye yuma yeswe yinakatuka, ni yetu kuli iye.

Efesu 5:5

Mumu chino nunanyingika chamwenemwene, ngwo, Chitanji niumwe, chipwe mukwa luchisa, chipwe mukwa kuzo, mwenawo mukwa kukombelela mahamba, keshi chihinga mu wanangana wa Kristu ni Zambi.

Shimbi 5:7

Kanda ukapwa ni tuzambi tweka kumeso jami.

Shimbi 6:14

Kanda nukaula tuzambi tweka, tuzambi twa mavungu ananujingilika,

Shimbi 6:5

Nuzange Yehova Zambi yenu ni mbunge jenu jeswe ni alma jenu jeswe, ni ndundo jenu jeswe.

Filipu 3:19

songo lio, kwonwona; zambi yo, jimo; ni uhenya wo, sonyi jo; kakunyonga yuma ya hashi.

Kolosu 2:18

Niumwe kanda anulimuna kwononona chenu, nikulengumuka ku mbunge yenyi ya kulikehesa, ni kuwayila cha angelo, nikupolongoza mu yuma yize hanamono, nikulifuza ni kunyonga chenyi cha musunya.

Usolwelo 19:10

Nafulamanyine ku yiliato yenyi hanga ngumuwayile. Iye yamba kuli yami ngwenyi, Kanda uchilinga: yami nguli ndungo-ni-mukwenu, ni ndungo-ni-mukwo ni mandumbu je, waze ali ni Shindakenyo ya Yesu: wayila Zambi: mumu Shindakenyo ya Yesu, spiritu ya uprofeto.

Usolwelo 22:9

Iye yamba kuli yami ngwenyi, Kanda uchilinga: yami nguli ndungo-ni-mukwenu, ni ndungo-ni-mukwo ni mandumbu je, aprofeta, ni waze akufunga maliji a mukanda uno: wayila Zambi.

Akwa Kuyula 6:10

Nanwambile ngwami, Yami Yehova Zambi yenu, kashika kanda nulemesa mazambi ja A-Amore nwatwama mu chifuchi cho. Alioze kunwapanjikile ku liji liami.