Kutuhuka 10:3 - MUKANDA USANDU WA ZAMBI 1975

³ Mose ni Arone yaheta kuli Falau, yamba kuli iye ngwo, Chocho anambe Yehova, Zambi ya A-Hepreu, ngwenyi, Ndo mwiji muka kusolo kulilelesa kumeso jami? Echa atu jami aye, akangulingile.

Mukanda Wa Zambi 1970

³ Mba Mose ni Arane yaaya maha mwanangana, yaamulweza ngwo: “Mwene Zambi, Zambi ya Ahebreu, kanambe ngwenyi: ‘Tangwa lika mukalikehesa ku meso jami? Echa atu jami aye akanguwayile.

Kutuhuka 10:3 Iomraidhean Croise

1 Yitanga Ya Mianangana 18:21

Eliya yakundama kuli atu eswe ngwenyi, Ndo mwaka uka munukakashana hakachi ka mbunge jiali? Nyi Yehova iye Zambi mukaulenu. Alioze nyi Mbale mukaulenu. Atu kamukumbulwile chipwe liji limuwika.

1 Yitanga Ya Mianangana 21:29

Wamona chize Ahabe halikehesa kuli yami? Kashika chichi kuneha che chipi mu matangwa jenyi mumu halikehesa kuli yami alioze munguneha chipi ha munyachi wenyi mu matangwa ja mwanenyi.

1 MIANANGANA 22:19

mumu mbunge ye yapwa yovu, hiwalikehesa kumeso ja Yehova ha kwivwa chize hinamba cha kulimika ni homa hano, ni atu jaho eswe, ngwami, muhapwa chihela cha hululu, muhapwa nawa shingo; hiwasonya mazalo je, hiwalila kumeso jami; ni yami nawa hinakupanjika, ngwenyi Yehova.

2 Sango Ja Mianangana 33:12

Mu lamba lienyi yaliumba kuli Yehova Zambi yenyi, yalilelesa chikolo kumeso ja Zambi ya tulamba twenyi.

2 Sango Ja Mianangana 33:19

Kulemba chenyi, ni chize Zambi wamukumbulwile, ni shili yenyi yeswe, ni Utanguko wenyi, ni yihela yize atungileko manangamo ni kumika Ashera ni tuponya a kwola shimbu kanda alilelesa, hanayisoneka mu mukanda wa akwa kumona.

2 Sango Ja Mianangana 34:27

mumu mbunge ye yapwile yovu, ni yena walilelesele kumeso ja Zambi ha kwivwa maliji jenyi a kulimika ni chifuchi chino ni atu jamo, hiwalilelesa kumeso jami, hiwasonya mazalo je nikulila kumeso jami, ni yami hinakupanjika, chocho kanambe Yehova.

2 Sango Ja Mianangana 7:14

nyi atu jami waze hinaaluka jina liami malikehesa, ni kulemba, ni kufupa meso jami, ni kukatuka ku ndako jo jipi, ami mwilu mungupanjika, mungukonekena mutonga wo, munguwuka chifuchi cho.

Jobe 42:6

kashika ngunalilelesa, ngunalikonyeka mu fufuta ni uto.

Kutuhuka 10:4

Nyi ka, nyi kusolo kwecha atu jami kuya, hamene kumungukaneha makumbi mu chifuchi che.

Kutuhuka 16:28

Yehova yamba kuli Mose ngwenyi, Ndo mwiji muka kunusolo kufunga yiyulo yami ni shimbi jami?

Kutuhuka 4:23

Yami namba kuli yena ngwami, Echa mwanami aye akangulingile. Nyi yena kusolo kumwecha, tala, mungukashiha mwané, mwané mutangu.

Kutuhuka 5:1

Kulutwe Mose ni Arone yanjila, yamba kuli Falau ngwo, Chocho anambe Yehova, Zambi ya A-Izalele, ngwenyi, Echa atu jami aye akangulingile chiwanyino mu puya.

Kutuhuka 9:17

Yena hindu hiwalinangamisa mukulimika ni atu jami, kusolo kwaecha kuya, nyi?

Yishima 1:22

Enu yizuzuke, ndo mwiji muka munuzanga uzuzuke? Ndo mwiji muka akwa kulenya mawahilila ni kulenya cho? Ndo mwiji muka yihepuke mavwila kole yinyingi?

Yishima 1:24

Mumu hingunasanyika ni yenu kunusolo kupanjika, hingunolola moko jami alioze niumwe katayile.

Yishima 18:12

Shimbu kwonwona kanda chiheta mbunge ya mutu yakulizata; kulikehesa kuchakutetekela ulemu.

Izaya 1:5

Kuchi te munulikoleza kukolema? Kuchi te manulambalamba nawa? Mutwe weswe unayiji, mbunge yeswe yinalezumuka.

Izaya 2:11

Kumakalelesa meso ja atu a kulizata; kulengumuka cha atu kumakanunguna; Yehova wika kumakanangama ha tangwa lize.

Jeremia 13:10

Akwa vungu lino lipi, kasolo kwivwa maliji jami, kakwenda ni pami ja mbunge jo, hanakaula mazambi akwo kwalingila ni kwawayila, kumakapwa ngwe hina lino kuliatelele milimo niyimwe.

Jeremia 13:18

Amba kuli mwanangana ni naye ngwe, Likehesenu, twamenu hashi, mumu yipangula yenu ya uhenya muyikatuka ha mitwe yenu.

Jeremia 50:29

Sanyikenu ngashi alimike ni Babilonia, waze eswe akunana uta. Muselekenu, niumwe kanda omboka. Mufwetesenu nikulita ni yitanga yenyi; lingenu kuli iye chize iye halinga; mumu hahamwisa Yehova, mwe Musandu wa Izalele.

Ezekiel 5:6

Alioze hakolema shimbi jami ni ungulungulu kuhiana mavungu; hakolema yiyulo yami kuhiana yifuchi yeswe ya kuyijingilika ha kulituna shimbi jami, katayile kwenda nikulita ni yiyulo yami.

Daniel 5:22

Ni yenu mwanenyi Beleshazare nwanyingikine yino yuma yeswe, hindu kunwakehesele mbunge yenu,

Kwalula 14:27

Ndo mwiji muka mungulihumikiza ni chikungulwila chino chipi? Kakulinyenyeta ni yami. Kunevwa kulinyenyeta cha A-Izalele chize alinyenyeta ni yami.

A-ROMA 2:4

Shina unalelesa kulumbama cha utu wenyi ni uhumikizo ni uhomboloji; ngwe kwanyingikine utu wa Zambi kuunakukoko Ulikonyeke.

Hebreu 12:25

Talenu kanda nulituna yoze unahanjika. Mumu kachi kapulukile muze alitunyine yoze waatumbile hano hashi, kachi kuhiana chikolo yetu kutuchi kuputuka kachi mutumba manyima kuli yoze unafumbu mwilu:

Tiangu (Jake) 4:10

Likehesenu kumeso ja Mwene, iye kumakanulemesa.

1 Petulu 5:6

Kashika likehesenu kushi lia kwoko lia ndundo lia Zambi, hanga akanunangamise ha mwaka wenyi.