Kutuhuka 20:2 - MUKANDA USANDU WA ZAMBI 1975

² Nakuchijile ku chifuchi cha Engitu, ku zuwo lia upinji, Yami Yehova Zambi ye.

Mukanda Wa Zambi 1970

² “Yami nguli Mwene Zambi ye, yoze wakutuhwishile mu chifuchi cha Egiptu, kuze wabwile ndungo.

Kutuhuka 20:2 Iomraidhean Croise

1 Yitanga Ya Mianangana 18:39

Muze atu eswe achimwene yafulamana ha meso jo, yamba ngwo, Yehova iye Zambi! Yehova iye Zambi!

1 MIANANGANA 17:12

Alingilile tuponya aze Yehova hanambe ngwenyi, Kanda nulinga chuma chino.

1 MIANANGANA 17:7

Chapwile chocho mumu A-Izalele hanavulumuna Yehova Zambi yo, yoze waachijile ku kwoko lia Falau mwanangana wa Engitu ni ku chifuchi chenyi. Hindu o havwila woma mazambi akwo,

2 Sango Ja Mianangana 28:5

Kashika Yehova Zambi yenyi yamukunjika mu moko ja mwanangana wa Seria, yamulamba, yakwata mbunga yinene ya atu jenyi, yaatwala ku Ndamaseku. Yamukunjika mu moko ja mwanangana wa Izalele nawa, aye yashiha atu jenyi anji.

Miaso (Masamu) 50:7

Ivwenu, atu jami, mba munguhanjika. Ivwenu A-Izalele mba mungushindakenya kuli yenu; yami nguli Zambi, mwe Zambi ye.

Miaso (Masamu) 81:10

Yami nguli Yehova Zambi ye, nakuchijile ku chifuchi cha Engitu. Pakula kanwa lie liakulu mba mungulizalisa.

Miaso (Masamu) 81:11

Hindu atu jami kapanjikile liji liami. Izalele kangutayijile.

Miaso (Masamu) 81:7

Watambikile mu lamba ni yami nakupulwile. Nakukumbulwile muma mwa kuswama mwa kukulunguza. Nakwesekele ku meya a Meripa.(Litulike.)

Kutuhuka 13:14

Muze manuhula kuli ana jenu kulutwe ngwo, Acho chika? Nukaambulwile ngwenu, Ni kwoko lia tachi, Yehova watuchijile ku Engitu ku zuwo lia upinji.

Kutuhuka 13:3

Mose yamba kuli atu ngwenyi, Iwulukenu lino tangwa muze nwakatukile ku Engitu, ewa ku zuwo lia upinji, mumu Yehova yanuchiza ku chihela chize ku tachi ja kwoko lienyi. Kanda nukalia mbolo niyimwe ya futunwiso.

Kutuhuka 15:13

Yena ni utu wa zango lie watwalile atu aze waakulile. Yena ni tachi je waasongwelele ndo kuze kwatwama usandu we.

Kutuhuka 15:16

Woma ni mwongo hiyaaholokela. Ku unene wa kwoko lie kanaholo kúlú ngwe liwe ndo te atu ja yena Yehova mazauka; ndo te e atu mazauka, waze yena unapichi.

Kutuhuka 15:26

Yamba ngwenyi, Kachi yenu munuhalakana pundu ku liji lia Yehova Zambi yenu, nikulinga chize chinate ku meso jenyi, nikupanjika ku maliji jenyi a shimbi, nikufunga yiyulo yenyi yeswe, kachi chichi kusa hali yenu kuyiza nichimwe nasele hali A-Engitu, mumu Yami Yehova, mukwa kunuwuka.

Kutuhuka 20:1

Zambi wambile maliji wano eswe ngwenyi,

Kutuhuka 29:46

O kumakanyingika ngwo, Mwe Yehova Zambi yetu, watuchijile ku chifuchi cha Engitu, hanga akatwame hakachi ketu. Ngwami, Yami Yehova, Zambi yo.

Kutuhuka 6:6

Kashika amba kuli A-Izalele ngwe, Iye Yehova. Kumakanuchiza kushi lia yiteli ya A-Engitu; makanupulula ku upinji wo; makanukula ni kwoko lia kwolola ni yitanga yinene ya upatwilo.

Izaya 43:3

Mumu nguli Yehova Zambi ye, mwe Musandu wa Izalele, Chilamwina che. Nahanyine Engitu kupwa ndando ya ukule we. Nakulanjile ni Etiopia ni Sepa.

Jeremia 16:14

Kashika Yehova kanambe ngwenyi, Matangwa kaneza muze kechi kwamba ngwo, Ni mwono wa Yehova yoze wachijile atu a Izalele ku chifuchi cha Engitu,

Jeremia 2:6

Kambile ngwo, Yehova kuli ali? Yoze watuchijile ku chifuchi cha Engitu, watusongwelele mu puya, mu chifuchi cha kango ni mena, mu chifuchi cha pwila ni milima pwi, mu chifuchi kuze niumwe mapalikamo, niumwe matwamamo.

Jeremia 31:1

Yehova kanambe ngwenyi, Ha mwaka uze mungukapwa Zambi ya minyachi yeswe ya A-Izalele mba o kumakapwa atu jami.

Jeremia 31:33

Alioze Yehova kanambe ngwenyi, Usendo mungukolesa ni munyachi wa Izalele kulutwe lia matangwa aze uno, Mungukasa shimbi yami muchima lio, ni kuyisoneka ha mbunge jo. Mungukapwa Zambi yo, no makapwa atu jami.

