Kutuhuka 11:6 - MUKANDA USANDU WA ZAMBI 1975

⁶ Kumukukapwa muteto unene ndusu mu chifuchi cha Engitu. Kanda kupwa unene ngwe uno, chipwe kulutwe kukuchi kapwa nawa.

Mukanda Wa Zambi 1970

⁶ Mbimbi yinene muyibwa mu chifuchi cheswe cha Egiptu, mbimbi ngwe yize kanda ayivwa kama nilimwe tangwa, chibwe keechi kayivwa nawa.

Kutuhuka 11:6 Iomraidhean Croise

Kutuhuka 11:7

Alioze chipwe kawa kechi kakenanyina niumwe wa kuli A-Izalele, chipwe kukenanyina mutu, chipwe kashitu, ka, hanga nukanyingike ngwenu, Yehova hanahandununa hakachi ka A-Engitu ni A-Izalele.

Kutuhuka 12:30

Ha ufuku akatukile Falau, ni ngamba jenyi eswe, ni A-Engitu eswe. Mwapwile muteto unene mu Engitu mumu kukwapwile zuwo nilimwe kulishi mufu, ka.

Kutuhuka 3:7

Yehova yamba ngwenyi, Chamwenemwene hinamona luyinda wa atu jami ali mu Engitu. Hinevwa muteto wo mumu ha mukunda wa tupatashi two; ngunanyingika yinyengo yo.

Kutuhuka 9:18

Hamene, tangwa Chichize, kumungukanokesa chiwe cha makelekeshi, chize kanda chinoka ku Engitu, chize ku mwaka uze aputukile kutunga chifuchi ndo haliapwila, ka.

Yishima 21:13

Muze yiswale mateta, mweswe majika matwi jenyi iye nawa mateta alioze kechi kumwivwa.

Izaya 15:8

Mumu muteto hiwapalika mweswe mu chifuchi cha Moape; mbimbi hiyaheta ndo ku Egalime, mbimbi hiyaheta ndo ku Mbia-elime.

Izaya 19:16

Ha tangwa lize A-Engitu mapwa ngwe mapwo. Machikima ni woma shimbu te kwoko lia Yehova-wa-Tujita kanda lichinyika hali ayo.

Jeremia 31:15

Yehova kanambe ngwenyi, Liji limwe analivu mu Rama, kulila mbimbi; kulila chisasu. Rakele kanalilila ana jenyi. Katayile amulembejeke hali ana jenyi, mumu keshiko.

Lungungu 3:8

Chipwe ngunatambika ni kusanyika angukwase hindu kakuchina kulemba chami.

Amose 5:17

Ku minda yeswe ya uva kumukukapwa mbimbi mumu mungupalika hakachi kenu. Chocho kanambe Yehova.

Zefania 1:10

Yehova kanambe ngwenyi, Ha tangwa lize makevwa muteto ku chikolo cha yishi, ni mbimbi ku chihanda chamuchiali, ni zungo linene ku milundu.

Luka 13:28

Kumukukapwa malilo ni kulikopola ku mazo, muze munumona Apalahama ni Izake ni Yakomba ni aprofeta eswe mu wanangana wa Zambi, ni yenwene manumbila haze.