Kutuhuka 16:3 - MUKANDA USANDU WA ZAMBI 1975

³ A-Izalele yamba kuli ayo ngwo, Kachi twafwile ni kwoko lia Yehova mu chifuchi cha Engitu muze twatwamine ku ndeho ja yifwo, muze twalile nikukuta. Mumu yenu hinwatuhetesa ku puya yino mukushiha ni zala chikungulwila chino cheswe.

Mukanda Wa Zambi 1970

³ “Te chinalite kachi Mwene Zambi watushihilile kwetu mu Egiptu. Kuze te twakulia yenga yinazala ni yifwo, ni kukuta ngwe chize tunazange. Alioze hinwatuneha muno mu puya, hanga tufwe kwetu ni zala.”

Kutuhuka 16:3 Iomraidhean Croise

2 Samuel 18:33

Mwanangana wapinjile chikolo mu mbunge. Yaya ku chipatulo chili helu lia chikolo cha chihunda nikulila. Shimbu machiya yamba ngwenyi, Mwanami Absalome! Mwanamie, mwanami Absalome! Mu jina lia Zambi kachi nakufwilile! Absalome mwanami, mwanamie-e-e!

Jobe 3:1

Mba Jo yapakula kanwa lienyi; yashinga tangwa lia kusemuka chenyi.

Jobe 3:10

mumu kuliayikile jimo lia mama nikunguswekela lamba ku meso jami.

Jobe 3:20

Mukwa huli kuchi te kakumwaha pangu? Waze anevu kusasa mu mbunge kuchi te kakwaaha mwono?

Miaso (Masamu) 107:5

Ha kwivwa zala ni pwila mbunge jo muchima jalezumukine.

Miaso (Masamu) 78:19

Ewa, ahanjikile cha kulimika ni Zambi. Ambile ngwo, Te Zambi mahasa kutwalila mesa mu puya?

Miaso (Masamu) 78:25

Atu alile kulia cha akwa ndundo. Waahele kulia cha kulumbama.

Kutuhuka 14:11

O ambile kuli Mose ngwo, Te ku Engitu mafuka keshiko nyi, kashika hiwatuchiza, tukafwile muno mu puya? Kuchi te watulinga chize, ha kutuchiza ku Engitu?

Kutuhuka 17:3

Kwe kuze atu evwile pwila ya meya. E atu yalinyenyeta ni Mose ngwo, Kuchi te watuchijile ku Engitu? Mukutushiha ni pwila, ni ana jetu ni yimuna jetu nyi?

Kutuhuka 2:23

Ha kupalika miaka yize yinji mwanangana wa Engitu yafwa. Mba A-Izalele afwile mikuma mumu ha mukunda wa upinji; atetele, mba muteto wo wahetele kwilu kuli Zambi, mumu ha mukunda wa upinji.

Kutuhuka 5:21

Yamba kuli ayo ngwo, Yehova anutale. Iye apatule mumu hinwatunukisa ni vumba lipi kumeso ja Falau ni kumeso ja ngamba jenyi ha kuhana katana mu kwoko lio akatushihe.

Jeremia 2:6

Kambile ngwo, Yehova kuli ali? Yoze watuchijile ku chifuchi cha Engitu, watusongwelele mu puya, mu chifuchi cha kango ni mena, mu chifuchi cha pwila ni milima pwi, mu chifuchi kuze niumwe mapalikamo, niumwe matwamamo.

Jeremia 42:14

nikwamba ngwenu, Hi chocho ko, kumutuya ku chifuchi cha Engitu, kuze kutuchi kamona jita, hanji kwivwa liji lia chitavwi, hanji kwivwa zala ya mbolo, kwenako mututwama.

