Kutuhuka 17:5 - MUKANDA USANDU WA ZAMBI 1975

⁵ Yehova yamba kuli Mose ngwenyi, Palika yena kulutwe lia atu, utwale makulwana amwe A-Izalele hamwe ni yena, ukwate nawa mu kwoko lie mulumbu we walambile nawo lwiji, ukaye.

Mukanda Wa Zambi 1970

⁵ Mwene Zambi yamwamba ngwenyi: “Katwisa amwe miata ja Aisraele, nutetekele kulutwe lia atu. Umbata nawa lukanda yoze walambile ha lwiji Nile.

Kutuhuka 17:5 Iomraidhean Croise

Miaso (Masamu) 74:15

Wapulile fuji lia meya ni sanga lia meya; womishine njiji jinene.

Kutuhuka 14:16

Zundula mulumbu we nikwolola kwoko lie ha kalunga-lwiji, umupule hakachi mba A-Izalele mazauka hashi homu mukachi ka meya.

Kutuhuka 3:16

Yako ukakungulule hamuwika makulwana a A-Izalele. Amba kuli ayo ngwe, Yehova, Zambi ya tulamba twenu, Zambi ya Apalahama, ni ya Izake, ni ya Yakomba, hanasoloka kuli yami ngwenyi, Pundu hinanutala, hinamona chize ananulingi mu Engitu.

Kutuhuka 3:18

O kumakapanjika ku liji lie, mba ni yena ni makulwana ja A-Izalele munukaheta kuli mwanangana wa Engitu, nukamwambulwile, ngwenu, Yehova Zambi ya A-Hepreu, heza kuli yetu, kashika utweche haliapwila tuye kama wenyi wa matangwa atatu mu puya, hanga tukalambule yitapo kuli Yehova Zambi yetu.

Ezekiel 2:6

Ni yena, mwana mutu, kanda wavwila woma, kanda wivwa woma wa maliji jo chipwe muopwa ni mikalale ni mbimbo; chipwe mutwama hakachi ka tuvwanda. Kanda uvwila woma maliji jo, chipwe kutatajala mumu ha kutala cho, mumu kapwa munyachi wa yihulia.