Kutuhuka 12:3 - MUKANDA USANDU WA ZAMBI 1975

³ Hanjikenu ni chikungulwila cheswe cha A-Izalele ngwenu, Ha tangwa liamuchikumi lia kakweji yono lunga mweswe akalianjile mwana-panga, jiko lieswe mwana-panga, nikulita ni majiko ja atato.

Mukanda Wa Zambi 1970

³ Nulweza Chikungulwila cheswe cha Aisraele ngwenu: ‘Ha tangwa lia muchikumi lia kakweji yono, mutu mweswe akasakula mwana panga hanji mwana pembe mumu hali akwa zuwo lienyi, zuwo ni zuwo chimuna chimuwika.

Kutuhuka 12:3 Iomraidhean Croise

Ubutukilo 22:8

Apalahama yamba ngwenyi, Mwanami, Zambi kumakaliwanyina mwana-panga wa mulambu wa kulumba. Chocho ayile eswe ni aali hamuwika.

Ubutukilo 4:4

Abele neye yatwala tupula-jimo a mu chendo chenyi hamuwika ni maii jo. Yehova yalemesa Abele ni mulambu wenyi.

2 Sango Ja Mianangana 35:7

Josia yahana kuli ana ja atu ku matanga, ana-mapanga ni ana-pembe, eswe akapwe yitapo ya Chizomboka kuli atu eswe aliko; makumi atatu a tununu ni tununu atatu a kuji a ngombe. Wano apwile a ku yikumba ya mwanangana.

Kutuhuka 12:2

Kakweji yono makapwa kakweji wa kuputuka kuli yenu. Makapwa mutangu wa mwaka kuli yenu.

Kutuhuka 12:21

Mba Mose yasanyika makulwana eswe a kuli A-Izalele yamba kuli ayo ngwenyi, Sakulenu misamba jenu nikulita ni majiko jenu, nukashihe chitapo cha Chizomboka.

Kutuhuka 12:4

Nyi akwa jiko limwe mapwa akepe naye ha mwana-panga mba iye ni mwenyembo wenyi yoze walihata ni zuwo lienyi akatambule umwe nikulita ni kwalula cha atu jo, nukeseke ha mwana-panga nikulita ni chize mutu ha mutu malia.

Kutuhuka 12:6

Nukamukuchike ndo tangwa kumi ni liamuchiwana lia kakweji yoze mwene, mba chikungulwila cheswe cha A-Izalele akamushihe ha chingoloshi.

Kutuhuka 14:15

Yehova yamba kuli Mose ngwenyi, Kuchi te unatete kuli yami? Amba A-Izalele, asenye kulutwe.

Kutuhuka 20:19

O yamba kuli Mose ngwo, Hanjika yena ni yetu mba kumutwivwa, alioze Zambi kanda ahanjika kama kuchina mutufwa.

Kutuhuka 4:30

Arone walumbunwine maliji eswe Yehova te hanambe kuli Mose. Yalinga ye yilayi kumeso ja atu.

Kutuhuka 6:6

Kashika amba kuli A-Izalele ngwe, Iye Yehova. Kumakanuchiza kushi lia yiteli ya A-Engitu; makanupulula ku upinji wo; makanukula ni kwoko lia kwolola ni yitanga yinene ya upatwilo.

Ezekiel 40:1

Ha mwaka makumi aali ni wamuchitano wa unjize wetu, ha kuputuka mwaka, ha tangwa liamuchikumi lia kakweji, achi ha mwaka kumi ni wamuchiwana chize ku kupupa cha chihunda, he ha tangwa lume, kwoko lia Yehova liapwile hali yami.

Alevi 1:2

Amba kuli A-Izalele ngwe, Muze umwe mutu hakachi kenu matambula mulambu kuli Yehova, akatambule mulambu wenyi wa yimuna; hanji ngombe, hanji panga, hanji pembe.

Alevi 5:6

Akanehe kuli Yehova mulambu wa uhie ha mutonga uze havulumuna, chihwo wa ku chendo, chipwe panga chipwe pembe, akapwe mulambu ha shili. Mwe sasendote akamufukile shili yenyi.

Kwalula 15:11

Chocho nukalingile kuji mweswe wa ngombe, ni kuji mweswe wa panga, ni mwana-panga mweswe wa kuji, ni mwana-pembe mweswe.

Yoano 1:29

Muze hikwacha yamona Yesu kaneza kuli iye, neye yamba ngwenyi, Talenu mwe Mwana-panga wa Zambi, yoze machiza shili ya akwa hashi!

Yoano 1:36

iye watalile kuli Yesu shimbu anende, yamba ngwenyi, Talenu mwe Mwana-panga wa Zambi!

Yoano 12:1

Yesu kashika, matangwa asambano shimbu Chizomboka kanda chiheta, wejile ku Mbetaniya, kuze apwile Lazaru, yoze amuhindwishile Yesu hakachi ka afu.

Yoano 12:12

Muze hikwacha, mbunga yinene ya waze ejile ku chiwanyino, muze evwile ngwo, Yesu kaneza ku Yerusaleme,

1 Korintu 5:7

Lipemesenu, kashika futunwiso yikulu, yituhuke, hanga nukapwe mwaha waha, chizechene ngwe yenu nuli kunushi futunwiso. Mumu Chizomboka chetu nawa, iye Kristu, hanamulambula ngwe chitapo;

Yoshua 7:14

Kashika, ha kucha munukundama munyachi ni munyachi. Mba munyachi uze Yehova matongola, o makundama ku majimo jo, jimo ni jimo. Mba jimo lize Yehova matongola o makundama zuwo ni zuwo. Mba zuwo lize Yehova matongola o makundama mutu ni mutu.

Usolwelo 13:8

Ni akwa hashi eswe kumakamuwayila, mweswe jina lienyi kuliasonewene chize ku kusela cha fundamentu yo hashi, mu mukanda wa mwono wa mwe Mwana-panga, yoze hanamushihi.

1 Samuel 7:9

Kashika Samuel yanda mwanapanga machamwa yamulambula akapwe mulambu wa kulumba wa muwundu kuli Yehova. Samuel yahakwila A-Izalele kuli Yehova mba Yehova yamukumbulula.