Kutuhuka 2:5 - MUKANDA USANDU WA ZAMBI 1975

⁵ Mwana wa Falau wa pwo wapalumukine ku lwiji mukusana, mba akwa manda jenyi ja mapwo endele ku mbumbulu ya lwiji. Mwana wa Falau yamona ke kawato hakachi ka mbungu mba yatuma mukwa manda wenyi wa pwo akasake.

Mukanda Wa Zambi 1970

⁵ Mwana wa pwo wa mwanangana yapalumuka ku lwiji ni kusana, muze te tuvumbi twenyi a mapwo anendangana ku mbumbulu ya lwiji. Mwe mwana wa mwanangana yamona ke kamutonga mu mbungu, mba yatuma umwe mwana pwo amwanjile ko.

Kutuhuka 2:5 Iomraidhean Croise

1 Yitanga Ya Mianangana 17:6

Mba yikwakwalo yamunehena mbolo ni yifwo ha chimene, ni mbolo ni yifwo ha ngoloshi. Yanwina meya ku chitwetwe.

Miaso (Masamu) 12:5

Yehova kanambe ngwenyi, Mumu ha lamba lia mukwa luyinda, ha mikuma ya chiswale mungukatuka haliapwila. Mungumusela homa hawape haze iye akufupa nikuhwimashana.

Miaso (Masamu) 46:1

Zambi iye uchinyino wetu ni tachi jetu; iye katwama hehi ni yetu, chikwashi mu lamba.

Miaso (Masamu) 76:10

Chamwenemwene ufwatulo wa atu muwiza kukuhalisa. Ufwatulo wasalaho mukalijichikawo.

Miaso (Masamu) 9:9

Yehova kumakapwa kaposhi wa kuswamina hali waze akumona yihungumiona; kumakapwa chiswamo ha matangwa a lamba.

Kutuhuka 2:6

Muze akapakwile yamonamo mwe mwana, kumanyi kanalili. Yamuvwila keke, ngwenyi, Au mwana wa umwe Ka-Hepreu.

Kutuhuka 7:15

Ha chimene ukahete kuli Falau, muze iye maya ku lwiji ukamane ku mbumbulu ya lwiji, ukaliwane nenyi, mba we mulumbu uze unakalumuka kapela, ukwate mu kwoko lie.

Kutuhuka 8:20

Yehova yamba kuli Mose ngwenyi, Ulimeneke ha chimene umane kumeso ja Falau. Iye kumatuhuka akaye ku lwiji, umwambulwile ngwe, Chocho anambe Yehova ngwenyi, Echa atu jami aye, akangulingile.

Yishima 21:1

Mbunge ya mwanangana yapwa mu kwoko lia Yehova ngwe chitwetwe cha meya, kakuyitalikisa kweswako mazanga.

Yona 1:17

Yehova yalulika yishi munene akamine Yona. Yona yatwama mu jimo lia yishi matangwa atatu ni ufuku utatu.

Yona 2:10

Mba Yehova wahanjikile ni mwe yishi. Yasajila Yona hashi homu.

Yilinga 7:21

mba muze amumbilile, mwana Falau wa pwo wamwanjile, wamulelele hanga akapwe mwanenyi.