Kutuhuka 16:1 - MUKANDA USANDU WA ZAMBI 1975

¹ O nikukatuka ku Elime ayile wenyi wo. Chikungulwila cheswe cha A-Izalele yichiheta ku puya ya Shini yili mukachi ka Elime ni Sinai. Ha tangwa kumi ni liamuchitano lia kakweji wamuchiali, nikwalula ku tangwa lize akatukile ku chifuchi cha Engitu.

Mukanda Wa Zambi 1970

¹ Chikungulwila cheswe cha Aisraele yaakatuka ku Elime. Mba ha tangwa kumi ni lia muchitano ha kakweji wa muchaali, chize kuze akatukile mu chifuchi cha Egiptu, yaaheta mu puya ya Sine. Puya yize yili hakachi ka Elime ni mulundu wa Sinai.

Kutuhuka 16:1 Iomraidhean Croise

Kutuhuka 12:51

Mba ha tangwa lize liene Yehova yachiza A-Izalele ku chifuchi cha Engitu nikulita ni yizavu yo.

Kutuhuka 12:6

Nukamukuchike ndo tangwa kumi ni liamuchiwana lia kakweji yoze mwene, mba chikungulwila cheswe cha A-Izalele akamushihe ha chingoloshi.

Kutuhuka 15:27

O ahetele ku Elime kuze kwapwile mafuji a meya kumi ni aali, ni makumi shimbiali a mingaji. Kwenako yatunga chilombo cho ku kulwa meya aze.

Kutuhuka 17:1

Chikungulwila cheswe cha A-Izalele ayile wenyi wo, chize ku puya ya Shini, chilombo ha chilombo nikulita ni liji lia shimbi ya Yehova, ndo yatunga chilombo cho ku Refwindimi. Kukwapwileko meya a kunwa niamwe.

Kutuhuka 19:1

Ha kakweji wamuchitatu muze te A-Izalele hatuhuka ku chifuchi cha Engitu, ha tangwa lize liene o yaheta ku puya ya Sinai.