Kutuhuka 16:7 - MUKANDA USANDU WA ZAMBI 1975

⁷ Mba muze mu kucha kumunukamona ulemu wa Yehova, mumu iye kanevu kulinyenyeta chenu ni Yehova. Yetu aya? Munulinyenyeta ni yetu nyi?

Kutuhuka 16:7 Iomraidhean Croise

Izaya 40:5

Ni uhenya wa Yehova kumakausolola, ni musunya weswe maumona hamuwika, mumu ka nwalia Yehova hilinachambe.

Kwalula 16:11

Kashika ni yena ni mbunga ye yeswe nunakunguluka nikulimika ni Yehova. Arone kuchi apwa, nunalinyenyeta hali iye?

Yoano 11:40

Yesu yamba kuli iye ngwenyi, Chambile kuli yena ngwami, Kachi mufuliela kachi mumona uhenya wa Zambi, nyi?

Yoano 11:4

Alioze muze Yesu achivwile, wambile ngwenyi, Kuyiza chino hi cha kufwa ko, alioze cha kuneha uhenya kuli Zambi, hanga akachichimieke nacho mwe Mwana Zambi.

Izaya 35:2

Kumuyikatemuna nikulumbama nikuwahilila ni chiseke ni kwimba. Mahanako uhenya wa Lebano, ni ulamba wa Karmela ni Sharone. Kumakamona uhenya wa Yehova ni ulamba wa Zambi yetu.

Kutuhuka 40:34

Mba lelwa yilifuka ye mbalaka ya chikungulwila. Ye tabernakulu yiyizala ni uhenya wa Yehova.

Kutuhuka 16:10

Chocho shimbu Arone machihanjika ni chikungulwila cheswe cha A-Izalele, o yatala ku puya, kumanyi ulemu wa Yehova te unasoloka mu lelwa.

Kwalula 16:42

Muze te chikungulwila muchikunguluka nikulimika ni Mose ni Arone, yatala ku mbalaka ya chikungulwila; kutala, lie lelwa linayifuku, ulemu wa Yehova kuunasoloka.

Kwalula 14:10

Alioze chikungulwila cheswe yamba ngwo, Twasenu mawe. Ulemu wa Yehova yiusoloka mu mbalaka ya chikungulwila kuli A-Izalele eswe.

Kwalula 14:27

Ndo mwiji muka mungulihumikiza ni chikungulwila chino chipi? Kakulinyenyeta ni yami. Kunevwa kulinyenyeta cha A-Izalele chize alinyenyeta ni yami.

Kutuhuka 24:16

Uhenya wa Yehova Watwamine ha mulundu wa Sinai. Lie lelwa yiliufuka ha matangwa asambano. Ha tangwa liamuchishimbiali iye yatambika kuli Mose ni liji yilituhuka muchima lia lelwa.

Kutuhuka 24:10

O yamona Zambi ya A-Izalele. Kushi lia yiliato yenyi kwapwile ngwe mawe a safwira a kwala, zwalala lume ngwe mwilu.

Alevi 9:6

Mose yamba ngwenyi, Chino che chuma Yehova wanutumine mba ulemu wa Yehova muusoloka kuli yenu.

Kutuhuka 16:12

Kunevwa kulinyenyeta cha A-Izalele, hanjika no ngwe, Ha chingoloshi munukalia yifwo mba muze mu kucha, kumunukakuta ni mbolo. Munukanyingika ngwenu, Mwe Yehova, Zambi yetu.

Kutuhuka 16:8

Mose yamba ngwenyi, Muze ha chingoloshi Yehova makanwaha yifwo nukalie; mba ha kucha mbolo nukakute mununyingika Yehova kanevu kulinyenyeta chenu ni iye. Yetu aya kevwe? Kunwalinyenyetene ni yetu, ka, alioze ni Yehova.

Kwalula 17:5

Muchikapwa, mulumbu wa mwe mutu mungukatongola muusokoloka. Mba kulinyenyeta cha A-Izalele chize alinyenyeta hali yena mungukachiholesa kumeso jami.