Jeremia 44:17

Mutulinga yuma yize yeswe hitwalakenya ni shingo, kwochela insensu mwe mwanangana wa pwo wa malilu, ni kumuzujila milambu ya kunwa chizechene ngwe twalingile yetu ni tulamba twetu, ni mianangana jetu ni alemu Jetu mu yihunda ya Yunda ni mu matapalo ja Yerusaleme. Mumu ha miaka yize twapwile ni kulia cha kulumbama, twawahile, kutwamwene chipi.

Lungungu 4:9

Waze afwile ni katana muhapwa, waze afwile ni zala lamba amwene. O apokiekele, a kutuwa mumu ha kuhona mihuko ya ku mavu.

Kwalula 11:15

Nyi mulinga chocho kuli yami ungushihe haliapwila, nyi nawana vumbi kumeso je. Kanda ngumona lamba lino lia yami.

Kwalula 11:20

Alioze kakweji mweswe, ndo ye yifwo muyikatuhuka ku mazulu jenu. Kumuyikanusekela, se hinwalituna Yehova yoze watwama hakachi kenu, se hinwalila kumeso jenyi ngwenu, Yika te twakatukile ku Engitu?

Kwalula 14:2

A-Izalele eswe yalinyenyeta hali Mose ni Arone, akwa chikungulwila eswe yamba kuli ayo ngwo, Mala, kachi twafwile mu chifuchi cha Engitu; chipwe kachi twafwile muno mu puya yino!

Kwalula 14:3

Kuchi te Yehova hatuhetesa ku chifuchi chino, hanga atushihe ni katana nyi? Ni mapwo jetu ni ana jetu makapwa funge; Shinaho tuhilukenu ku Engitu?

Kwalula 16:13

Chamokomoko nyi, se watuchijile ku chifuchi kuze kunokela yamwa ni wuchi, ukatushihe mu puya, mba chatamba kulipwisa mwata wa yetu nawa nyi?

Kwalula 16:41

Mukwachako chikungulwila cheswe cha A-Izalele yalinyenyeta hali Mose ni hali Arone ngwo, Hinwashiha atu a Yehova.

Kwalula 21:5

Atu ahanjikile nikulimika ni Zambi, ni kulimika ni Mose ngwo, Kuchi te nwatuchijile ku Engitu? Kumanyi, tufwile mu puya nyi? Mumu kulia kuchishiko, ni meya akuhi. Mbolo yino yamokomoko, hiyatusekela.

Yilinga 26:29

Paulu wambile ngwenyi, Nyi chikepe nyi chinji, ngunazange kuli Zambi, hi yena wika ko, alioze waze eswe anangwivu tangwa lino akapwe chizechene ngwe yami, alioze malenge ano, ka.

1 Korintu 4:8

Kulu nwayuka, kulu kunwapwa pichi, yetu kutushiko mba nwapwa mianangana; ewa, ngunazange nukayule, ni yetu nawa tukayule hamwe ni yenu.

2 Korintu 11:1

Ngunazange nuhase kulihumikiza ni yami ni uzuzuke ukepe; alioze chamwenemwene nwakulihumikiza.

Shimbi 28:67

Ha chimene munwamba ngwenu, Kachi chingoloshi! Mba ha chingoloshi munwamba ngwenu, Kachi chimene! Mumu ha mwongo wa mbunge jenu munukawivwa, mumu ha yuma munukamona ni meso jenu.

Shimbi 8:3

Yanulelesa, yanumwesa zala, yanulisa maná enu kunwayinyingikine, chipwe akakenu kayinyingikine, hanga akanunyingikise ngwenyi, Mutu keshi kupwa ni mwono ha kulia wika, alioze ku yeswe yinatuhuka mu kanwa lia Yehova mutu matwama ni mwono.

Yoshua 7:7

Yoshua yamba ngwenyi, Lwangu! Mwene Yehova. Kuchi te unakazawisa wano atu Yordau? Ukatuhane ku moko ja A-Amore akatwonwone nyi? Kachi tunakahwima mbunge nikutwama mu sali lia Yordau!