Kutuhuka 18:9 - MUKANDA USANDU WA ZAMBI 1975

⁹ Yetoru yawahilila mumu ha utu weswe alingile Yehova kuli A-Izalele, mumu iye te haapulula ku moko ja A-Engitu.

Mukanda Wa Zambi 1970

⁹ Jetro yawahilila ha kwivwa yiwape yize Mwene Zambi alingilile Aisraele muze aapulwile mu moko ja akwa Egiptu.

Kutuhuka 18:9 Iomraidhean Croise

Izaya 44:22

Hinajimuna utanguko we ngwe lelwa. Hinajimuna milonga ye ngwe mbundu. Hiluka kuli yami mumu nakukulile.

Izaya 44:23

Enu malilu, imbenu, mumu Yehova hanachilingi; kololoka ena hashi uli mushi; enu milundu putukenu kwimba; ni yenu usaki ni mitondo yeswe yilimo! Mumu Yehova hakuta Yakomba, kumakawana uhenya muli Izalele.

Izaya 63:7

Mungwambulula utu wa zango lia Yehova. Mungwambulula uhaliso wa Yehova, nikulita ni yuma yeswe Yehova hatwaha, ni yipema yize yinene hahana ku munyachi wa Izalele, yize haaha nikulita ni keke yenyi, nikulita ni kulumbama cha utu wa zango lienyi.

Izaya 66:10

Enu nwakuzanga Yerusaleme, likwizenu nenyi nu wahilile hamuwika nenyi. Enu eswe nwakumulilila mbimbi likwizenu hamwe nenyi ni uwahililo,

A-ROMA 12:10

Ha kufwila cha mandumbu, lifwilenu ni utu umwe kuli mukwo ni mukwo; ha ulemu, eswe akaliange kuulweza kuli mukwo.

A-ROMA 12:15

Wahililenu hamwe ni waze akuwahilila; lilenu hamwe ni waze akulila.

1 Korintu 12:26

Chipwe chihanda chimwe muchivwa lamba, yihanda yeswe muyivwa lamba hamuwika nacho; hanji kachi malemesa chihanda chimwe, yihanda yeswe muyiwahilila hamuwika nacho.

1 Samuel 15:6

Saulu yamba kuli A-Kene ngwenyi, Katukenu, yenu nutuhuke hakachi ka A-Amaleke kuchina mungunwonwona hamuwika. Mumu yenu nwalingile ni vumbi kuli A-Izalele eswe muze akatukile ku Engitu. Chocho A-Kene yakatuka hakachi ka A-Amaleke.