Kutuhuka 17:1 - MUKANDA USANDU WA ZAMBI 1975

¹ Chikungulwila cheswe cha A-Izalele ayile wenyi wo, chize ku puya ya Shini, chilombo ha chilombo nikulita ni liji lia shimbi ya Yehova, ndo yatunga chilombo cho ku Refwindimi. Kukwapwileko meya a kunwa niamwe.

Mukanda Wa Zambi 1970

¹ Chikungulwila cheswe cha Aisraele yaakatuka ku puya ya Sine, yaaya ni kututujoka nikulita ni liji lia Mwene Zambi. Mba yaasa musumba ku Refidime, alioze meya a kunwa te keeshiko.

Kutuhuka 17:1 Iomraidhean Croise

Kutuhuka 15:22

Mose watwalile A-Izalele chize ku Kalunga-lwiji Muchila, yanjila mu puya ya Shure. Yaya wenyi wa matangwa atatu mu puya. Kawanyinemo meya niamwe.

Kutuhuka 16:1

O nikukatuka ku Elime ayile wenyi wo. Chikungulwila cheswe cha A-Izalele yichiheta ku puya ya Shini yili mukachi ka Elime ni Sinai. Ha tangwa kumi ni liamuchitano lia kakweji wamuchiali, nikwalula ku tangwa lize akatukile ku chifuchi cha Engitu.

Kutuhuka 17:8

Henaho ahetele A-Amaleke. Yasa jita ni A-Izalele mu Refwindimi.

Kutuhuka 19:2

Muze te hakatuka ku Refwindimi haheta ku puya ya Sinai, yajika mbalaka jo ku puya. Kwe kuze kulutwe lia mulundu A-Izalele yatunga chilombo.

Kwalula 20:2

Kukwapwile meya niamwe ha chikungulwila, mba o yalikungulula nikulimika ni Mose ni Arone.

Kwalula 9:17

Muze lie lelwa liakatukile ha mbalaka mba A-Izalele endele. Kuze kwatulile lie lelwa kwenako asele chilombo cho.

Kwalula 9:23

Ku liji lia shimbi ya Yehova o asele chilombo cho; ku liji lia shimbi ya Yehova o endele. Afungile ulayilo wa Yehova, ku liji lia shimbi ya Yehova, kwe ku kanwa lia Mose.