Kutuhuka 2:11 - MUKANDA USANDU WA ZAMBI 1975

¹¹ Ha matangwa aze Mose, muze te hakola, yaya kuli usoko wenyi, yatala yiteli yo. Yamona umwe Ka-Engitu kanalambe umwe Ka-Hepreu wa usoko wenyi.

Mukanda Wa Zambi 1970

¹¹ Limwe tangwa, muze Mose hakola, yaya ni kunangisa usoko wenyi Ahebreu. Yamona chize akwa Egiptu aalingishile milimo ni tachi. Yamona nawa umwe mukwa Egiptu kanashihi umwe Kahebreu.

Kutuhuka 2:11 Iomraidhean Croise

Kutuhuka 1:11

Kashika asele tupatashi mukwapinjisa ni yiteli. O yatungila Falau membo, Pitome ni Ramese, mukutulikilamo upite.

Kutuhuka 3:7

Yehova yamba ngwenyi, Chamwenemwene hinamona luyinda wa atu jami ali mu Engitu. Hinevwa muteto wo mumu ha mukunda wa tupatashi two; ngunanyingika yinyengo yo.

Kutuhuka 5:14

Mba tupita twa kuli A-Izalele waze aaselele aalambile kuli tupatashi twa Falau. Ambile ngwo, Kuchi te kunwahetesele milimo yenu ni ya zau ni ya musono kulinga tijolo ngwe kunyima?

Kutuhuka 5:4

Mwanangana wa Engitu yamba kuli ayo ngwenyi, Enu Mose ni Arone kuchi te nunachiza atu ku milimo yo? Yénu ku yiteli yenu.

Kutuhuka 5:5

Falau yamba ngwenyi, Haliapwila atu ali mu chifuchi hapwa anji, mba nunaahwimisa ku yiteli yo.

Kutuhuka 5:9

Twikenu malunga ni milimo yikalu yahiana akahondanganemo, kanda akapanjika maliji a mahuza.

Kutuhuka 6:6

Kashika amba kuli A-Izalele ngwe, Iye Yehova. Kumakanuchiza kushi lia yiteli ya A-Engitu; makanupulula ku upinji wo; makanukula ni kwoko lia kwolola ni yitanga yinene ya upatwilo.

Kutuhuka 6:7

Makanutambula nukapwe atu jenyi. Kumakapwa Zambi yenu. Enu kumunukanyingika ngwenu, Yehova Zambi yetu, iye mukwa kutuchiza kushi lia yiteli ya A-Engitu.

Izaya 58:6

Chize nakutongola yami ngwe tangwa lia kulitwamina kulia, ngwami, Kachi kujitula mihipu ya ungulungulu, kujitula yikapa ya kuli, kwecha akwa lamba atusuke, kumakuna kuli jeswe.

Mateu 11:28

Tweyenu kuli yami, yenu eswe nwakukilikita nikulemewa, ni yami kumungunuhwimisa.

Luka 4:18

Spiritu ya Mwene hwali hali yami, Mumu hananguwayisa ni maji kwambujola sango lipema kuli yiswale; Kuhindwisa waze akumakuka ku mbunge; Hanangutumu kwambujola utuswilo kuli funge, Kulawisa cha meso kuli tupuputa; Kutusula waze ali mu upinjilo.