Kutuhuka 13:10 - MUKANDA USANDU WA ZAMBI 1975

¹⁰ Kashika nukafunge shimbi yino ha kakweji kayo mwaka ha mwaka.

Mukanda Wa Zambi 1970

¹⁰ Chiwanyino chino nukachilinga mwaka ha mwaka ha kakweji wacho.

Kutuhuka 13:10 Iomraidhean Croise

Kutuhuka 12:14

Lino tangwa likapwe kuli yenu Chiwulwiso, lia kufunga chiwanyino cha Yehova. Ndusu yisemuko yenu munufunga chiwanyino chikapwe shimbi ya mutolo.

Alevi 23:6

Mba ha tangwa kumi ni liamuchitano lia kakweji yomwene muhapwa chiwanyino kuli Yehova cha mbolo kuyishi futunwiso. Matangwa shimbiali munukalia mbolo kuyishi futunwiso.

Kutuhuka 23:15

Ukafunge chiwanyino cha mbolo kuyishi futunwiso. Ukalie mbolo kuyishi futunwiso matangwa shimbiali ngwe nakwambile, haze naselele ha kakweji ka Ambimbi, mumu ha yoze mwene yena wakatukile ku Engitu. Kanda akasoloka kumeso jami mokomoko.

Kutuhuka 12:17

Nukafunge chiwanyino cha mbolo kuyishi futunwiso mumu te ha tangwa lioliene hinachiza yizavu yenu ku chifuchi cha Engitu, kashika nukafunge lino tangwa ni shimbi ya mutolo ndusu yisemuko yenu.

Kutuhuka 12:42

Ufuku uze ufuku wa kufunga kumeso ja Yehova chinji ha kwakatwisa ku chifuchi cha Engitu. Awo ufuku wa Yehova akaufunge chikolo kuli A-Izalele eswe ndusu yisemuko yeswe.

Kutuhuka 13:5

Chikapwe muze Yehova makanuhetesa ku chifuchi cha A-Kanana, ni cha A-Hete, ni cha A-Amore, ni cha A-Hevwe, ni cha A-Yepushe, che chize alishingile kuli tulamba twenu mukunwaha, chifuchi kuze kunokela yamwa ni wuchi, ngwami, Ha kakweji yono mwene nukalinge uvumbiko uno.