Kutuhuka 12:2 - MUKANDA USANDU WA ZAMBI 1975

² Kakweji yono makapwa kakweji wa kuputuka kuli yenu. Makapwa mutangu wa mwaka kuli yenu.

Mukanda Wa Zambi 1970

² “Kakweji yono kuli yenu akabwe mutangu wa ku tukweji eswe a ha mwaka.

Kutuhuka 12:2 Iomraidhean Croise

Estere 3:7

Ha kakweji mutangu, (Nisane) ha mwaka kumi ni wamuchiali wa mwanangana Ahashueru, apwile ni kutaha ngombo ya Puru kumeso ja Hamane tangwa ha tangwa, kakweji ha kakweji, ndo ha kakweji kumi ni wamuchiali (Adare).

Kutuhuka 12:1

Yehova yamba kuli Mose ni Arone mu chifuchi cha Engitu ngwenyi,

Kutuhuka 12:18

Ha kakweji mutangu ha tangwa kumi ni liamuchiwana ha chingoloshi nukalie mbolo kuyishi futunwiso ndo ku chingoloshi cha tangwa makumi aali ni litangu lia mwe kakweji.

Kutuhuka 12:3

Hanjikenu ni chikungulwila cheswe cha A-Izalele ngwenu, Ha tangwa liamuchikumi lia kakweji yono lunga mweswe akalianjile mwana-panga, jiko lieswe mwana-panga, nikulita ni majiko ja atato.

Kutuhuka 13:3

Mose yamba kuli atu ngwenyi, Iwulukenu lino tangwa muze nwakatukile ku Engitu, ewa ku zuwo lia upinji, mumu Yehova yanuchiza ku chihela chize ku tachi ja kwoko lienyi. Kanda nukalia mbolo niyimwe ya futunwiso.

Kutuhuka 13:4

Nunakatuka musono ha kakweji wa Ambimbi.

Kutuhuka 23:15

Ukafunge chiwanyino cha mbolo kuyishi futunwiso. Ukalie mbolo kuyishi futunwiso matangwa shimbiali ngwe nakwambile, haze naselele ha kakweji ka Ambimbi, mumu ha yoze mwene yena wakatukile ku Engitu. Kanda akasoloka kumeso jami mokomoko.

Kutuhuka 34:18

Ukafunge chiwanyino cha mbolo kuyishi futunwiso. Ukalie mbolo kuyishi futunwiso matangwa shimbiali, ngwe nakwambile, ha shimbu liacho ha kakweji ka Ambimbi, mumu ha kakweji ka Ambimbi wakatukile ku Engitu.

Kutuhuka 40:17

Ha kakweji mutangu wa mwaka wamuchiali, ha tangwa litangu lia mwe kakweji yajika ye tabernakulu.

Ezekiel 45:18

Mwene Yehova kanambe ngwenyi, Ha kakweji mutangu, ni tangwa litangu lia kakweji, munukanda chimbembe wa kuji keshi chipa nukapemese zuwo lisandu.

Ezekiel 45:21

Ha kakweji mutangu, ha tangwa kumi ni liamuchiwana lia kakweji, munukalia chiwanyino cha Chizomboka mba ha matangwa shimbiali munukalia mbolo kuyishi futunwiso.

Alevi 23:5

ha kakweji mutangu, ha tangwa kumi ni liamuchiwana ha chingoloshi muhapwa Chizomboka cha Yehova.

Kwalula 28:16

Ha kakweji mutangu, ha tangwa kumi ni liamuchiwana lia mwe kakweji chapwa Chizomboka cha Yehova.

Shimbi 16:1

Nukafunge kakweji ka Ambimbi, nukalie Chizomboka cha Yehova Zambi yenu, mumu ha kakweji ka Ambimbi ha ufuku Yehova Zambi yenu wanuchijile mu Engitu.