Kutuhuka 2:23 - MUKANDA USANDU WA ZAMBI 1975

²³ Ha kupalika miaka yize yinji mwanangana wa Engitu yafwa. Mba A-Izalele afwile mikuma mumu ha mukunda wa upinji; atetele, mba muteto wo wahetele kwilu kuli Zambi, mumu ha mukunda wa upinji.

Mukanda Wa Zambi 1970

²³ Miaka yinji yabalikile, mba mwanangana wa Egiptu yafwa. Aisraele yeevwa kubiha ha undungo wo, yaalila chikolo, ni kulila cho yichiheta ku matwi ja Zambi.

Kutuhuka 2:23 Iomraidhean Croise

Ubutukilo 16:11

Mungelo wa Yehova yamba kuli iye nawa ngwenyi, Tala ufumba uli nawo. Kumukasema mwana wa lunga, ukamuluke jina lienyi, Ishemali, mumu Yehova hapanjika ku luyinda we.

Ubutukilo 4:10

Yehova yamba ngwenyi, Yika walinga? Liji lia manyinga a mwanakwenu linatete hashi kuli yami.

Nehemia 9:9

Wamwene luyinda wa tulamba twetu mu Engitu; wevwile muteto wo ku Kalunga-lwiji Muchila.

Jobe 35:9

Atu kakulitetwola mumu ha kwoka yihungumiona; kakusanyika chikwashi mumu ha kwoko lia mukwa tachi.

Miaso (Masamu) 102:1

Yehova, ivwa kama kulemba chami; muteto wami ukanjile kuli yena.

Miaso (Masamu) 102:2

Kanda unguswekela meso ha tangwa lia luyinda wami. Hetamisa twitwi lie kuli yami. Ha tangwa lize mungutambika ungukumbulule kawashi.

Miaso (Masamu) 12:5

Yehova kanambe ngwenyi, Mumu ha lamba lia mukwa luyinda, ha mikuma ya chiswale mungukatuka haliapwila. Mungumusela homa hawape haze iye akufupa nikuhwimashana.

Miaso (Masamu) 18:6

Mu luyinda wami natambikile Yehova, natetele kuli Zambi yami. Mu tembele yenyi wevwile liji liami; muteto wami wahetele kuli iye, mwe mu matwi jenyi.

Kutuhuka 1:14

Yaashata milimo yikalu ya ndambo, ni ya tijolo, ni ya milimo yeka ni yeka ya mu minda. Yaalingisayo yeswe ni uswi.

Kutuhuka 4:19

Yehova yamba kuli Mose mu Mindiane ngwenyi, Yako ukahiluke ku Engitu, mumu malunga eswe afupile kukushiha hanafu.

Kutuhuka 6:5

Chikwo nawa hinevwa mikuma ya A-Izalele hanaakase kuli A-Engitu mu upinji. Hinewuluka usendo wami.

Kutuhuka 6:9

Mose wahanjikile chocho ni A-Izalele alioze kapanjikile kuli Mose mumu ha kulipupula cha mbunge, ni mumu ha upinji ukalu.

Kutuhuka 7:7

Muze o ahanjikile ni Falau Mose wapwile ni makumi nake a miaka ni Arone makumi nake a miaka ni miaka yitatu.

Izaya 19:20

Kumulikapwa chilayi kanda Shindakenyo hali Yehova-wa-Tujita mu chifuchi cha Engitu. Muze makateta kuli Yehova mumu hali akwa kupinjisa iye kumakaatuma chilamwina, yoze maafunga nikwapulula.

Izaya 5:7

Mumu munda wa uva wa Yehova-wa-Tujita we munyachi wa Izalele, ni malunga a Yunda kapwa wande wenyi upema. Yafupa upatwilo wa kulita, alioze yawana manyinga a kumwanga; yafupa ululi, kumanyi yevwa muteto wika!

Kwalula 20:16

Muze twatetele kuli Yehova, iye yevwa liji lietu, yatuma mungelo, yatuchiza ku Engitu; kumanyi ku Kandeshe tuli, ku limbo liatwama ku songo lia njiza je.

Yilinga 7:30

Muze makumi awana a miaka amanunukine, mungelo wa Mwene wasolokele kuli iye mu puya ya mulundu wa Sinai, mu mulengi wa kahia mu chiputa.

Shimbi 24:15

Numwehe fweto yenyi tangwa ha tangwa, shimbu tangwa kanda litoka mumu iye chiswale, kanaselako mbunge yenyi, kuchina mateta kuli Yehova mumu hali yenu, mba muchipwa mulonga kuli yenu.

Tiangu (Jake) 5:4

Talenu, fweto ya akwa milimo jenu waze hanachi minda yenu, yize nwaalimwine, kuyakuteta; ni miteto ya waze hanachi hiyinanjila mu matwi ja Mwene wa yizavu ya tujita.

Akwa Kuyula 4:3

Mba A-Izalele atetele kuli Yehova aakwase, mumu Sisera wapwile ni kulakaji livwa a matemba-a-jita a utale; yapinjisa A-Izalele ni uswi makumi aali a miaka.

1 Samuel 12:8

Muze Yakomba wayile ku Engitu ni tulamba twenu atetele kuli Yehova henaho Yehova yatuma Mose ni Arone. O yachiza tulamba twenu ku Engitu, yaatungisa mu chifuchi chino.

1 Samuel 9:16

Hamene, ha ola yino, mungukutuma umwe lunga wa ku chifuchi cha Mbenjamine, ukamuwayise akapwe kasongo ka atu jami A-Izalele. Iye makalamwina atu jami ku moko ja A-Filistea, mumu hinatala atu jami se muteto wo hiwanguheta.