Kutuhuka 13:9 - MUKANDA USANDU WA ZAMBI 1975

⁹ Chikapwe chilayi kuli yenu ha moko jenu ni Chiwulwiso mukachi ka meso jenu, hanga shimbi ya Yehova yikapwe mu makanwa jenu, mumu Yehova hananuchiza ku Engitu ni kwoko lia tachi.

Mukanda Wa Zambi 1970

⁹ Chiwanyino chino muchikabwa ngwe chibenya ha moko ni ha mahuma jenu, ha kwiwuluka chize Mwene Zambi atutuhwishile ni ndundo jenyi mu chifuchi cha Egiptu.

Kutuhuka 13:9 Iomraidhean Croise

Nehemia 1:10

Ngwami, Wano tuvumbi twe ni atu je hiwakula ni ngolo je ni kwoko lie lia tachi.

Miaso (Masamu) 136:11

Wachijile A-Izalele hakachi ko; mumu utu wa zango lienyi wa mutolo.

Miaso (Masamu) 136:12

Wachilingile ni kwoko lia tachi, ni kwoko lia kuzoza; mumu utu wa zango lienyi wa mutolo.

Miaso (Masamu) 89:13

Kwoko lia ndundo ukwete. Kwoko lia Hapwa lia tachi; kwoko lie lia chindume kulianangama.

Kutuhuka 12:14

Lino tangwa likapwe kuli yenu Chiwulwiso, lia kufunga chiwanyino cha Yehova. Ndusu yisemuko yenu munufunga chiwanyino chikapwe shimbi ya mutolo.

Kutuhuka 12:41

Mba ha kuhwa makulakaji awana a miaka ni makumi atatu a miaka, ha tangwa lize liene yizavu yeswe ya Yehova yakatuka ku chifuchi cha Engitu.

Kutuhuka 13:14

Muze manuhula kuli ana jenu kulutwe ngwo, Acho chika? Nukaambulwile ngwenu, Ni kwoko lia tachi, Yehova watuchijile ku Engitu ku zuwo lia upinji.

Kutuhuka 13:16

Chikapwe chilayi ha moko jenu ni cha kukashila hakachi ka meso jenu, mumu Yehova watuchijile ku Engitu ni kwoko lia tachi.

Kutuhuka 13:3

Mose yamba kuli atu ngwenyi, Iwulukenu lino tangwa muze nwakatukile ku Engitu, ewa ku zuwo lia upinji, mumu Yehova yanuchiza ku chihela chize ku tachi ja kwoko lienyi. Kanda nukalia mbolo niyimwe ya futunwiso.

Kutuhuka 3:20

Mungukolola kwoko liami, mungukalamba Engitu ni yikomokeso yami yeswe munguka-linga mukachi ko, mba kulutwe kuma-kanwecha kuya.

Kutuhuka 7:4

Hindu Falau kechi kuhalakana kuli yena. Mungulamba chifuchi cha Engitu, ngukachizeko yizavu yami, e atu jami A-Izalele, ku chifuchi cha Engitu, nikulinga upatwilo weka ni weka unene.

Yishima 1:9

mumu kumuyikapwa chipangula cha vumbi cha ha mutwe we ni malenge a uhenya a ha kota ye.

Yishima 3:21

Mwanami, funga mana angunu ni maseliekela, kanda uatayiza kukatuka ku meso je.

Yishima 7:23

Ndo mwivu muumutuwa mu liayi lienyi; ngwe kajila kakuhumuka ku kambwila, kanyingikine ngwenyi, Wa mwono wami.

Mwaso Ubema Wahiana 8:6

Nguse ngwe Chijikilo ha mbunge ye; ngwe Chijikilo ha kwoko lie; mumu zango Unalite ni ufwe ha tachi, ni uswi wa ukwa walita ni uze wa Shiole. Kuhenya chawo chapwa cha kahia; te mulengi wa tachi.

Izaya 27:1

Ha tangwa lize Yehova ni katana kenyi mukalu ni munene, wa tachi, makafwetesa Leviatanu mwe lunoka wa kuzomboka, Leviatanu mwe lunoka wa kulikonyekakonyeka; makashiha mwe ndragau yoze watwama mu kalunga-lwiji.

