Kutuhuka 11:1 - MUKANDA USANDU WA ZAMBI 1975

¹ Yehova yamba kuli Mose ngwenyi, Kwasala hindu chilungo chimuwika mungukatuma hali Falau ni hali A-Engitu, mba kulutwe iye kumakanwecha nukatuke ku chifuchi. Muze makanwecha kuya pundu, kumakanuhumamo liakulu.

Mukanda Wa Zambi 1970

¹ Mwene Zambi yambila Mose ngwenyi: “Kwasala lume lamba limuwika lize mungumwesa mwanangana ni akwa Egiptu, mba manwaha jila nukaye. Kumanuhanga cha kunuhanga.

Kutuhuka 11:1 Iomraidhean Croise

Ubutukilo 15:14

Mba mungukalamba atu aze aapita. Kulutwe makatukako ni upite wunji.

Jobe 10:17

nikuweza nawa ku yela je a kulimika ni yami, nikwokesa utenu we kuli yami. Kunakumona kwalumioka ni jita wika.

Kutuhuka 12:29

Mba ha muchima ufuku Yehova yalamba tupula-majimo eswe a mu chifuchi cha Engitu, chize kuli kapula-jimo wa Falau watwama ha ngunja yenyi ndo kuli kapula-jimo wa funge uli mu zuwo lia ususu, ni tupula-majimo a yimuna nawa.

Kutuhuka 3:20

Mungukolola kwoko liami, mungukalamba Engitu ni yikomokeso yami yeswe munguka-linga mukachi ko, mba kulutwe kuma-kanwecha kuya.

Kutuhuka 6:1

Yehova yamba kuli Mose, ngwenyi, Kamunomuno mukamona chize yami mungukalinga, kuli Falau, mumu te ha kwoko lia tachi makaecha, ni ha kwoko lia tachi iye makaahuma haze lia chifuchi chenyi.

Kutuhuka 9:14

Chisuho chino kumungutuma misongo yami yeswe ku mbunge ye, ni kuli ngamba je, ni kuli atu je, ukanyingike ngwe, Hashi heswe wakuhi niumwe walifwa ni yami, ka.

Alevi 26:21

Nyi hindu munwenda nikulimika ni yami nikungwivwa ka, mba mungutuma yipupu yikwo hali yenu, muyihiana ha milonga yenu yisuho shimbiali.

Shimbi 4:34

Chipwe umwe Zambi weka wesekele limwe tangwa kuya ni kulitongwela vungu hakachi ka mavungu akwo ni yeseko, ni yilayi, ni yikomokeso, ni jita, ni kwoko lia ndundo, ni kwoko lia kwolola, ni yuma yinene ya kukolesa mwongo, nikulita ni yeswe anulingilile Yehova Zambi yenu mu Engitu kumeso jenu nyi?

Usolwelo 16:9

Ni atu apapiwile ni chivukuminya chinene: mba ashililikile jina lia Zambi, yoze wapwile ni chiyulo ha lamba lino: aiioze kalikonyekene akamuchichimieke.

1 Samuel 6:4

Mba yamba ngwo, Mulambu wa uhie uka mutumutuma? O yakumbulula ngwo, Yivunda ya oru yitano ni tumbi a oru atano nikulita ni kwalula cha miata ja A-Filistea mumu musongo umuwika wapwile hali yenu eswe ni hali miata jenu.