Kutuhuka 18:1 - MUKANDA USANDU WA ZAMBI 1975

¹ Yetoru, sasendote ya A-Mindiane, tato-weno ya Mose yevwa yuma yeswe Zambi halingila Mose ni A-Izalele atu jenyi, ngwe Yehova hanachiza A-Izalele ku Engitu.

Mukanda Wa Zambi 1970

¹ Jetro, hako wa mu chifuchi cha Midiane, Ukwe wa Mose, yevwa yeswe yize Mwene Zambi halingila Mose ni Aisraele muze atuhukile mu chifuchi cha Egiptu.

Kutuhuka 18:1 Iomraidhean Croise

Miaso (Masamu) 105:43

Wachijileko atu jenyi ni uwahililo. Waze waatongwele waachijileko ni miaso.

Miaso (Masamu) 105:5

Iwulukenu yilinga yenyi ya kukomwesa yize hanalingi, ni yipupu yenyi, ni upatwilo wa mu kanwa lienyi;

Miaso (Masamu) 106:2

Iya mahasa kuvuluka yilinga ya ndundo ya Yehova, hanji kusolola uhaliso wenyi?

Miaso (Masamu) 34:2

Mbunge yami muyilisamba muli Yehova; yimbovu machivwa, mawahilila.

Miaso (Masamu) 44:1

Zambi, hitunevu ni matwi jetu, akaka hanatwambulwila yitanga yize walingile ha matangwa jo, ha matangwa a shakulu.

Miaso (Masamu) 78:4

Kutuchi kuyisweka kuli ana jo. Mutwambulula ku chisemuko chize chinezaho uhaliso wa Yehova, ni tachi jenyi, ni yitanga yenyi ya kukomwesa yize hanalingi.

Kutuhuka 2:16

Sasendote ya A-Mindiane wapwile ni anenyi a mapwo shimbiali. O yeza mukutaha meya. Yazalisa nawa yingolongolo akanwise yimuna ja tato.

Kutuhuka 2:18

Muze ahetele kuli tato Reuele, iye yamba ngwenyi, Kuchi nweza washi musono?

Kutuhuka 2:21

Mba chawahilile Mose kutwama ni mutu yoze. Yahana kuli Mose mwanenyi wa pwo Zepora.

Kutuhuka 3:1

Mose wafungile mapanga ja tatoweno Yetoru, mwe sasendote wa A-Mindiane. Yatwala mapanga mu sali lia puya. Yaheta ku Horepe, mulundu wa Zambi.

Kutuhuka 4:18

Mose yahiluka kuli tato-weno Yetoru Yamba kuli iye ngwenyi, Ungutayize kama ngukahiluke kuli akwetu mu Engitu, ngukatale shina achili ni mwono nyi ka. Yetoru yamba kuli Mose ngwenyi, Uye kanawa

Kutuhuka 6:6

Kashika amba kuli A-Izalele ngwe, Iye Yehova. Kumakanuchiza kushi lia yiteli ya A-Engitu; makanupulula ku upinji wo; makanukula ni kwoko lia kwolola ni yitanga yinene ya upatwilo.

Jeremia 33:9

Ni chihunda chino kumuchikapwa kuli yami jina lia uwahililo, ni uhaliso, ni uhenya kumeso ja mavungu eswe a hashi waze mevwa yipema yize yeswe mungwalinga. O kumakevwa woma ni kuchikima mumu ha yipema yeswe ni kuwaha cheswe mungwalingila.

Zakaria 8:23

Yehova-wa-Tujita kanambe ngwenyi, Ha matangwa aze kumi lia malunga a ku mavungu ja malimi eswe makakwata ku hina lia mutu umuwika Ka-Yunda nikwamba ngwo, Tutayize kuya ni yena mumu hitwevwa lufuma ngwo, Zambi hwali hamwe ni yenu.

Kwalula 10:29

Mose yamba kuli Hobabe, mwana wa Reuele, Ka-Mindiane, tato-weno ya Mose ngwenyi, Mu wenyi tuli, tukaye ku chifuchi chize Yehova ambile ngwenyi, Mungunwahacho. Tweyenu hamwe ni yetu, mutunulinga kapema; mumu Yehova hanahanjika yipema ha kutwala kuli A-Izalele.

Yilinga 14:27

Muze te haheta, hakungulula akwa chikungulwila, ambulwile kuli ayo yuma yize yeswe Zambi walingile no, ngwe wazulwile pito lia Ufulielo kuli akwa mavungu.

Yilinga 15:12

Chizavu cheswe aholele kulungunga; o apanjikile kuli Mbarnavwe ni Paulu shimbu ambulwile ha kutwala ku yilayi ni yipekesa yize alingile Zambi hakachi ka akwa mavungu ku moko jo.

A-ROMA 15:18

Mumu chichi kahamuka kuhanjika ha yuma niyimwe shina yize alingile Kristu ku moko jami, mukwononwesa akwa mavungu ku maliji ni ku yitanga,

Yoshua 2:10

Mumu hitunevu chize Yehova womishine meya a Kalunga-lwiji Muchila kumeso jenu muze nwakatukile ku Engitu. Hitunevu nawa chize nwalingile kuli mianangana aali a A-Amore atwamine mu sali lia Yordau, ngwami, Sahone ni Oge waze nwanongesene wupu.

Yoshua 9:9

O yamukumbulula ngwo, Etu ngamba jenu ku chifuchi chisuku chikolo tunakatuka, mumu ha jina lia Yehova Zambi yenu. Mumu hitwevwa lufuma wenyi ni yuma yize yeswe alingile mu Engitu.

Akwa Kuyula 1:16

A-Kene, waze asemukine kuli tato-weno wa Mose, o akandukile hamwe ni A-Yunda katu ku chihunda cha mingaji ndo ku puya ya Yunda mu Negeve hakamwihi ni Arata. Akandukile nikutunga ni e atu.

Akwa Kuyula 4:11

Hepere Ka-Kene iye te halihandununa ni A-Kene aze asemukine kuli Hobabe tatoweno wa Mose. Hajika mbalaka yenyi kusuku kwe ku mutondo wa carvalho ku Zananime hakamwihi ni Kendeshe.