Izaya 40:10

Mwene Yehova kaneza ni ndundo, kwoko lienyi linamukwachila chiyulo. Kwononona chenyi kaneza nacho, fweto yenyi yinamutetekela.

Izaya 44:5

Umwe mamba ngwenyi, Ami nguli wa Yehova; mukwo maliluka jina lia Yakomba; mukwo masoneka ha kwoko lienyi, Wa mbala wa Yehova, ni kuliwezela jina likwo ngwenyi, Izalele.

Izaya 49:16

Tala, hinakwola ha mbanda-moko. Yipanga ye ya mawe kumeso jami yili matangwa eswe.

Izaya 51:9

Kwoko lia Yehova, laula, laula uzale tachi. Laula ngwe ha matangwa a shakulu, ha yisemuko ya kushi. Te hi yena ko watetele Rahape tuyipinji? Hi yena ko watuwile ndragau?

Izaya 59:21

Yehova kanambe ngwenyi, Ha kutwala kuli yami, usendo wami kuli ayo muupwa uno ngwami, Spiritu yami yoze watwama hali yenu ni maliji jami aze hinasa mu kanwa lienu kechi kakatuka mu kanwa lienu, chipwe mu makanwa ja ana jenu, chipwe mu makanwa ja ajikulu jenu chize ku tangwa lia musono ndo ku miaka ya mutolo. Chocho kanambe Yehova.

Jeremia 22:24

Yehova kanambe ngwenyi, Ni mwono wami ngwami, Chipwe Konia mwana Jehoakime mwanangana wa Yunda wapwa kazeya wa ha kwoko liami lia chindume, hindu mungunuchizaho

Daniel 9:15

Haliapwila kashika, Mwene Zambi yetu, yena wachijile atu je ku Engitu ni kwoko lia ndundo ni kufumanyisa jina lie ngwe tangwa lia musono; yetu hitwavulumuna, hitwalinga uhenge.

Joele 2:11

Mba Yehova kakuhanjika lundunjila kulutwe lia tujita twenyi. Mumu chizavu chenyi cha tujita chinene, ni waze mamanununa shimbi jenyi akwa tachi. Mumu tangwa lia Yehova linene; kole ni mwongo! Iya malihasa?

Kwalula 15:39

Jikapwe sapo kuli yenu hanga ha kutalaho nukewuluke maliji eswe a shimbi ja Yehova, nukaalinge, kuchina munukaula mbunge ja yenwene ni meso ja yenwene, yenayo nwakukaula ni kulinga ukoi.

Mateu 23:5

Yitanga yo yeswe kakuyilinga akamoneke kuli atu: mumu kakutohesa yipenya yo, kakutohesa mapula jo.

A-ROMA 10:8

Alioze kuchi unambe ngwo? Liji lili hehi ni yena, mu kanwa lie, ni mu mbunge ye: te liji lia Ufulielo lize twakwambujola:

Shimbi 30:14

Alioze liji lili hakamwihi chikolo ni yenu, mu makanwa jenu ni mu mbunge jenu, hanga nulilinge.

Shimbi 5:15

Iwuluka ngwami, Wapwile kapinji mu chifuchi cha Engitu, Yehova Zambi ye yakuchizamo ni kwoko lia ndundo, ni kwoko lia kwolola, kashika Yehova Zambi ye yakwamba ngwenyi, Ufunge tangwa lia Sambata.

Shimbi 6:21

Henaho nwambe kuli ana jenu ngwenu, Twapwile tupinji twa Falau mu Engitu, Yehova yatuchiza mu Engitu ni kwoko lia ndundo.

Shimbi 6:6

Maliji ano, ngunanwambe musono, akapwe ha mbunge jenu;

Shimbi 6:8

Nukaajichike ha moko jenu akapwe chilayi, akapwe a kukashila mukachi ka meso jenu.

Usolwelo 18:8

Kashika ha tangwa limuwika lamba lienyi kumulikeza, kufwa ni kunenganyana, ni kapunga; kumakamwocha ni kahia; mumu mukwa ngolo, Mwene Zambi yoze wakumupatwila.

Akwa Kuyula 2:12

nikwehuka Yehova, Zambi ya tulamba two yoze waachijile ku chifuchi cha Engitu. Akawile mazambi akwo hakachi ka mazambi a mavungu aajingilikile. Ahetamine kuli ayo nikwihia Yehova.