Jeremia 34:13

Yehova Zambi ya Izalele kanambe ngwenyi, Ha kuchiza tulamba twenu ku chifuchi cha Engitu ku zuwo lia upinji nakolesele no usendo ngwami,

Ezekiel 20:19

Zambi yenu yami Yehova; endenu mu yiyulo yami, nutale kanawa kufunga shimbi jami,

Ezekiel 20:5

wambe kuli ayo ngwe, Mwene Yehova kanambe ngwenyi, Ha tangwa lize natongwele Izalele nalishingile kuli ana ja munyachi wa Yakomba nikulisolola kuli ayo mu chifuchi cha Engitu. Nalishingile kuli ayo ngwami, Yami nguli Yehova Zambi yenu.

Ezekiel 20:7

Yingwamba kuli ayo ngwami, Mutu mweswe ambile yuma yize ya lwaji nwakuyihulikila meso, kanda nulichisa ni mahamba ja Engitu; Zambi yenu yami Yehova.

Hosea 12:10

Yami nahanjikile kuli aprofeta; yami nokesele usolwelo, nikuhana yishima ku makanwa ja aprofeta.

Hosea 13:4

Yami nguli Yehova Zambi yenu chize ku chifuchi cha Engitu. Kunwanyingikine Zambi niumwe shina yami, kukushi niumwe chilamwina shina yami wika.

Alevi 11:45

Mumu yami Yehova nanuchijile ku chifuchi cha Engitu ngukapwe Zambi yenu. Kashika munukapwa asandu, se ni yami nguli musandu.

Alevi 19:36

Mbalansa jenu jikapwe ja ululi, hi pezu ja ululi, ni *efa ja ululi, ni *hine ja ululi. Yami Yehova Zambi yenu yoze wanuchijile ku chifuchi cha Engitu.

Alevi 23:43

Hanga akwa yisemuko yenu akanyingike chize yami natwamishine A-Izalele mu yisakila muze naachijile ku chifuchi cha Engitu. Yami Yehova Zambi yenu.

Alevi 25:38

Mumu yami Yehova Zambi yenu. Nanuchijile ku chifuchi cha Engitu ngukanwehe chifuchi cha Kanana, ngukapwe Zambi yenu.

Alevi 25:42

Mumu o anapu tuvumbi twami waze nachijile ku chifuchi cha Engitu, kashika kanda nwalanda ngwe ndungo.

Alevi 25:55

Mumu A-Izalele, o tuvumbi twami. O hapwa tuvumbi twami waze nachijile ku chifuchi cha Engitu. Yami Yehova Zambi yenu.

Alevi 26:1

Kanda nulilingila tuponya. Kanda numika kulifwa chimwe cha kwola hanji liwe limwe. Kanda numika liwe lia kwola mu chifuchi chenu. Kanda nulihetamina ku yino yuma mumu yami Yehova Zambi yenu.

Alevi 26:13

Yami Yehova Zambi yenu. Nanuchijile ku chifuchi cha Engitu hanga nukatusuke ku upinji wo. Namakwine mitondo ya kúli jenu. Nanwendesele nikwoloka.

Amose 2:10

Chikwo nawa nanuchijile mu chifuchi cha Engitu nikungongwela mu puya makumi awana a miaka hanga nukatunge chifuchi cha A-Amore.

A-ROMA 10:12

Mumu kulipwila chakuhi mukachi ka A-Yunda ni A-Ngresia, nichimwe: mumu Mwene-umuwika, mwe Mwene wa eswe, kakuyukisa waze eswe akutambika kuli iye:

A-ROMA 3:29

Zambi, Zambi ya A-Yunda wika, nyi? Kapwile Zambi ya akwa mavungu nawa, nyi? Ewa, iye Zambi ya akwa mavungu nawa:

Shimbi 13:10

Umwase mawe, afwe, mumu iye te wafupile kukuhambulwisa kuli Yehova Zambi ye wakuchijile mu chifuchi cha Engitu, ku zuwo lia upinji.

Shimbi 15:15

Wiwuluke ngwami, Ena wapwile kapinji mu chifuchi cha Engitu, Yehova Zambi ye yakukula. Kashika ngunakwambe chuma chino musono.

Shimbi 20:1

Muze munutuhuka mukwasa jita ni akwa kole jenu, ha kumona tuvwalu, ni matemba, ni atu amwe ananuhiana ha kwoka, kanda nwavwila woma; mumu Yehova Zambi yenu kwali hamwe ni yenu, iye wanuchijile mu chifuchi cha Engitu.

Shimbi 5:15

Iwuluka ngwami, Wapwile kapinji mu chifuchi cha Engitu, Yehova Zambi ye yakuchizamo ni kwoko lia ndundo, ni kwoko lia kwolola, kashika Yehova Zambi ye yakwamba ngwenyi, Ufunge tangwa lia Sambata.

Shimbi 5:6

Zambi yamba ngwenyi, Nakuchijile mu chifuchi cha Engitu, ku zuwo lia upinji, yami Yehova Zambi ye.

Shimbi 7:8

Alioze mumu te Yehova kanuzanga yenu, chikwo nawa, iye anazange kufunga liji lia shingo alishingile nalio kuli tulamba twenu, Yehova hananuchiza ni kwoko lia ndundo, hananukula ku zuwo lia upinji, ku kwoko lia Falau, mwanangana wa Engitu.

Akwa Kuyula 2:1

Mba mungelo wa Yehova yakatuka ku Ngilingali yaya ku Mbokimi. Yamba ngwenyi, Nanuchijile ku Engitu; yingunu-neha ku chifuchi chino nalakenyene ni shingo kuhana kuli tulamba twenu. Yingwamba ngwami, Chichi kutangula usendo hakachi ka yenu ni yami.

Akwa Kuyula 6:10

Nanwambile ngwami, Yami Yehova Zambi yenu, kashika kanda nulemesa mazambi ja A-Amore nwatwama mu chifuchi cho. Alioze kunwapanjikile ku liji liami.