Kutuhuka 15:2 - MUKANDA USANDU WA ZAMBI 1975

² Yehova iye tachi jami ni mwaso wami. Iye hanapu ulamwino wami. Yono mwe Zambi yami. Kumungumuhalisa yono Zambi ya tata. Kumungumunangamisa.

Mukanda Wa Zambi 1970

² Mwene Zambi kali tachi jami ni mwaso wami, mwe chilamwina chami. Kali Zambi yami, mungumuhalisa. Kali Zambi ya tata yami, mungumulemesa.

Kutuhuka 15:2 Iomraidhean Croise

Ubutukilo 17:7

Kumungukakolesa usendo wami hakachi ka yami ni yena ni munyachi we kulutwe lia yena ku yisemuko yo ukapwe usendo wa mutolo, ngukapwe Zambi kuli yena ni kuli akwa munyachi we kulutwe lia yena.

Ubutukilo 49:18

Yehova, ngunatwaminyina ulamwino we.

2 Samuel 22:3

Zambi iye liwe liami lia tachi, muli iye munguswama. Iye lukepwe wami, ni mbinga ya ulamwino wami, ni kaposhi kami musuku, ni chiswamino chami; chilamwina chami, wakungulamwina ku upupilo.

2 Samuel 22:47

Yehova katwama ni mwono; liwe liami afumane. Zambi ya liwe lia ulamwino wami anangame.

2 Samuel 22:51

Iye kakuhana ulamwino unene kuli mwanangana wenyi; kakusolola utu wa zango lienyi kuli yoze hamuwayisa, kuli David ni ku munyachi wenyi ku miaka ya mutolo.

2 Samuel 7:24

Walikoleselele vungu lie lia Izalele akapwe atu je a miaka yeswe. Yena Yehova walipwishile Zambi yo.

2 Samuel 7:5

Yako uambulwile kavumbi kami David ngwe, Yehova kanambe ngwenyi, Te unazange kungutungila zuwo lia kutwamamo, nyi?

1 Yitanga Ya Mianangana 8:13

Ami hinakutungila zuwo ukatwamemo muma mwe mwa kutwama ndo ku miaka ya mutolo.

1 Yitanga Ya Mianangana 8:27

Alioze pundu, Zambi matwama hano hashi nyi? Chipwe lilu ni lilu lia malilu kuliakutele. Mba zuwo lino hinakutungila kuchi?

1 Sango Ja Mianangana 16:14

Iye Yehova Zambi yetu, upatwilo wenyi waya hashi heswe.

Miaso (Masamu) 109:1

Zambi uhaliso wami, kanda uhola kama.

Miaso (Masamu) 118:14

Yehova iye tachi jami ni mwaso wami. Iye hanapu ulamwino wami.

Miaso (Masamu) 118:21

Mungukusakwilila mumu wangukumbulwile. Hiunalumuka ulamwino wami.

Miaso (Masamu) 118:28

Yena uli Zambi, yami mungukusakwilila. Uli Zambi yami, mungukunangamisa.

Miaso (Masamu) 132:5

ndo hinawana muma mwa Yehova; tabernakulu ja Mukwa-Ndundo wa Yakomba.

Miaso (Masamu) 140:7

Zambi Yehova, yena tachi ja ulamwino wami, hiunangufuku mutwe wami ha tangwa lia jita.

Miaso (Masamu) 145:1

Mungukuchichimieka, ena Zambi yami, mwanangana. Mungufumanyisa jina He ku miaka yeswe ya mutolo.

Miaso (Masamu) 18:46

Yehova katwama ni mwono; liwe liami, afumane. Zambi ya ulamwino wami anangame.

Miaso (Masamu) 22:10

Nalimbilile hali yena chize ku jimo; yena uli Zambi yami chize ku jimo lia mama.

Miaso (Masamu) 22:3

Alioze yena uli musandu, yena watwama hakachi ka uhaliso wa Izalele.

