Kutuhuka 10:7 - MUKANDA USANDU WA ZAMBI 1975

⁷ Ngamba ja Falau ambile kuli iye ngwo, Ndo mwiji muka yono lunga mapwa kambwila kuli yetu? Echa malunga aye, akalingile Yehova Zambi yo. Kanda uchinyingika nyi? Ngwetu, Chifuchi cha Engitu kuchafwa.

Mukanda Wa Zambi 1970

⁷ Akwa kuyula yaahula mwanangana ngwo: “Tangwa lika yono mutu makecha kutumwesa lamba? Echenu, hanga akawayile Mwene Zambi, Zambi yo. Kanda nuchinyingika ngwenu chifuchi cha Egiptu kuchafwa, nyi?”

Kutuhuka 10:7 Iomraidhean Croise

Miaso (Masamu) 107:34

Chifuchi cha kwima mihuko kakuchalumuna puya ya mungwa mumu ha ungulungulu wa waze atwamamo.

Kutuhuka 12:33

A-Engitu ashinjilile e atu. Yaapupwisa kukatuka ku chifuchi mumu ambile ngwo. Yetu eswe kutwafwa.

Kutuhuka 23:33

Kanda akatwama mu chifuchi chenu kuchina manuvulumwisa mu yuma yami. Mumu nyi munulingila tuzambi two, chamwenemwene kumuchikapwa kambwila kuli yenu.

Kutuhuka 7:5

Muze mungulamba chifuchi cha Engitu, ngukachize A-Izalele hakachi ko, A-Engitu kumakanyingika ngwo, Mwe Yehova.

Kutuhuka 8:19

Henaho ambile e yimbanda kuli Falau, ngwo, Acho we munwe wa Zambi. Mbunge ya Falau yakalile, kahalakanyine kuli ayo, ngwe ambile Yehova.

Yishima 29:6

Mu uvulumunyi wa mutu mupi mwatwama kambwila, alioze mukwa ululi kakwimba ni kuwahilila.

Longeshi 7:26

kumanyi hinawana chuma chasasa kuhiana ufwe. Ngwami, pwo yoze mbunge yenyi yapwa miheto ni manda, moko jenyi apwa ngwe kúli. Mutu yoze Zambi kanamumono kuwaha matusuka kuli iye alioze chivulumunyi makwachika.

Izaya 14:20

Kechi kukusa hamwe no ha kukufunda mumu hiwenyeka chifuchi che, hiwashiha atu je. Kanda avuluka nilimwe tangwa ana ja yihenge!

Izaya 51:9

Kwoko lia Yehova, laula, laula uzale tachi. Laula ngwe ha matangwa a shakulu, ha yisemuko ya kushi. Te hi yena ko watetele Rahape tuyipinji? Hi yena ko watuwile ndragau?

Jeremia 48:4

Moape hanakuwu, muteto kanawivu ndo ku Zoare.

Jeremia 51:8

Susumuku Babilonia haholoka, hanafu; mulililenu mbimbi! Andenu yitumbo ha yikola yenyi, hanji muyimuwuka.

Zefania 1:18

Ha tangwa lia ufwatulo wa Yehova kechi kahasa kulipulula chipwe ni prata yo, chipwe ni oru yo. Mu kahia ka ufwatulo wenyi wa ukwa hashi heswe muhaliwa, mumu makasulisa akwa hashi eswe liakulu, susumuku lume.

1 Korintu 7:35

Ni chino ngunambe mukunufumbula; chafupile kunutela muheto, alioze ha chize chinalite, hanga nukavumbike Mwene kunushi yisaka.

Yoshua 23:13

nyingikenu kanawa ngwenu, Yehova Zambi yenu kechi kahuma wano mavungu kumeso jenu nawa alioze kumakapwa makambwila ni miheto kuli yenu. Kumakapwa shikote ha pachi jenu, ni mbimbo mu meso jenu ndo mununonga ha chifuchi chino chipema Yehova Zambi yenu hanwaha.

1 Samuel 18:21

Yamba ngwenyi, Mungumwahaye akapwe kambwila kuli iye. A-Filistea akalimike nenyi. Kashika Saulu yamba kuli David ngwenyi, Musono muopwa tata-weno kamuchimbule kamuchiali.

1 Samuel 5:11

Kashika akungulwile miata eswe a A-Filistea ngwo, Katwisenu mushete wa Zambi ya Izalele ukahiluke nawa kuma kwawo kuchina muutushiha ni atu jetu. Mumu kwapwile mwongo wa kufwa ndusu, limbo lieswe mumu kwoko lia Zambi lialemene chikolo hali ayo.