Miaso (Masamu) 27:1

Yehova iye pangu liami ni ulamwino wami. Iya mungumuvwila woma? Yehova iye tachi ja mwono wami. Iya mungumuvwila woma?

Miaso (Masamu) 28:8

Yehova iye tachi jo; iye mbonge ya ulamwino kuli yoze hanamuwayisa ni maji.

Miaso (Masamu) 30:1

Mungukwalakana, yena Yehova, mumu hiwanguzundula; kwatayijile akwa kole jami kunguseha.

Miaso (Masamu) 34:3

Chichimiekenu Yehova hamwe ni yami, tunangamisenu jina lienyi hamuwika.

Miaso (Masamu) 48:14

Mumu Zambi yono Zambi yetu ndo ku miaka yeswe ya mutolo. Iye kumapwa kasongo ketu ndo ku kutwa.

Miaso (Masamu) 59:17

Kuli yena, tachi jami, mungwinba uhaliso, mumu Zambi iye kaposhi kami, Zambi ya keke yami.

Miaso (Masamu) 68:20

Zambi hapwa kuli yetu Zambi ya kupulula. Kutuhuka mu kufwa chapwa cha kuli Yehova mwe Mwene.

Miaso (Masamu) 99:5

Nangamisenu Yehova Zambi yetu. Wayilenu ku chitwamo cha yiliato yenyi, mumu iye musandu.

Miaso (Masamu) 99:9

Nangamisenu Yehova Zambi yetu, nukawayile ku mulundu wenyi usandu, mumu Yehova Zambi yetu iye musandu.

Kutuhuka 14:13

Mba Mose yamba kuli e atu ngwenyi, Kanda nwivwa woma, manenu, numone ulamwino wa Yehova, manulingilawo musono. Mumu A-Engitu nwamona musono, kunuchi kwiza kwamona nawa nilimwe tangwa.

Kutuhuka 3:6

Chikwo nawa ngwenyi, Yami Zambi ya tatenu—Zambi ya Apalahama, Zambi ya Izake, Zambi ya Yakomba. Mose walifukile ku meso jenyi mumu te woma anevu mukutala hali Zambi.

Kutuhuka 4:22

Ukambe kuli Falau ngwe, Chocho anambe Yehova ngwenyi, Izalele iye mwanami; mwanami mutangu.

Kutuhuka 40:34

Mba lelwa yilifuka ye mbalaka ya chikungulwila. Ye tabernakulu yiyizala ni uhenya wa Yehova.

Kutuhuka 6:7

Makanutambula nukapwe atu jenyi. Kumakapwa Zambi yenu. Enu kumunukanyingika ngwenu, Yehova Zambi yetu, iye mukwa kutuchiza kushi lia yiteli ya A-Engitu.

Izaya 12:2

Zambi iye ulamwino wami, mungufuliela, chichi kwivwa woma; mumu Yehova, Yehova iye tachi jami ni mwaso wami. Iye hanapu ulamwino wami.

Izaya 25:1

Yehova, yena uli Zambi yami; mungukunangamisa, munguhalisa jina lie; mumu hiwalinga yikomokeso, yuma ya kufunjika kushi, yuma yamwenemwene, yuma ya pundu.

Izaya 45:17

Alioze Yehova kakulamwina A-Izalele ni ulamwino wa mutolo. Enu kunuchi kevwa sonyi chipwe kutatajala ku miaka ya mutolo.

Izaya 49:6

Yehova yono kanambe ngwenyi, Chalela naye hali yena ukapwe kavumbi kami wa kuhuzulula minyachi ya Yakomba, ni kuhilwisa kuli yami waze asala a kuli A-Izalele. Mungukupwisa nawa pangu ku mavungu hanga ulamwino wami ukahete ndo ku songo lia hashi.

Izaya 66:1

Yehova kanambe ngwenyi, Lilu liapwa ngunja yami, ni hashi chitwamo cha yiliato yami. Zuwo lize munungutungila lika? Kuma kwami kwa kuhwimina kuchi kwapwa?

Jeremia 3:23

Pundu mindundena yinapu ya kutwonga ni mizumbu ya ha milundu. Pundu, ulamwino wa Izalele uli muli Yehova Zambi yetu.

Jeremia 31:33

Alioze Yehova kanambe ngwenyi, Usendo mungukolesa ni munyachi wa Izalele kulutwe lia matangwa aze uno, Mungukasa shimbi yami muchima lio, ni kuyisoneka ha mbunge jo. Mungukapwa Zambi yo, no makapwa atu jami.

Jeremia 32:38

O kumakapwa atu jami ni yami kumungukapwa Zambi yo.

Habakuke 3:13

Yiutuhuka kulamwina atu je; kulamwina yoze wamuzujilile maji. Yiufwenya mutwe wa chingulungulu, nikumufukula chize ku shina lia kulu ndo ku kota. (Litulike)

Zakaria 13:9

Mba chino chihanda chamuchitatu mungukachisa mu kahia nikwapemesa chize atu kakupemesa prata. Mungukaeseka ngwe akweseka oru. Kumakatambika ha jina liami, mba mungukaakumbulula. Mungukamba ngwami, O atu jami. O makamba ngwo, Yehova iye Zambi yami.

Luka 1:77

Mukunyingikisa atu jenyi ulamwino ha ukonekeno wa milonga yo.

Luka 2:30

mumu meso jami hamona ulamwino we.

Yoano 4:22

Yenu nwakuwayila chize kunwanyingikine: yetu twakuwayila chize tunanyingika; mumu ulamwino wa kuli A-Yunda.

Yoano 5:23

hanga eswe akalemese mwe Mwana, chizechene ngwe akulemesa mwe Tata. Yoze keshi kulemesa mwe Mwana keshi kulemesa mwe Tata, yoze wamutumine.

Yilinga 4:12

Ulamwino wakuhi muli mukwo niumwe: mumu chipwe jina lieka liakuhi kushi lia lilu, nilimwe, lize hanalihana hakachi ka atu, chatutamba kulilamwina nalio.

2 Korintu 5:19

ngwetu, Zambi wapwile muli Kristu nikuwanyisa akwa hashi kuli iye mwene, kaasele milonga yo; iye hatukunjika lie liji lia uwanyino.

Efesu 2:22

Muli iye yenu nawa kunwatungiwa hamuwika kupwa zuwo lia Zambi muli Spiritu.

Shimbi 10:21

Iye uhaliso wenu; iye Zambi yenu, hananulingila yuma yino yinene, kole ni mwongo, meso jenu hanayimono.

Filipu 2:11

hanga malimi eswe akatayize ngwo, Yesu Kristu iye mwe Mwene, akachichimieke Zambi Tata.

Filipu 4:13

Kunahasa kulinga yuma yeswe muli yoze wakunguhashisa.

Kolosu 2:9

Mumu muli iye mwatwama kuzala tò cheswe cha Uzambi mu mujimba.

Usolwelo 15:3

O yemba mwaso wa Mose, ndungo ya Zambi, ni mwaso wa mwe Mwana-panga, ngwo, Yitanga ye yinene ni ya ku komwesa, Mwene Zambi ya Ndundo-Jeswe! Majila je amwenemwene ni a ululi, Mwanangana wa mavungu!

Usolwelo 19:1

Mba kulutwe lia yino yuma nevwile ngwe liji linene lia mbunga yinene mwilu, ngwo, Aleluya! Ni ulamwino, ni uhenya, ni tachi, ja mbala ja Zambi yetu.

Akwa Kuyula 5:21

Mba muhwiji wa Kishone waahungumwine. We muhwiji Ukulu; muhwiji wa Kishone. Mbunge yami, mba hiyaliata hali akwa ndundo!